Hiche nikho a gelkhom dingho chu ahile, Chief Minister le atoh khompi chule Chairman/Vice Chairman HAC hotoh nisim 16 nikhoa C.M Chamber a kihouna thulhut abol dungjui uva am-achal lhah danle panlah didan seikhom ding ahi.
Hiche chungchona Overlapping Census Operation, District Boundary leh Thinglhang gamsung ho Phaigam noiya kikoi danho lungkim lounaho ichan geilha hitam tithu seikhom najong umding ahi akiti. Hiche kin-gon a hi hungpang chehdin lamkai jouse henga temna aneiyin ahi.
Alangkhat ah Churachandpur Khopi sung'a CDSU minpan a Haosa ho kom'a dangka 500 dongleh CDSU minpan a Dukan Suply hoa thilpoho check bol aum'e tin thujah akineiyin hiho chungthu ahin hetphahna akinei poi tinjong hilchenna ahin pei. Koitobang CDSU min pan'a sumdong aum le Mobile No : 9865187013 , 9856207841, 8974452664 hoa CDSU ho ahin hetsah din mipi ho atem in chule mipin sumdong ho anamat dinjong temna aneiyin ahi.
Sadar Hills ADC Chairman hung kile kitta
Sadar Hills, Lhajing. 21: Achesa Lhajing nisim 17 nikhoa Sadar Hills ADC Chairman Pu S.H. Seipu in ADC Chairman jouse thakhel a Delhi khopia Minister ho kimu pi dinga kalsonna aganei jouvin ahung kile kit tan ahi.
Minister holeh officer ho heng achun Pu Seipu in Manipur gamsunga thinglhang mihon financial autonomy amu loudan tahlangna aga neiyin ahi. Kum 20 jou nunga District Council hung kiumsah kit toh lhon'a nangho ministry hin ipi bolthei nanei diuvem? tin akikhop nauva chun thudoh aneiyin ahi. Adeh set'a District Council noiya Education hi vetchildin din phondoh najong aneiyin ahi.
District Council ho thaneina chung chang thua Gosem thuso hetsahna aneichun Chairman pun ahung lhungding hapta sunga CM pan phase 1hopsunga thaneina apeh dohding ahitai atin ahi. Chukitleh ADC Act 2008 noiya District Council khat sunga Executive member 5 chairman pa lhendoh dinga kiseina bangchan akibol in
hinla party sunga high command ho ahung kikum khah tah jeh un kilungtoh tahinSadar Hills, Senapati, Ukhrul le Chandel hon opposed abol utoh kilhonin tuchan geiyin pending in aumtai atin ahi. hiche thuhi CM a kipatsa order akimu loulai sea pending ding ahitai tinjong aseiyin ahi.
Kimatna thua thu kitandan lunglhailou
CCPur, Lhajing. 21: Achesa Lhamul nisim 25 nikhoa Mr. Hemsei Haokip L.Cemol khoa chengpa kikaimang nathua thutanna kineina chungah L.Cemol le avel dunga cheng mipiho lunglhai lounan alo dim tauvin ahi.
Thulhut kimu dungjuichun Kwakta a cheng Md. Allaudin le Hafta Golapati a cheng Md. Tajudin tenin apuimang a patsa chun amapa hi Naga ho kho Laikoiching muna chun ahenden uvin Lakh 1 toh lhehdin akoi uvin ahi. Chujou chun nisim 12 nikhon CCPur Police Station ah Lamka P/S FIR No. 45/2010/CCP/PS. U/S 365/384/34IPC noiyin thulhut anakibol in hivachun Lamlai SDPO toh kithon ana kihuh doh in ahi.
Hinla akihuhdoh jouchun Allaudin kiti pahin Mr. Hemsei heng achun akikaimangkahipoi, keijoh che kahi tia seisah teiding tin gihna aneiyin ahi. Hinla akikaimang a apan chahkheh jehchun sosalna jong atoh in ahi akiti. Hiche thu seitoh dinga ngaito ahi laitah chun Chief Minister pan kihoutoh uvin lang Mr. Hemsei injong paisa alahchu 50% lehen ahinti nalai tah hin mipi lunglhai louna chu ahung soudoh in ahi. Mipiho dinmun chu ahileh ipi dinga court hilouva CM in thutanna aneiham?
CM khat hina jalin jat lenam khenda henlang thutah in panghen, akikaimang ahijeh a ga kihuhdoh ahi atiuvin ahi. Alangkhat ah hiche chungthua dihtah le hangsan tah a panla Lamlai a SDPO paleh Imphal East Commondo O.C. pa chungah jat le nam khen lou helía natoh aneijal un kipathu jong aphong uvin ahi.
