Athahbeh a Bengali Telivision channel hondoh a umchun temna anei jeh a Forlan city ahi hung ahi . Amahin Yuva Bharati Krirangan, Salk Lake mun a lhajing nisim 1 a Mohan Bagan XI leh Challenger XI ( team football reality show adingakisem) t e n i kichep hi avet ding ahi. Golden ball sanna ding in Forlan in World Cup a goal 5 akhum in ahi. Nivei World Cup late, kum 40 jou a apatna a semi-final a l u t jou nading uvin Forlan in nasatah in pan ala in ahi.
Achesa kum ejat ham apat in Kolkata hin football themtah ho, Pele kum 1977 apat in vilna neiding in akou jing uvin ahi. Hiche jou a vilna hung neiho chu ahile, Zico, Ger Muller, Diego Maradona, Oliver
Kahn, Branco, Romario, Lothar Mattehaus chuleh Karl Heinz Rumminege ahiuve.
Batista in Argentina coach ahina jompei maithei
AFA in leisem nia Diego Mradona contract renew bolding adeilou jeh uva Batista hi interim coach adinga alhen doh u chu ahi. Batista hi Argentina Youth team manager ahin chuleh amahin Argentina in 2008 Olympic gold medal amuna achun ana lamkai in ahi.
Grondona in Maradona chung chang thu seibe ding anom tapon ahi. Ama contract renew akibol lou jou ajing nikho in, Maradona in Grandon in kakoma ajou aseiye tin themmaw achan in chuleh aseina achun, Argentina national team director Carlos Bilardo in ajou jou in eilhem lha-e ati. 'Hiche thu haseilou ding hi, suhkhelna nei nalou dinga chance chu ahi,' tin Grondona in aseiye. Grondona in aphondohna achun, Argentina leh Brazil in kumsunga friendly match nivei neiding tin kinop tona anei in, hiche achu local League players hobou kichem ding ahi ati.
Gamteni hin anigel lhon a kumsunga home match anei lhon ding ahin, ahinla aphat chet vang chu apongdoh pon, hilchenna aneina achun, match khat tukum a umding chuleh kum 2011 tengle match ni umding ahi ati.
Kumsunga hiche gamteni kichepna ding hin Brazil muna 2014 World Cup thanopna ding chu aumdoh sah ding ahi. Hiche gamteni hi tukum South Africa mun a tournament achun quarterfinal a anal el cheh lhon tai. Brazil in World Cup ngavei (five times) alatan chuleh Argentina hin nivei (two times) alatai.
Squad rule thah hi football adinga vangset umtah chu ahi: Wenger
Premier League hon rules thah ahin sem u hi, UEFA Championships League Squad rules akon alah son u ahin, aum ding dan aseinao achun, club jouse hin squad a players min 25 val achonsah louding, hiche achu 'gamsunga khanglen' players getbeh (Eight) transfer window akichai tengle pantei ding tihi ahi.
'Hiche gellhahna hi football lam chuleh players ho adinga vangset umtah khat hiding in katahsan in, (players) Union ho hiche anop u hi kidang kasan chuleh club hon gellhahna anei u hi adih lou beh chu ahi,' tin Frenchman pain aseiye.
Tuchan geiya Premier League ahung chelhah bang in, gamsunga khanglen players ho chu koi itajongle English FA ahiloule Wales FA hon 21st birth day alhin dingu toh lhon a seasons thum ahilouleh lha36 a lahlutna anei u michu ahi ngaiye.
Thengtah a seiding in, Arsenal captain Cesc Fabrigas hi 'gamsunga khanglen' players dinga lhingjou chu ahi, ajeh chu amain kum 16 apat in Arsenal a kichepna ahin neipan tan chuleh tuhin ama kum 23
ahitai. Hiche rules thah hin Arsenal senior squad a khat le khat akitato sah louding chuleh Wenger hin gamsunga khanglen kiti rule dungjui a lhingjou ding players get (eight) tobang anei in ahi.
'Hiche ngaisang chu kahi poi, ajeh chu players tampi hi clubs a kichem thei louding ahitai, chuleh hiche adinga Mthematical consequences apatna chu hiding ahitai,' tin pre-season Emerates Cup tournament kipat masang in amain news conference achun aseiye.
'Anina in, hiche hi club transfer market a lhahsam na ding dinmun umdoh sah ding chu ahi, ajeh chu players 25 naneisa ahi a, player nachoh be a ahile, player 26 nanei ding, hiche achu khat najoh doh tei angai kit tai. Hijeh chun players khat nachoh a ahile aman chu nung mu nadinga nakigel kit angaiye,î tin aseibe kit e.
Stuttgart akon Real Madrid a Khedira kichem ta
Germany midfielder Sami Khedira, Germany World Cup semi-finals alhun jou nadinga nasatah a pan lapa hin, VBF Stuttgart akon Real Madrid a kum nga sunga kichepna anei ding ahitai, tin gansem ni in club akon thulhut chun aseiye. Kum 23 a upa, anu German chuleh apaTunisian pahi, aman LaLiga giants 12 million euros ($15.7 million) ahi tin, Spanish Media akon thulhut chun aseiye.
Real coach thah Jose Mourinho in achoh thah, Argentina winger Angel Di Maria, Spanish midfielder Sergio Canales chuleh Pedro Leon ho jou a ali channa chu ahitai.
Mourinho hi Manuel Pallergrini khel dinga kigui chu ahin chuleh club hin season ni Spanish Championships hunghi Barcelon suhlhah nading leh kum 2002 apat ahin lah jou lou u Champions League title amasapen a lah jou nadinga lunggel anei chu ahi.
Khedira hin international a kichepna hi ningkum lhalam a Friendly match South Africa tetoh akichep naova ahin neipan ahin chuleh Germany World Cup squad a ahung pan chu ginchat umlou tah ahin ahivang in captain Michael Ballack tournament a apanthei louding jeh a chance ahin peh u chu ahi. 'Sami Khedira tobang player hoitah a kichem hohi phatseh a akisol doh tengule alungnom molheh ji uve,' tin Stuttgart Sporting director Fred Bobic in aseiye.
'Alangkhat a seiding in, Sami in a carrer maban a Real a akisem ding chu kadei pih u ahi. Hiche ama adinga kichouna thah club ahi amain lolhinna ahin neiding hi keihon wish kabol uve,' tin aseibe kit e.
