Muntin'a um fans ho chu hiche kum 25 a tah singer nu concert veding hin nikhat ma-in ahung un chuleh singer nuhin angai lut nao leh atom ngainao chunga kipana vet sah leh kithopina in ahung jouse ding chun customised cushion le quilt achunga amin sun tam tah chu achan cheh ding uvin anape soh keiyin ahi. Chuleh singer Katy Perry chun Twitter ah, 'Ken tunia ka concert vedinga hunga jan geh hojouse adingin special Teenage Dream pillow le blanket kasem pehe chuleh amahon jong aphat chompi dingu kakinem'e' tin anasun'in ahi.
Egyptian mihousa khat in Van Gogh painting kigu chunga reward lentah offer bol
Cairo, Lhajing 27(IANS/AKI) : Egyptian telecom tycoon Naguib Sawiris chun Dutch painter Vincent Van Gogh in asut painting kigu mang chu aumna sei doh thei ahilouheh hiche painting kimudoh thei nadinga thu pijou aum leh 140, 000 euro kapeh ding ahi tin offer abolíin ahi. Chuleh hiche thulhut hi broadcaster Europe 1 ah chun phondoh in ana umíin ahi.
Sawiris hi lhang phonga Van Gogh in asut "Vase and Flowers" kiti $55 million man Misem ni masa-a Mahmud Khalil museum kigudoh kipaman pedinga phondoh na neiya kitep nanei hi amabou amasapen ahi nalaiyin ahi. Hiche billionaire pa Sawiris hin, Middle Eastern telecom group Orascon le Italy ading alenpen khatía kihe mobile phone companie, Wind kiti, tua joh dinga lunggel anei company hi aneiyin ahi.
Misemnia thusoh leh boina chunga hin anatoh u khohsah naleh lunglutna aneipouve tia ginmo jeh in police hon Egyptís culture ministry apat official khat leh museum employee mi 4 thudoh dingin police station mun'a ana umden sah uvin ahi. Egypt top prosecutor, Abdel Meguid Mahmud chun, hiche case chunga kholchilna akinei na ahin akimu dan hin gucha ho natoh leh chaloh dan hi evet leh museum a um security ho mit mona lentah akimu-e tin aseiyin ahi.
Security Camera 43 umlah-a hin 7 bou hoitah in ahetheiyin chuleh alarm hojong phat chomkhat masang chun anasesoh in ahi.
Pratt in Montag kom’a marriage counselling kimu pi ding ngeh
Los Angeles, Lhajing 27 (PTI) : Reality star Heidi Montag jipa Spencer Pratt, masanga ana kingaipi mama
tua akhen kigot pahhin akichen nalhon hinkho hi sukeh hilouva huh doh joha aum thei nadingin 'relationship counselling' anei lhon ding in hatah in pan ala-e tin akiseiyin ahi. 'Hill' Star Pratt, kumkhat sung ahung kichen lhon suh tang nadinga tu lha masa a divorce paper sign bol ahin kum 23 a tah blonde beauty Montag hi akilungset nalhon athah beh-a semphat ahi thei kit nadingin marriage counselling kimuto pidingin hatah ajol-e tin thulhut khat chun aseiyin ahi.
Pratt, Montag in amatoh reality TV series pan khom ding anop louleh sextape thum, Montag pan na release kabol ding hi tia tu kal (week) a gihna neipahin, ajinu hi alungse nalaiyin chuleh ama numu kit thei nading ipi hijong leh bol dingin akigong'e tin TMZ thulhut chun aseiyin ahi.
Chuleh TMZ thulhut chun, Montag, Pratt toh lhatun (April) lha a first wedding anniversary nikho a kikhen nuhin ajipa toh athah beh a inchen semkit ding ahilouleh kihou chamkit ding thu chunga hin nop na aneiye tin jongaseiyin ahi.
Pratt kum 27 a tah pajong hin 'fame addiction' kaneije tin aseiyin chuleh hiche natna kon'a kijen thei nading hatah in ahol'in ahi.
