Molsang dunga kona eipanpi hung dia kagal dot ding ham? Van le Leiset sempa Pakaiya kona eipanpi hung ding ahi bouve. Psalm 121 : 1-2
Mihem ngaichat suhbulhing theina dinga panpi thei chu Pathen ahin, Tao lou le ngaicha lou ho chu apanpi jeng jipon ahin asemsa mihem ho chun angaichat u atao teng uleh Pathen in apanpi jing ahi. Kukite dinga ngaichat len pen chu “Pathen peh Gamtum neidoh thei ding hi ahipen e. Kuki Nampi taona min a Koubru Molsangpen a kum 22 valjel chu Taokhomna ana um jing ahin, Mipi ho taona
chu Gamtum neidoh theina dingle Houbung khat a umdoh theina dingle Gollhang ho khat a dinkhom teina dingu chu athupi ahi jing e.
Pathen peh custom/chonna kitup tah inei u ahin idalhaovin inop nop ibol un ahi le Pathen dei hinkho alhing thei tahih beh jengin Pathen dei hinkho neilou ho chunga Pathen vangboh lhung jeng thei lou ahi jeh in tuahi a thah a Kukite custom Pathen peh chu juidih theina dinga asamphong dinga KUKI SENIOR CITIZENS hung kiphut doh ahi.
Kuki Nampi chamlhat lhing hidoh theina ding chu State neiding hi ahi. Hiche ding jeh a chu Gollhang tamtah in hinkho achan jing u ahitan Kuki Nampi Taona toh goh le Kuki Senior Citizens ho chu Pathen sem Nam/tribe khat ihi jeh un Pathen a kon’a State/Gamtum khat inei doh theina dingun mimal hinkho chule Houbung jousen taona inei dingu angai pen ahi. Pathen chamlhat kahi theina dingun State neipeovin tin tao uhite.
Chonkhelna ho dalhah theina dinga hung kisamphong hochu Chavang Kut hi Pute Pate bol anahi jeh a ibol uvin iseiun ibol uve ahin Pute Pate invang MISS KUT/Nungah hoi kitetna hi abol uvin akiseipon, amaho bol loukhat ipat thuíuva ibol uhi adih lou ahi.
Chule bol louding khat kisem thua kibol dihlou nachunga Judon hinkho in imang uve. Hiche hi Kukite che khelna lenpen ahi tia hung kisei ahi. MISS KUT chu kibol da le Judon jong um talou dinga tahsan ahi. Hiche jeh chun 2010 kum a kon a Chavang Kut in Miss Kut abol louding hi Kuki Senior Citizens Society ho lungtup pipen ahi.
Christianity One hundred year lhin kumjong ahi tah jeh a Chavang Kut Committee ho chun ahin gel them uva hiche thu hung kilhangsam hi eisuh bulhing pehthei ding uva taona jong ahi. Houbung mipite kipana hiding chule Lamkai jouse kipana hi ding ahi.
Kuki Traditional Games/Kichep golseh bolthei tampi aume, chule Kuki Cultural Group ho hoi tah a Show bolsah ding mipi vetsah ding ahi. Chule hiche ho tilouva jong Kuki chapa chanu ho lah a Talent nei tah tah vet sah thei “Gosem Pengkul Lhemlhai, Thei-le le” adang dang tampi aume.
Chukit le Kukite sem mong changlhah mipi jouse nehsah ding Kut nikho chu Ankong jong kitup tah a
sem a mipi in kipana Ankong jong luikhom thei ahi. Polam mutheiya miho kipana beh chu kibol doh theile Chavang Kut chu Kut lhing hiding Kipana chu chamkim hiding ahi.
Pathen peh Custom inei hochu ijui dihthei teng ule khat le khat kingailutna le kitahsan na hung bulhing ding chule aban ban a natoh thilbol jouse chu machalna jeng hung kilhung ding ahi. Pathen peh ding vang chu hung kilhung ding ahi.
Hiche ho jouse kilhun toh theina dinga Kuki Senior Citizens Society ho chun amasapen a Eliza Maicham a Nampi dinga taona aganei uva chule Gam le Leiset ahung kilhun doh theina dinga Pute pate Songkul lutna mun tah Sadiya twikol sunga Nampi dinga Taona agaman u ahi.
Mihem ho le Pathen in eisimpeh theina ding uva lamkaiya jong Pu Rev. Seikholen Lenthang Gam le Nam ngailutah kilamkai sah ahi. Akibol le aki tong jouse hi aphat phat a Pathen in eigel dohsah hou hung kibol ahin Nampi vang lhingtah hungchan theina ding in Pathen ibel u ahi.
Read other Articles by Rev. N.Lhungdim
