Hiche hi Association for Democratic Reforms (ADR) a Income Tax akon'a kimu doh ahi. Hiche analysis kibolna a DMK, AIADMK chuleh TDP ho vang apang poi. ADR a national coordinator Anil Bairwal in aseina a election aum teng leh fund hohi dan dih loutah in akimangcha ji e ati. MP ho leh MLA hon tuchung Rajya Sabha elections chun vote akijoh uve tin Bairwal in aseiye. 2002 kum'a pat in BSP hin nei-le-gou tampi alam doh in ahi. Hiche kum'a chu 11 crore bou anei ahin hinla 2009-10 in 285 crore aneitai. Hiche hin avetsah chu kum seh leh 59.4 percent kal ahi.
BARC in Cancer leh arthritis jen nathei radionuclides semdoh
Mumbai, Lhajing 18 : Bhabha Atomic Research Centre (BARC) chun aki at thei lou cancer dam'o na jen nathei dingin radio pharmaceuticals asem doh un ahi. Hiche manchah hin vun leh thin a aboh um ho chuleh rheumatic arthritis jen dam nathei hiding ahi atiuve. BARC mun'a research kibolna a Luletium-177 (Lu-1777), Yittrium-90 (Y-90) chuleh Phosphorus-32 (P-32) ho hi radionuclides (radio pharmaceuticals) therapeutic phatah hichu vun leh thin a cancer jen dam na thei ahi atiuve.
Hiche chung chonna rheumatic arthritis leh haemophilia jen na a jong manchah thei ahi tin Radio pharmaceuticals Division a luboh Meera Venkatesh in aseiye. Lu177 hi neuro-endocrine tumours jen na a manchah phatah ahi. Y-90 leh P-32 jong hi thin cancer rheumatioid arthritis leh skin cancer jenna a jong phatah ahi tin Venkatesh in aseiye. Radiochemistry and Isotope a director V Venugopal in Medical ngaichat ho semdoh dinga kum 50 val na kitong ahi tin aseiye.
Satyam founder Ramalinga Raju bail a potdoh ta
Hyderabad, Lhajing 18 : Satyam computer founder B Ramalinga Raju in Andhra Pradesh High Court akon in
bail amu tai. Amapa hin IT company accounts a selguh anei jeh-a lha 17 val songkul'a ana um ahi. Raju chu ningkum Tolbol 7 nia chu ana kiman ahitan, tupet in city hospital khata akijen in chuleh surety bond 2 dangka 20 lakh cheh apeh jeh-a bail a pot theidinga court in phalna ananei ahi. Justice Raja Elango in masanga Satyam Computer a Chairman pa chu bail a pot thei dinga phalna ananei ahi.
Company chu Mahindra group in akichoh in amin jong Mahindra Satyam in akhel un ahi. CBI in aseina a ana pot doh hi midang 250 val ho alhep lhah thei ahi tin akilha doh chu aphatsah pouve. Ramalinga Raju bail a apot doh to lhon in dangka 14,000 crore Satyam account dihlou thua kiman mi 10 ho jong akilha doh tauve.
Rajuhinningkum Tolbollha a akimat chun Company board henga lekha athot in account chu dihlou tah a
kimangcha ahi tin ana seiyin ahi. Raju hi court apat thupeh aum kit masangse a Hyderabad khopi a um jing ding ahi tin ama lawyer a pang Bharat Kumar in thuso miho kom'a aseiye. Kumar in aseina a tuchan in Raju in akisei jouse abol in chuleh Court in angai chat jouse abol jing ding ahi ati.
