Phat sot tah kikap tona um lou nunga sopi kikah-a kithana aum hi vangset umtah ahi. Ajeh chu hitobang kikapto na jeh in mipi tamtah hahsatna atoh uve. Chuleh hitobang kitha-kimatna hi apet a alangto a thal choi hon angah diuvin ngehna anei un ahi.
Tupet tah a ngaichat chu cham le lungmonga mipi hon hinkho aman diu chu koi akai in agelkhoh ding angaiye. Chuleh hahsatna toh kho mite chunga sorkar in panpina apeh dingin jong ngehna KSO (GH) in ahin neiye. Hiche ahung gal jam kho mite ho chu nikho achal dung juiyin agenthei nau akibe lap cheh cheh-e ati. Ama ho hahsatna hi avetsui a chuleh kipah tah-a a inlam u akile loi nadiuva akikapto thingnoi miho sorkar in asuh thip din jong temna anei un ahi.
Sorkar toh SoO anei jeh uva asuh thip ding chu sorkar natoh ahi. Hitobang a manchah choi thingnoi miho hi akikapto jing uleh khonung teng khosung mi ijat thi ding ham seithei ahipoi. Hiche jeh a chu apet pet ah sorkar in asuhthip a gal jam kho miho a inlam uva akile loi diu chu thilpha pen hiding ahi tin KSO (General Headquarters) a vice-president (Adm) Mangcha Baite in ngehna ahin neiyin ahi.
