Hiche chung chang thua keiman detail report kathum ahi tin Agrawal in aseiye. Hiche report dungjuiya chu sorkar in thulhuhna kinei ding ahi. RSS in nasatah a lekhabu teni chu aphatsah lou ahi. Lekhabu
khat chu Ahankaar kiti ahin Anatole France in ajih ahin Pakai Jesu thuhil ho kisun ahi. Adang khat chu Bible ki Kathiyin ahin Manoharlal verma in ajih ahi. Officials hon aseina a hiche lekhabu teni chu selection committee a member mi 22 ho in aphatsah ahi. Hiche committee lah-a chu educationists, writers, subject specialists retired principals leh poets ho pang uva ahi.
Kashmir boina chunga mi 14 thita
New Delhi, Lhajing 1 (IANS): Numei khat le khangdong kum 17 bep mi 2 jaonan Kashmir gam sunga boina jeh in mi 8 jen Pathen nichun athiuve. Hiche boina munhi south Kashmir Pulwama district mun ahin achesa Gansemni a patsa chu boina ana kipan ahitai. Tuchan geiya hiche boina jeh hin agomin mi 14 athilo tan ahi. Hiche toh kisai ahin central cabinet security panel hon kihou khomna aneiyun hinla thulhuhna imacha anei pouvin ahi. Kashmir a hi law and order suhtup hijou louva ahitai, amitakip in kiphinna anei uva kon'a khopi sungle akimvel dunga police station holeh police camp, gari tamtah chule Police akioh denho chan geiya ajep u ahi.
Hiche thutoh kisaiya Chief Minister Omar Abdullah hin New Delhi khopi agavil a Chidambaram le prime minister pa akimu piding ahi.
KM Mathew thina chunga President Patil in lunghem na phong
New Delhi, Lhajing 01: President Pratibha Patil in tuni chun Malayala Manorama thuso a chief Editor KM Mathew thina chunga lunghemna aphong doh in ahi. Aman aseina a Mathew chu natong hat tah chuleh khonung ding gelkhoh journalist ahin hijeh chun Malayala Manorama thuso hi India sunga major Indian language thuso khat in ahin boldoh e ati. Ama thi hi media industry a dinga mi pamai khat ahin aman kum 50 val professional tah-a na ahin toh doh mu theiyin aumtai tin Patil in aseiye.
Mathew hi kum 93 ahin tu-nin athi tai. Hinla ama thi ta jong leh atohga muthei khat chu Kerala a culture leh politics gelkhoh ahi banna nitin thuso abol doh a lolhing tah a circulation 18 lakh nei ahin boldoh jong kipapi umtah ahi.
Athi masangin Mathew in Press Trust of India a Chairman, Indian Newspaper Society a President, Press Council a member, Indian Press Institute a founder member chuleh International press Institute a consultant ho mopohna chom chom ananeiyin ahi. 1998 kum in Padmabushan ana mu in chuleh BD Goenka Award leh adang dang ana mu in ahi.
DMRC in video conferencing system nei ta ding
New Delhi, Lhajing 01 : Network chu 190 kms ahisah ding toh lhonnin Delhi Metro in depot leh office mun jouse a video conferencing system abol doh ding ahitai.
Hiche system hi ahung umdoh teng leh officials ho phat sot tah lutna kihouna chu aum sah lou ding ahitai. Tupet in hiche video conferencing system hi Metro depot 3-Shastri park, Najafgarh leh Khyber pass mun hoa akikoi tai. Hiche jeh chun officials ho leh Metro Bhawan headquarters a thukijah tona phat asu lhom lheh jengin ahi.
Video conferencing facilities hi Metro depot jouse leh office mun jouse a kikoi ding ahi tin DMRC spokesperson in aseiye. Hiche technology hin DMRC kivai poh dan nasatah a akithopi ding ahi. Train hon lampi dunga boina ato jong leh hiche technology manchah thei ahi phat leh gang tah a bol phat a umthei ding ahi.
Chuleh hiche video conferencing facilities aum teng leh officials ho gang tah a kihou matna aumsah
ding ahitai. Chuleh train maintenance, signalling, electrical chuleh telecommunication systems ho thua gangtaha kihou matna umthei ding ahitai tin spokesperson in aseiye. Tupet ahi Delhi Metro in 125 km chan lhai ahin niseh leh mihem 11 lakh apoh le ahi. Hinla phase-II project akichai lam teng 190 km lhai ding mihem 20 lakh val apoh le ding ahiye.
Grant Medical College in hi-tech OTS neita
Mumbai, Lhamul 31 : Byculla mun'a Grant Medical College a modular operation theatre complex thensona aumto lhon in hiche state-run hospital munía hi thin transplants bolna, umding ahitai. Hiche complex hi state budget akon dangka 1.62 crore lut a kisa doh ahi. Hiche mun ahi operation theatres (OTs) 3 aum in hiche chu antistatic flooring chuleh anti-bacterial leh anti-fungal paints kibol ahi.Hiche modular operation theatre hin natna kilah matna asuh lhom ding chuleh operation theatre ho chu Thin transplants bolna dinga ngaichat umpen khat ahi tin Sir JJ group of Hospitals a dean Dr TP Lahore in aseiye. Sir JJ group of Hospitals ahi Grant Medical College jong bahkai khat a pang ahi. Operation theatre 3 ho chu high-end equipment tichu three-chip Camera, Leproscopic set chuleh high-speed sterilizer chuleh ultrasonic chaning devices umsoh kei ahi.