Block Level Literary Competition um tading
Lamka, Lhajing. 21: Independence Day 2010 lopna dia Block jouse'a Block Level Literary Competition um ding kiti chu phat lemchang loujeh a anaum louchu ahung lhungding nisim 23 le nisim 24 nikhoa Block Level Literary Competition um ding ahitai. Hiche Competition a hi 'Unity in Diversity' ti thupia anei diu chule nisim 23 jinglam nidan 10 le Synod hallmun'a Mrs. Manuanching SDO/CCPUR in hondoh na anei ding ahi.
Hiche Block Level Literary Competition a hi School 24 akon simlai ho pangdiu ahin Group 2 a kikhen diu ahi. Junior Category hohin nisim 23 nikho le SYO Hall Simveng muna Choreography, Music/Solo, Rhymes, Recitation, hoa kitetna aneidiu Chule Senior Category hon nisim 24 le SYO Hall le Synod hall muna Choreography, Music/Solo, Speech/Elocution, Skits, hoa kitetna aneidiu chule Painting Competition hi Junior le Senior hon thakhatía nisim 24 nikho le kitet na aneikhom diu ahi. Prize hopdoh nahi Pu Joseph Lalrothang ZEO/ CCpur in aneiding, hichi'a Prize hochu 1st Prize Rs.1000, 2nd Prize 750 le 3rd Prize 500 gon ahi
Computer a jihlut didan kichuhna umding
Lamka, Lhajing. 21: Research Evaluation Monitoring and Supervision le Sarva shiksha Abhiyan, Churachandpur ho tohgon nanoiyin ahung lhungding nisim 25 le 26sunga Synod hall muna Churachandpur District sung'a Education Institute 2010 - 2011 hodin Information Data ho Computer a koilut dingdan kichuhna khat 'Two days Orientation Programme On Filling of Data Capture Format' kiti anei dingu ahi. Hiche kichuhna hi nisim 25 leh Elementary school, Higher secondary, Collage hon anei diu chule nisim 26 nileh Primary school jousen anei diu ahi.
Asha member holeh Nurse hon kihilna neidiu
Lamka, Lhajing. 21: District Malaria Depatment ho toh-gon nanoiyin ahunglhung ding nisim 24 jinglam nidan 11:00 le Singngat YPA hall muna Asha member lhendoh a um hole Nurse ho adia Malaria chung changa Traning umding ahi. Hiche kin a ahi Dr. F. Thienkhogin DMO/ Ccpur le astaff hon thuhil na anei diu chuleh nisim 25 nikho le Saikot PHC mun'a anei kit diu ahi.
SADHAVNA DIVAS
Nisim 20th Lhajing 2010 nikhon Sadar Hills District hopsung'a dingin C.Aisan village a NYK tosotna noiya
Rajiv Gandhi pen nikho "Sadhavna Divas "chu 'Goodwill towards everyone and eschewing violence' ti thupi manchan observed anakibollin ahi. Chule hiche kinna chun Rejiv Gandihi's India nam mite ding'a pan alah dan, athilpha bol ho velgeldoh nale Sadhavna day pledge taking jong aume.
Computer thua Lekhabu kisodoh kitta
Lamka, Lhajing. 21: Gibeon World Computer Training Centre a Managing Director Pu T. Paocha Haokip in asut Lekhabu,'The Gate Way to Computer World' kiti chu 5 March 2007, a First Edition ana sut hondoh ahitoh kilhon in tuni jinglam nidan 8:00 chun Bijang Vaiphei veng ah anivei na 2nd Edition asut jotoh kilhon in Pu Demmang V/Chairman MDC in hondoh na anei jin ahi. Rev. Dr. T. Jamkhothang in pathen kom'a lhandoh na aneiyin ahi.
Pu T. Paocha Haokip in ahoulim nachun, "Gibeon Enterpriss a training mun'a hiche Lekhabu hi khutchoi
lekhabu a kinei ahin chuleh I society u gelkhohna jal'a hung kisun doh ahin hiche lekhabu sung'a um hochu
Basics Word, Microsoft Word, M.S Power Point, Internet, Adobbe Pace maker le Glossary holah a apoimo
jouse kiladoh a dangka 1300 a choh sanga 300 bouva kichoh thei dinga kijih doh ahi ati.
KSO Tuilang Block lamkai thah kilhengdoh
Sadar Hills, Lhajing. 21(Zalaileng): KSO-SH makaina noijin tunin KSO Tuilang Block General Election
2010-2012 sunga din T.Waichong Jr. High School mun na lhang sunga akho akho'a Haosa, Youth Club
chule Nupi kiloikhom ho jaonan lolhingtah in akichaitai. KSO Tuilang Block 2010-2012 Office Bearers dingho chu ahile, President dingin Pu Sehminlen Gangte, T.Waichong kho a cheng, General Secretary din Pu
Lamkholun Doungel, Chalwa khoa cheng, Finance Secretary dia Pu Seiminlal Tuboi, Gelnal khoa cheng
chule Inf. & Pub. D i n g a u Thenminlal Haokip, Kotlen khoa cheng hochu ahiuve.
