Toumun kiphin bol'a jaoho seidannin Leisemni sunkim don'a chu galguh bolhohi executive engineer pa office sunga hunglut uva MTDC Executive engineer, Md Sallaudin, section officer (SO) Samuel Hmar leh EE gari tolpa Md. Nasir hochu avoh u ahi. Chomkhat jouvin galguh bol teni hin EE, assistant engineer W Chandramani leh accountant E Chandrakumar chu accountant pa Alto car aapohmang uva nilhah lang 4.30 don'a Keisampat Thiyam Leikai mun'a ahinlha bep'u ahi. Hichi thilsoh hi jingkah lang 9:00 don'a office kaiho natoh boilaitah ahi.
Manipur Tribal Development Department, engineering division noija Tamenglong district Barrack munna
Guest House sahna ding chuleh Tourism Department Imphal dinga Tourist in sahna a percentage eipehdiu ahi
tia galguh bolhon asei uchu anop pehlou jeh uva lunghang ahiuve.
Athilngeh uhi office in nahsah in aneipouve tia galguhbol minihin moltum'a office natong hochu avoh uleh
Nasir luchanghi ajepkhahpeh un Imphal hospital in admit akibol in adangse vangchu akiha suhkhah pouve.
Commondo khut a mi 6 thina Govt in kholtoh pango
Imphal, Lhajing. 18: Imphal West Addl. District Magistrate a kon'a thuso kimu dungjui chun achesa Lhalam (Sept) 9, 2009 jan a National Highway - 53 kom a um Awang Khunou Lamkhai mun a Manipur Police Commondo ho khut a mi 6 thina govt in kholchilna aneiding ahitai, akiti.
Thulhut kimu chun asei na ah achesa Lhalam (Sept) 8 jan a chu Ngasekpam Danny Singh@ Bodhe (26) s/o Ng. Achouba Singh, Sega Road Khwairakpam Leikai, Imphal West, Kshtrimayum Govind Singh (29) s/o Ksh. Gouramani, Keisamthong Hodam Leirak I/W, Md Tomba (32) s/o Md. Iboton, Mayang Imphal Konchak tu a umna Hatta Golapti I/E, Akhongbam Oken Singh (36), Langol Ningthou Leimakhong, I/W, Md. Mujibur Rahaman (38)s/o Md. Ahamad Ali, Uchiwa, Wangbal le Md Ajgar Ali (38) s/o Mogbal Hussain, Borpetta Road Assam hohin commondo hokhut a thina ana to u ahi.
Hiche thu kholchilna nei dingin Manipur government in Home Department Vide Order No. 2/1/(22) 2010H(NHRC) July 7 2010 le August 6 2010 thupeh dungjui in Imphal West Addl District Magistrate pansah ahin, chuleh No. DM (IW)/1/475/CON/NHRC/08 July 12 2010 thupeh dungjui a thilso kipatdan, adih adihlou vetchilna, mit a mu ho a mudol lahkhomna chuleh hitobang thilsoh maban a peldohding danho govt a Addl DM in phat kitepkah a apehlut ding ahi. Hitoh kilhon a ama (Addl DM) Jot-In Dan (Office
Room) sung a thulah khomna aneipan ding ahitai.
Gari bhara aluipa rate hiding ahi: UCM
Imphal, Lhajing. 18: The United Committee Manipur (UCM) in tumasanga transporters hotoh vel tamtah atou khom nung uva passenger fare (bahara) aluipa jat ma kemsah ding tia kinoptona aneiyu chu gari neihon kitah tah'a ajui diuvin tepna aneiyin ahi. Itiham khatna ajuilou uva hiche toh kisaiya thusohaumleh amichang in mopohna aneiding ahi ati. Thaotui ho lhang phonga akimu toh kilhonna gari bahara jong thaotui hah masanga rate chu apeh diuvin mipi komma jong ngehna aneiyin ahi.
UCM in thuso miho kom'a aseina achun, thil umdan ho akhol jouvin Manipur gamsunga um transporters hotoh vel tamtah kihouna ananeiyun ahi. Hiche kihouna nikho hochu ahilehLhamul Nisim 17, Lhajing nisim 2 chuleh nisim 16 ahi. Hiche kihouna hoa kinoptona chu ahileh, petrol leh diesel ho japi a dinga beilam tah a mutheiya aumtoh kilhonna transporter hon gari bahara alui toh kibanga alah kitdiu ti ahi.
UCM in aseibe na achun, transporter ho hahsatna jong akihe nan, ahin 6th Pay Recommendation ahung um toh kilhon'a State Transport Department in rate thah ahin sem ding ana nga phot uva akinopto nahou ajui diuvin temna aneiyin ahi. Hiche rate thah hi gangtah a department in ahinsem doh nadinga UCM in jong pan lah thei chen lah a sorkar kom'a temna aneidiu ahi ati.
Hitobanga kinoptona ho palkeh hi adihlou dan aphondoh toh kilhonin UCM in Thoubal district a transporter hon akinoptona ho mipi ding gelkhohna jal'a ajui diuvin temna aneiyin ahi.
MBBS leh PG simna dinga common entrance um vah ta ding
Tua kipatna MBBS leh PG ho simna dinga themvetna tampi kibol ho chu umlou ding ahitai. Hiche common entrance test hi khoveiapatkibolpandingahitai. Tupeta hi medical college alutna dinga themvetna jattampi um ahi. India gam'a pre-medical tests (PMTs) kibol mong mong hi 17 alhingin ahi. Kum seh leh admission test a undergraduate adin 32,000 ho lahna dingin medical colleges hon themvetna chom chom abol un ahi. MedicalCouncilof India(MCI) a Board of Governors aluboh SK Sarin in aseina a Health Ministry in MCI in common entrance test abol kigot chu phatsahna aneitai.
Hiche toh lhonna chu under graduate leh postgraduate courses a dinga common entrance test khatvei bou umding ahitai. Health Ministry official lam pang hi phatah-a thakhat a ache khom ding deisahna jeh a kibol kigo ahi ati. Tupet in state jousen ama deilam cheh a abol u ahi. Vetsahna in Gujarat in senior secondary examination a mark amu dung juiyin ala in ahi. Hiche jeh a chu thakhat a ache khom theina dinga common entrance test hi kibolgo ahi tin senior official khat in aseiye. Hiche test hi CBSE in abol ding hileh akilom'e.