Jilkung jukham khat in Haryana a simlai khat melse tah-a vo
Karnal, Lhajing 1 : Simlai ho chunga bol gentheina aum jingin chuto lhon chun Haryana Karnal district a jilkung jukham khat in simlai chapang khaty akhut ajep boh peh in ahi. Hiche jilkung pa chu amin Bheem Singh ahin Hasanpur khoa High School chu jukham pum'a che ahin class VI simlai Satwinder chu avoh ahi. Akhut avoh boh jeh in khomite along hangun school gate chu akhah un, police ho akou un jilkung pu chu amatsah tauve.
Bheem Singh in simlai chapang pa khut avoh boh jeh in hiche chapang pa chu hospital a apui in ahi. Police official Param Singh in aseina a alang langa kon kihou lhahna aum ding phatsah ahi. Satwinder in aseina a ipi jeh a eikivo ham kahepoi. Ajeh umlouva eivoh ahi. Ama chu ju akham in hijeh chun keiman kalim sah poi ati. Kho mitten aseina a hiche jilkung pa hi aphat seh leh ju akham jinge atiuve. Kum phabep chu school a jilkung ho apha thei nauvin hinla tu langin vang jilkung ho akhohse cheh cheh uve tin Vishal in aseiye.
Jharkhand a Maoist galguh bol ahai ho rehabilitation kipe ding
Ranchi, Lhajing 01: Jharkhand Director General of Police (DGP) Neyaz Ahmed in aseina a Maoist galguh bol koi hileh manchah tol koiya acham tah-a hung kipe lut aum leh sorkar in phatah a vetkolna leh rehabilitation apeh ding ahi tin aseiye. Aman aseibe na a hiche rehabilitation kibol kigo hin Maoist thal choi tamtah ho hung ki surrender ding ahi ati.
DGP in aseina a Jharkhand sorkar in ama ho dingin scheme thah 'Operation Nai Disha' aum'e ati. Hiche scheme noiya chu koi hileh rocket launcher toh surrender kibol aum leh dangka lakh khat amuding, AK-47 leh Sniper rifles ho dangka 75, 000 kipe ding, .303 rifle pea um leh dangka 15,000 amu ding, hand grenade leh bomb apohkeh thei pelut aum leh dangka 2,000 amu ding-u ahi tin Neyaz Ahmed in aseiye. Aman aseibe na a Maoist ho hanta mun'a Khantou-natoh scheme tampi aum in, mi tamtah in natoh amuthei ding ahitai ati.
India in mining sector a dan phatah asemdoh ding ahitai: Moily
Bangalore, Lhajing 01: Union Law and Justice Minister M Veerappa Moily in aseina a gam sunga dan dihlou tah-a mining bol ho vetkol na dinga Mineral Regulation Bill kipo doh vah ding ahitai ati. Tupet in sorkar in bill chu pohdoh dinga agel laitah ahin hiche bill hi aumdoh teng leh gamsunga National Mineral Regulation Authority khat bou umding ahi. Tupet ahi state hon agam a dandihlou a mining bol ho avetsui ahin chuleh license jong amahon apeh u ahi tin Moily in seminar umna khat a aseiyin ahi.
Hinla vangset umtah in sorkar in thaneina state ho apeh vangin amahon illegal mining leh adang dang ho avesui jou pouve ati. Masang jep chun Karnataka chief minister BS Yeddyurappa in a cabinet minister minister Reddy teni ucha chu dandih louva mining case aneina lhon'a atheng sell hone tin anaseiyin ahi. Aman aseibe na a Karnataka a dan dihlouva mining kibol hi Lokaynkta in avetsui ding ahi tin aseiye. Reddy teni ucha hin forest gam lentah jong iron-ore lahna in amang lhon'e tia hehna ana um ahi.
Gurgaon mun’a nidan 4 sheh in car khat amange
Gurgaon, Lhajing 01 : Hiche Millennium City ahin gari mang hi apung cheh cheh jengin ahi. Amun a cheng ho jengin jong car leh bike ho phate chan akiven bit jou tapouve. Police department a record kimu dung juiyin Gurgaon munía pung kal 4 sungseh leh car khat amang theiye akiti. Tukum sungin motar gari mang case hi 1,113 aum in hichu achesa kum sanga 45 percent a sangjo ahitai. Ningkum chun gari mang case hi 867 aum in tukum ahi akhoh leh case 2,000 hung val tei dingin aum'e. Ajeh chu miphalou hi hiche khopi ahin atam cheh cheh-e akiti. Hiche lah-a hi lampi a car kichom hio pang lou lai ahi.
Senior police in gucha michom hi Gurgaon mun'a atam cheh cheh-e ati. Hiche gucha ho anop tah-a acha loh thei nau hi parking mun phatah aumlou jeh ahi tin asei uve. Hitobang miphalou ho akon venbitna leh suhthip ding hi police ho athah beh in mopohna lentah apeh be in ahi. Hinla police in imajouse avetsui thei lou ahijeh a parking mun phatah semdoh angaiye.
Parking mun pha a vetsahna in HUDA sectors 17 leh 18 a hitobang case hi alhom lheh in ahi tin Joint Commissioner of Police Alok Mittal in aseiye. Gurgaon citizens' Council a president RS Rathi in aseina a hiche gucha-mchom hi law and order ahi jeh a police hon avetsui ding mong khat chu ahi
ati.
