London, Lhamul 30 (ANI) : Hollywood heartthrob Brad Pitt in 'Men Who Men Love' kiti poll chu akitetpi jouse akhelíin top in apang in ahi.

Kum 46 a upa actor pahi British miten avet nom uleh adeitah-u mikhat ahin ahi.Ama bantah-a soccer star David Beckham Kum 35 a tah pahi 'Men Who Men Love' poll ahin second spot in apang in chuleh 'Die Hard' star Bruce Willis kum 55 a tah pahi athum nan apang in ahi.

Brad Pitt hi pasal le numei hon adeidan uhi koiya tamjo louvin akibang chet in ahi. Langkhat ah Peter Kay le James hi Top 20 sung ah apang lhon in ahi. 'Hijeh chun pasal dang in nahin deile lungset chom nading in ultra sexy hi angaipoi' tin market research firm.www. thulhut chun aseiyin ahi.

'Men Who Men Love' poll a top 10 ho:
1.Brad apitt
2.David Beckham
3.Bruce Willis
4.Jonny Depp
5.Will Smith
6.George Clooney
7.Daniel Craig
8.Clint Eastwood
9.Jeremy Clarkson chuleh
10.President Barack Obama hohi ahiuvin ahi.

Bill Clinton Rhinebeck Chelsea kichen nading jeh-a che
Lhamul 30: Achanu kichen nading nikho masang chun President lui Bill Clinton chu Rhinebeck,NY mun'ah chun anache in ahi. Akisei dan in hiche mun'a hi achanu kichen nading kintheng chu Misem nileh umding ahi tin thulhut khat chun phondoh na aneiyin ahi. Chuleh Clinton hi local restaurant mun khat'a an nedinga alut pet thusoh mihon anatoh uvin ahi.

President lui Clinton, kum 63 a tah pahi private room Gigi kiti restaurant mun'a neh le chah aneijou chun fans ho ana kimupi-e tin Mid Hudson thulhut chun aseiyin ahi.Chuleh a insung mi dang hohi ol leh hung lhung dingu ahi tin local paper thusoh khat chun aseiyin ahi.

Clinton in achanu Chelsea khonunga apading pa Ed Mezvinsky chu Rhinebeck munía chun anaki mupi in ahi.

US Congressman lui, Ed Mezvinsky kum 73 a tah pachu hiche kin'a ding hin hatah in akisa boilheh in
chuleh alung jong kipah leh thanom lheh in akimu in ahi.

Chelsea kum 30 a tah le ajiding pa Mark Mezvinsky hi Aston Courts estate mun'a mi 400 tobang masanga kichen na aneilhon ding ahin,hinla guest list la-ah chun ginchat lou beh in President Obama apangpon ahi.

Katie Price in modelling agency khat launch bolding
London, Lhamul 31(IANS): Glamour model Katie Price a.k.a. Jordan in ama own modelling agency khat launch bolding in tohgon lunggel aneiyin ahi. Kum 32 a tah reality TV star nu Jordan hin numei chapang khang thah ho a career uhi modelling lang'ah kaki thopi nom'e chuleh modelling langa akipeh dingu hi kadei peh lheh-e tin aseiyin ahi.

'Ken talent agency khat kanei vahding chuleh kahon vahding ahitai khuti tah in phat sot lut taponte' tin model Jordan chun aseiye tin femalefirst.co.uk thulhut chun aseiyin ahi.

Model nuchun aseina-ah 'thil neocha a kon'a thil lentah holdoh le mudoh ding kanomíin ahi.Sumkol vei nahi aning akah phatah in kahesoh keiyin ahi. Hijeh chun sumkol veina hi bol louding kanompon ahi.Chuleh bol louding hileng keile kei chunga nommo kaki sah ding ahi' tin aseiyin ahi. Price hin kum bul lang chun Virgin Media Telivision tetoh multi million pound deal sign anabolíin in ahi.Ajeh chu amanu hin hiche business venture dinga akigon naleh akisah boina hohi mivet theiya kapdoh ding adeiyin chuleh show khat a TV dunga soding in jong adeiyin ahi.

Amanu hin a debut series hohi a modelling agency tohin kinai na ahilouleh kijop matna anei
mei theiyin te tin jong hatah in ginchat na aneiyin ahi.

