Research Analysis & Planning Bureau Thuphon Ichennao Manipur gamsung dinmun le Ichen khompi ho lungput hi phatechan akiven ahileh thinglhangmi adeh a ei Kuki Nampi din lungmong a chenna thei ahitapoi tihi het ahitai. Chengkhompi adeh a Meilheiten 'Eikhoi Amatani' tijong leu a politics uchu 'Iti kibol leh thinglhang gam sese ei akichang theidem ti ahin apolitics u alolhin chan a Kukite dia tijat umtah ahi.

RAPB in amudoh dan in Meilhei Historian phabep in Kukite gamsung Meilhei lengte a ahidan sutdohmo sasan
asut go e tithu ahi. Thinglhang gam ho Meilhei lengte a ahi tihi dihlou tah a kikhol hijongleh adih ahi tia Sakhi (prove) pehna ding atamkit in ahi. Ajeh chu Kukite khopi chule gam phabep hi Meilhei te min a um nalai ahi. Hijeh chun Kukiten khomin chule gamíin mimin isah hohi agang theipen'a eimin a ikhel u angaitan ahi. Ajeh chu Meilhei lenggam ahi tia thu ahung gin patni chuleh seiding ihet loudiu ahitai. MLA Somgup (60) um lah a Somli (40) hi amaho ahiuvin Dan le kigahna adeitah uva akisemthei sumilpoute. Hijehchun Sah le Lhang a um Pi le Pu, Nu leh Pa, loileh pai te, lunggel thei Lamkai jousen hitobang thu ahung gin dinghi gelkhoh cheh uhite.

Kukite khopi, gam chuleh mun phabep mimin a um Eimin a khel ding'a dei umho chu Churachandpur, Kangpokpi, Keithelman, Kobru, Thangjing, Leimakhong, Kangchup, Khudengthabi, Kamuching, Taphou, Khamenlok, Chaningpokpi, Urangpat, Sugnu, Makhao Tampak, Leimatak, Litan, Maphou, Sajit Tampak, Chingdai Kholen, Lokchao, Sadar Hills, Chule adang dang.

Chunga hung kipe khomin, mun ahilou leh minphah ahilou vanga khelthei hojouse hi Ja umtah Haosa, Lamkai chule lunggelthei hon phaten gelkhoh uhitin Eimin in khel tao hite. Adeh a akho akho a Haosa Upa hon pan
halah uhitin hiche thuso kibol jouva pat ni 30 sungin lunggel seplut cheh din iki tem uve. Koitobang in Nampi
phatna dia kouna anahsah louleh RAPB in lamkai chengtoh khomin kisah pan ding ahitai. Koitobang in akhomin ngainom louna thu asei theilouding ahitai.

Chunga kisei ni 30 sunga ahung kipeh lut jouteng chuleh RAPB in namlamkai ho koma phalna kila a nampi adia kipe doh atohkhompi magazine editor ho, Daily News Editor ho chuleh Mobile News Editor ho koma apehlut a chujou apat a jatdang minpu khomin leh Gammin hochu News hon kisun talouding ahi. Eimina bou sut hitading. Ngailut um chunga kisei khosung haosahon adeh in hagel khoh uhitin ngaidan inei teho Gosem News ahilouleh Mobile No. 9862219776 leh 9612782521, 8974280151ajong peh lut thei ahijing'e.

Nampi a dia
Lien RAPB