Rev. N. Lhungdim, Imphal (Member of Kuki Senior Citizens Welfare Forum Manipur)
Keimatah jong hiche Kuki Senior Society hung um doh theina dinga Lamkai ho lah a khat ka hi jeh in adanghon jong geldan tampi nei unte keima geldan phabep ka hin tah lang e. Kuki Society sunga SOCIAL EVILS ho suhmang dinghiathupi pen ahi.

1)British Galsat minthang Kukite hi Gam le leiset/State akilhung doh thei hih lai beh in ahi le Senior Citizen Society min'a amasapen a Kukite dinga hung kitung doh "ELIZA MAICHAM, Ahthibung Nagaland le Sadiya twikol Pute pate Songkul lutna mun chu agachot lut uva Pathen henga Maicham semna ding ahi jeh in Pu Rev. Seikholen Lenthang kitemía ama Lamkaina agabolthei u ahi. CD-jong akisem in Rs 100/- kichoh cheh a vet thei dinga um ahi tai.

2)Hiche toh-gon hung kibol doh theina penchu Pu Thangso Baite in Kuki Senior Society ho chu Kuki min a Republicday nikho le Red Fort Delhi a Gallery a tou thei na dinga mi-6 sol ding ati chu gamboi jeh a Security akhao beh sheh jeh a che theilou dinga aum tah nunga avel a Executive Committee in hung kigel khom a hung kikhel ahi. Delhi chena ding Fund chu Divert kibol a Eliza Maicham le Sadiya mun taona ding a hung kihei doh ahi.

3)19-22 April 2010 sunga chu mi-8 kilheng doh a che ahiuve, ama ho chu Pu Seijatong Touthang, Pu M. Athang Haokip, Pu Pahend Hangsing, Pu Paotinhen Lenthang, Pu Dongkhojam Lunkim, Pu Paohao Lupheng, Upa Haojakam Chongloi le Rev. Seikholen Lenthang Guide dinga kilheng Cholam man Ggeman Chadon le agom a Rs 15, 000/- vel asumang uve.

4)Bol dingle toh ding chu aban ban a hung chal ding vou ahin kintah a hiche khuche bol ding tia sei doh thei ding vang aumpoi. Nampi lhuhkamna thei na toh thilbol kinei ho vang hi nungbol louna dinga hung kisamphing jing din ahi.

5)Kuki tamna mun jouse Education a Corruption umsah louna dinga hung kilhangsam ding ahi. Guhchat lah chat bol a Exam kibol jing ho adih louva certificate nei ho, School ho le aneiho ahung hapan ding u angaiye ama ho hapanna louva Education kisudih jou lou ding ahi.

6)Numei man lah thua kiban tah a che toh theina dinga Kuki Inpi Dansem jui thei cheh ding, koima atam alhom umchom lou ding kibang hi thei cheh chu thilpha ahi. Numei khat chu Sel-5 hicheh ding Selpi Keng dingpen Rs 4, 000/- hi ding kichang ameikhaiyin ajui ding chule Sel gol khat rs 2,000/- hicheh ding agaom a sum a Rs 10, 000/- hi ding, Dahpi umta lou ding khiba umta lou ding ajeh chu athil aum tah loujeh a bolt ah lou ding deichom a anei hon akibol nom le noppeh ding ti ahi.

7)Chanu lhahna a thilken chung thua meilheite chonna banga apohsah tam ding kichu lou ding, chanu lhahnikho le custom a umcheng bou gonpeh ding adang chu apeh nom le khonung le mipi hetlouva akipeh ding chanu lhah nikho a bol tei dinga umho chu 1)Belpum khat 2) Kongvo khat le Tucha khat 3) Bengkong sa haft poh na ding khat le akhuna ding pon khat le ama kimanchah ho cheng bep toh peh ding ahi.

8)Chanu hi In mun tah a lhah ding In nei lou ho chun Thetre Hall, Communith Hall, Sunday School Hall ho man chah ding Pulpit lomvang Houbung hon gel jong le nop lou ding joh ahi. Chanu lhah nikho in adih lou akibol ngaipoi. Kukite Custom toh kitoh chet a akibol teng le jangkhai ding mi jousea dinga hoi ding chule adih jong ahi jeh a kilom ding bou ahi. Semthu lamthu dan tamtah mi chonna ijui tah jeh un ilamvai taovin Kuki Senior Citizens hon vang Custom khella chonna nei lou ding atiuve.