Jordan hin aseibe na-ah, 'kumkit leh ipiham khat na ginchat louhel-u hungpot doh ding chuleh hiche phat le chun ipi kabol ahi ti nahin het doh dingu ahiî tin aseiyin ahi.

Micheal Jackson in music chart lo kit tading
Los Angeles, Lhamul 31 (PTI): 'King of Pop' Micheal Jackson hi athi nung hita jongleh music chart hohi alo thei kit ding dinmun in aumkit in ahi.Tu kum phal lha leh masanga khatvei cha anaki jakha lou la 10 pan na album khat 'King of Pop' pan asah chu release kibol ding in aum in ahi. 'Thriller' hitmaker pahin athi masang chun hard drive ah release kibol nailou a music tamtah anada lha in ahi.

Amanager lui pa Frank Dileo chun aseina-ah, Micheal Jackson hard drive a chun akisem chaisa le release kibol nailou la 100 lang sanga tamjo apang'e tin aseiyin ahi.Chuleh hiche la ho laha chun star Akon,Will.i.am le Ne-Yo toh asah khom hou la jong apang' tin Billboard.com thulhut chun aseiyin ahi. Hiche hard drive a pang la hohi tua release kibol ding album ahin apang'e tin akiseiyin ahi.

Chuleh hiche album a hin,1980s laiya a blockbuster hit la khat le ni tobang jong apang in ahi. 'Bad album ding in la 2 record kana bol uvin ahi. Ahin hiche la teni hi sensational ahi behseh jeh in kanapan sah pouvin ahi' tin Dileo chun aseiyin ahi.

Jackson estate spokesperson khat chun hiche record thah hi 10-project lah-a amasapen 'King of Pop' pan Sony Music toh tukum bul lang Lhakao lha a athi masanga Seven-year deal USD 250 million lut a sign anabol chu ahi tin suhdih nale suh chet na aneiyin ahi. Jackson hi kum masa Lhadou nisim 25 a drug overdose jeh-a kum 50 alhinía chu anathi ahi.

“American Idol”a Jennifer Lopez Judge a pang ding
Lhamul 30 (IANS): Hiche show industry te thulhut chun PEOPLE thsoh kom'ah singer le actress nu Jennifer Lopez hin 'American Idol' season 10 permanent judge ding in kinop tona anei tai tin hetsah naleh phondoh na aneiyin ahi'. 'Hiche thusoh hi adih-e atah tah ahi monge chuleh singer nu jong hi hiche show judge a panding hi atha anom lheh-e' tin asunga natonga pang mikhat chun aseiyin ahi. Jennifer 'American Idol' judge a pangding ahi kiti thusoh hi Ellen DeGeneres in 'Idol' judge apat haina kanei ding ahitai tia phondoh na ananei nikhoa chu anasoh doh ahi.

Talk show host bolía pang Ellen DeGeneres chun, 'American Idol judge apat haiding tia phondoh ding kati chun hahsa kana salheh in ahi.Ahin kei ding in hiche hi bollou theilou ahipoi,ajehchu kana tohding hi hiche sanga tamjoleh khoh jo kamasang ah akisedim set jeng in ahi.Chuleh kenjong hatah in nommo kasa lheh-eî tin aseiyin ahi.

Thulhut dang khat chun asei na-ah, Lopez manager a sot tah anapang Benny Medina in Fox te toh hiche kinop tona hi abolpeh ahi tin aseiyin ahi.

Chuleh hiche thulhut chun, Lopez kum 41 a tah,cha pengkop Max kiti le Emma kiti nei nuhin ìAmerican Idolî season 10 judge dinga hi Randy Jackson le Kara Dioguardi toh pang khom dingu ahi tai chuleh amahi 2007 kum jong chun contestant ho mentor in anapangíe tin aseiyin ahi.

Simon Cowell injong kum bullang chun 'American Idol' judge apat apot doh-a ahaiding hi phondoh na ana neiyin ahi. Fox company tehin lhangphong tah in Cowell ahilouleh Degeneres khel'a pangding hi phondoh nale tahlang na aneinai pouvin ahi.Chuleh Lopez hi hiche show a hi pangding ham ahilouleh panglou ding ham tithu jong seichet na anei naipouvin ahi.

Ahin langkhat-ah Gossip Cop thusoh chun Cowell le DeGeneres khel dinga hi Liz McNeil le Marisa Luadadio pansah ding in Fox ten lunggel anei uve tin aseiyin ahi.