Naxals hohin simlai ho, academicians, trade Unionists chuleh social workers ho Dehi khopi ahin mi tampi anei tauvin hijeh chun commonwealth Games umding toh security agencies ho along gim lheh uve akitie. Hiche hi masang jep a east Delhi akon West Bengal mi Gopal Mishra chuleh assistant lecturer khat kimat akon hetdoh ahi.
Naxals ho hin sorkar natoh jouse adem un chuleh amaho hin Jawaharlal Nehru University (JNU) leh Delhi University (DU) munía simlai ho lah-a aum pan tauve tin thulhut chun aseiye. Amaho hin meetings, processions, symposia chuleh adang dang aphat she in agong uve jong akiti-e.
Maoist ho hatna mun’a airport chu army vetsui dia kipedoh
New Delhi, Lhamul 31: Chhattisgarh state a Bilaspur airport chu Maoist ho hatna mun ahijeh in army ho khut a akipedoh tai. Hiche thu hi tulha nisim 2 nia chu thuso a ana kisei ahi tai. Airports Authority of India (AAI) board in Ministry of Defence (MoD) ngehna chu ana phatsah ahi.
Hiche gellhana hi Naxal boina suthip dinga army ho kipe mai thei ahi tia akisei jing lai tah-a army ho khut a airport hi kipe doh ahi. Naxal boina suthip dinga army ho akipeh na bang aum leh hiche airport himanchah phatah khat hiding ahi. Hiche airport hin 5, 035 feet (1,535 metres) sao runway anei ahin mi 20 touna Dornier -228 class ho dinga phabep ahi. Tupet ahi civilian airport Raipur leh Jagdalpur hi angaichat dung juiya armed forces hon amanchah jiu ahi. Senior AAI official khat in aseina a Bilaspur airport hi army ho kom'a kum 30 adinga kipedoh ahi ati. Hiche hi akhoh dung juiya kum 30 jou teng leh suhsao be thei hiding ahi. Chuleh AAI in angaichat leh amanchah thei ding ahi.
Kashmir valley a avel a phat teplou curfew um kit
Srinagar, Lhamul 31 : Tuni chun Kashmir valley a khopi mun ho a kiphinna athah beh a aum kit jeh in phat teplou curfew aumkit tai. Lacal miho leh security forces ho kikah a kinahna aum jeh in mi 4 athi tai. Janhi a kiphinna an aum jeh a mi 70 val akitong kha lah-a mi 2 chu hospital mun'a tuni jingkah lam chun athi lhon in ahi tin police spokesman chun aseiye. Athi teni chu Mohammed Rafiq chuleh kum 30 a upa Mohammed Siddiqui ahin anei lhon'a chu Baramulla district akon ahi lhon'e.
Officials thulhut dung juiya kiphinna um inte ti jeh a kiven na dinga curfew kikoi ahi ati. Mun khoh lai jouse a police leh paramilitary forces ho akikoi in chuleh mipi ho ahung pot doh leu diuvin thupeh anei un ahi. Police in aseina a thuso miho curfew pass kipe jong cancelled akibol tai ati. Janhi a kiphinna ana umjeh in mipi hon pattan munía Police station alonkhum un chuleh special operation Camp khat jong asuse un ahi. Hijeh a chu police hon that akap nauva Shoukat Ahmad Chopan leh Mohammad Ahsan Ganai chu akap lih u ahi. Hiche boina mun hi Srinagar akon 55 km a gamla Arampore kho ahi akiti-e.
Telangana by-election umna a TRS in lolhin na nei
Hyderabad, Lhamul 31:Telangana by-elections seat 11 aumna a Telanga Rashtra Samiti (TRS) in abon in lolhinna anei un ahi. Ahat nau jong hitobanga hi ana um khalou ahi. Telangana state pilhing semdohna dinga mipi panpina amu jeh un masang 2009 elections a seat 10 ana kaidoh na chung chonna tuchung by-elections chun Telugu Desam party (TDP) akon in seat 1 amu be un ahi. Hinla Nizamabad Urban a candidate koima adin lou jeh in BJP candidate A Lakshminarayana chun avel in congress lamkai D Srinivas chu ajouvin ahi.
Tuchunga TRS hon akitetpi ho ajona chu alhangpi in vote 60,000 apat 95,000 chan ahi. Hitobanga election a ahat nau amasapen hina lai ding ahi. Political analysts hon aseina a vote lhah ho 70 apat 85 percent tobang chu TRS a ahijenge ati. Hitobang a hanta hi achesa 1971 Lok Sabha elections chun Telangana praja Samiti (TPS) in ana neiyin ahi. TPS hon jong hin TRS toh kibanga Telangana state umna dinga kitepna anei ahin hinla seat 14 atet na laha seat 10 bou amu jouvin ahi. Tuchunga TRS in abol hoi jeh in vaihom a pang congress chu ani channa in apangin chuleh TDP in security deposit abol jong votes one-sixth amu jou lou jeh in aman sah tai. TRS lamkai T Harish Rao in Siddipet a atet ahin vote 82 percent amu in hichu 95, 858 val in akinaipi pen congress chu ana jouvin ahi.
Delhi police in commonwealth Games a din security lhingset umding ahi ti
New Delhi, Lhamul 31: Delhi police in tuchan in :test events" 13 chuleh mock drills vei tampi abol toh lhon in Commonwealth Games a kigot na lhingset aumtai ati. Special Commisioner of police (administration) Neeraj Kumar in security manchah ho chuleh officers ho venbitna ding chu Delhi police in phatah in kholchilna anei tai ati. Aman aseibe na a tuchan a manchah um ho chu manchah thei ahitei na ding tohgon aum'e ati.
Commonwealth Games a akichem dingho leh officials dangho che le na dinga speed governor manchah bus hoa kikai ho lahdoh nadin Delhi police in Supreme Court a ngehna lekha ana pelut in ahi. Hinla Contingency aum'a ahileh speed governors ho chu phachu akichem ding ho leh officials ho poh na dinga bus a speed governor kikoi ho lah doh dinga ngehna kinei ahi ati. Kumar in aseibe na a Delhi police in venbitna tho-nga a kinei ding ahi tin jong aseibe.
