jong aumpoi tin media ang'ah thulhut kamchengin anei un ahi. Amahon asei benau va chun, apet a meiphel gollhang ho chunga nasa tah in kaki pah uve, hinlah chubanga eikithopiu mi atam vangin, kathil hou tamtah ana gudoh jong mi aum kit ne, atiuvin ahi. Dukan dar pa khat in aseina ah; hibang gena touna nehle chah kiboi pet tah un, Town Committee in 'Relief Camp agon uva gena touna eigon peh diudol in kana gelin, hinlah hiche ho chu imacha ana umpon kadatmo lheh e' tin aseiyin ahi.
Upa khat in asei kitna achun; Town Committee hohin khonung leh thil ipi hijong leh hin gong khat naovin te, hinlah aki ngaicha chu apetpet a ipi kiti dingham tichu ahi' ati. Janlhah a chu ititi nageova i nati nah uvem ti thudoh adonbut naova chun; 'Kaki naipi kasopi domdom hou kabel uva ahina theithei ja ka um mai u ahi' atiu vin ahi.
Alangkhat ah Kangpokpi Women Chairperson nu Pi Hechin in media ahetsah na a chun; Tuni sun lam chun Towm Committee in alam alam a mopoh na neiho eikou khom un tohvai kaki hom un, amaho kithopi na award award a donía kithopi nathei chan a kithopi ding tohgon aume, ati. Kithopi na hi iti leh ngong kaiya ham ti thudoh adonbut na achun 'Ki houtoh louva thil kimoh bolthei lou ahina ban a bandh aum kit jeh ahi ati.Datmo umtah khat chu Kangpokpi ADC pu hin Nisim 28 5:00pm vela Inka chu ajing nikho Nisim 29 nilhah lam nidan 3 velin ahebep e, tin ginchat umtah thulhut khat jong akijah ben ahi.
