Manipur University a mess fee kaljeh a boina soh
Imphal, Lhajing 17: Manipur University a simlai hostelía umhon mess fee lhakhatna dangka 800 a pat dangka 1,000 a akhanjeh in lunglhai louna vetsahnan akiphin nun Vice Chancellor kimupi dinga hunghochu alam tinnun akimusah pouve. Hostel'a um simlai thalhenga cheho Vice Chancellor pan aboldanhi adihlou phatna akimupi dinga hunghochu alam tinnu ahi.
Report kimudung juijin Vice Chancellor, Amuba Singh hin hostel simlai thalhenga cheho komachu amasan namin uleh nahinao kichentah in jihthon eipeuvin chuteng nanulepa te komma nakinodoh thu u kathotding ahi tin aseipeh e. Hijeh a hi simlai hochu lunghang uva Vice Chancellor patoh koima akimuto sahlouvu ahi. Simlai hostel nga a umhochun university campus sungah toumun kiphin anabollun ahi. Amaho jonghi Leisemni chun class ajao tapouvin ahi.
Simlai kiphin ho lunghan dan amu chun VC pa'n hiche mess thua akiphinnau seilhap nadingin amaho lah a
care-taker kilhengdoh uva nikho 15 sung'a neh le chah kichoh dohna alut jat ho jouse ahin pehlut uva hicheva kon'a kisulut jat achu mess fee kihisah ding ahitai tin kinoptona khat asem peh tan ahi.
Office munvel a galmanchah kimudoh
Imphal, Lhajing 17(NNN): Tuni nilhah lam chun Manipur Secretariat kom high security zone mun achun Manipur police commando hon operation abol nauva LMG magazine leh butts khat thing uphu (box) a kikhum amudoh uvin ahi. Hiche hi police ho in Printing & Stationary office campus godown a amudoh u ahi.
Box achun 'IG-BSF' tin ak-isun in ahi. Gari khat a thil tamtah, LMG magazine leh butts jaona ah kihengdim set chu hiche mun achu kimudoh ahi.
Police hon thil hochu hoiya kon'a hung kondoh ham vang ahe hih lai uve. Police commando hon DIPR, MRSTC leh Printing & Stationary vel lah achun operation anabol uvin ahin koima akiman vang aumpon ahi.
Office natong ho kicha, jamdoh u
Imphal, Lhajing.17 (NNN): Thingnoimi hiding a ginmo umhon janhi achu gihna aneijeh uvin Manipur Veterinary leh Animal Husbandry Department a natong tamtah office kailouvin ana um uvin ahi. Thulhut kimu dungjui chun, gamnoivah ho hiding ginmo um mi phabep in Sempatni chun Veterinary leh Animal Husbandry Department a natong staff ho chu "thilsoh khatí umding ahijeh in cholnun 2 masanga office adalhah diuvin gihna aneiyuvin ahi.
Thuso ajah jah uchun, police commando hon hiche office chu ahindel lutuvin, aning akah abonin akhol uvin
chuleh asunga natong ho jong chu hoitah a kholchilna aneijou uvin bou anapot sah uve tin thulhut kimu chun aseiye. Hiche thuso jeh chun, staff lhomcha bou tunin office anakai uvin ahi. Hitobang thuso umjeh a department angai banga achelhah lou jehin, gancha vetsah leh jen dinga hung miho chu thase tah in ana kinun-
gle uvin ahi.
Hiche thuso ahung lutgeiyin, kiloikhomna hihenlang changa hijongleh koima chan hiche department kigihna chunga hin mopohna ahin neihih laiyin ahi.
An thenglou nekha damlou Army hon jendam
Imphal, Lhajing 17 : Senapati district hopsunga um Maram kho, Don Bosco College Hostel mun'a simlai numei mi 49 hochun an thenglou (food poison) aneh khah jeh un adam mo uvin ahi.
Thilsoh het jeh in Red Shield Division noiya 5 Assam Rifles a ARMO Dy Comdt Thankching leh ARMO
Dy Comdt Falguni Chakma lamkaina in Girls Hostel lamajon un adamlou mi phabep hochu 5 Assam Rifles a RMO Capt Guru Prakash in ajen in ahi. Tu tuhin mi 11 hochu MI Room, 5 Assam Rilfes ah akijenpet tah ahiuvin amaho chu phat lam amano tauvin ahi akiti. Avel a cheng mi holeh College authorities ho in 5 Assam Rifles, Commandant kom ah simlai numei ho aphat cha anajen jeh uvin kipathu ana sei uvin ahi.
National Level Workshop umding
Imphal, Lhajing 17 : Manipur State Archives Manuscripts Resource Centre, Keishampat, Imphal mun'a
National Level Workshop khat ìManuscriptology and Paleographyî kiti National Mission for Manuscripts,
Indira Gandhi National Centre for Arts, Ministry of Culture, Government of India, New Delhi toh kithokhom a ahung lhungding Lhajing nisim 22 apat Lhalam nisim 11 nikho 21 sung'a agon diu ahi.
Hiche kin a chu Prof. Dipti, S. Tripathi, Director, National Mission for Manuscripts leh Padmashri RK. Jhalajit chu Jin-gun leh President hi ding ahi. Workshop um sung nikho 5 achu Manuscripts exhibition um ding ahin resource person tamtah Manipur sungleh apam'a kon'a topic chom chom'a mihil dia hung diu ahi.
Disability quota a primary jilkung (ADC) lolhingho kholchilna umding
Imphal, Lhajing 17: All Tribal Disabled Union Manipur (ATDUM) hin thuphon aneijin disability quota a primary jilkung (ADC) a lolhinna neijousen disability ahina original document, exchange card leh qualification certificate ATDUM office a vetchilsah dinga Lhajing nisim 20 masang ngeija ahinkichoi diuvin hetsahna aneije.
Hichi kibollo napenhi ahileh mi 15 tobanghin disability certificate semthu amangun chuleh employment exchange a registered kibol louloi aumme. Chuleh candidate phabep chu 40 percent disability ahilouleh
excess percentage PWD dinga reserved seats a natoh kipe jong aumme tin thuphon chun aseiben ahi.
