UNC ho hin ni 20 a dinga Lhajing 4 nikho akipat National Highway teni a hi economic blockade anabolíu ahi. Amahon angeh pen uchu ahileh achesa Lhaphul 6 nikhoa Mao Gate a thilsoh chu Judicial Enquiry bol ding angeh u ahi. Chukit leh UNC hohin Naga mipi hon Manipur state government noiya kaum nom tapouve tia jong kiphin ahiuve.
Hitobang kiphin nahi NSCN-IM lamkai thuingaleng Muivah in United Naga Council (UNC) atildoh a economic blockade abol u ahi tin Left parties holeh Mimistry of Home Affairs in demna aneiyun ahi. BJP leh Left parties hohin Vanghomni Rajya Sabha toukhomna achun Manipur ana panpi in ahi.
Hiche toh kilhon chun thilpo gari hohi CRPF ho venbit najal'in Imphal khopi ah thil ahinpo lut jiuvin ahi. Nilhah seh leh gari tamtah in Mantripukhri, Imphal mun ah jingkal matah leh CRPF escort nanoiya lhei ding'in akigol pan ji tauvin ahi.
Nagaland a Army kilahna umding
Imphal, Lhajing. 6: Imphal khopi sunga Army hoa umna M-Sector a konna thulhut kimu dung juiyin
ahung lhungding Lhajing nisim 23 a patsa 29 changei din Town Hall Ground, Phek (Nagaland) muna pasal hoa dingin Army recruitment rally khat aki gong-in ahi. Hichea kila ding tohmun ong hochu ahile Nagaland sunga umho dinga Soldier General Duty le Soldier Clerk/Store Keeper Technical chule Nagaland le Manipur hoa dinga Soldier Technical le Nursing Assistant ahiuve.Soldier GD (Dispensation category and Matric entry rates) hoa dinga kum 17 le alang a patsa kum 21 kikah changei hithei ding chule Soldier Technical, Nursing Assistant le Soldier Clerk/Store Keeper Technical hoa chu kum 17 le alang a patsa kum 23 kikah changei hithei ding ahi.
Lhajing nisim 23 a patsa 25 gei vetlhahna anei diu hiva lhendoh hochu nisim 26 a apatsa 28 gei medical kholchilna aneipi diu chuteng lhendoh kit hochu nisim 29 tengle written test aneidiu ahi.
NK Singh in Red Shield Division hung velha
Imphal, Lhajing. 6: Lieutenant General NK Singh, AVSM, VSM, Corps Commander 3 Corps chun
Lhajing nisim 6 nikhon Red Shield Division ho umna mun ahung velhan ahi. Amahi Manipur gamsunga thuboi danho velha dinga hung kalsong ahin chule Red Shield Division ho chunga akipa naleh alung lhaina aphong in ahi. Manipur gamsunga chamna aumjing thei nading thupha jong aphongjal in ahi.
Thingnoi hotoh sorkar in kinoptona nei u
Imphal, Lhajing 6: Tunin Imphal mun'a KCP-MC-Lanlumba group in surrender abol utoh kilhon'a tripatite agree- ment kiti Government of India, KCP(Lanlumba group) leh Government of Manipur in
kinoptona Memorandum of Understanding (MoU) soi anabol uvin ahi.
Thulhut kimu dungjuiyin hiche surrender kibol galguh ho chu cadres lists bannei cha a verification bol angaijin ahi akiti. Hiche soi bolna achun Government of India thakhel'a pang chu Naveen Verma, Home secretary, North East in-charge ahin, Inspector General of Police (Intelligence)LM Khaute leh government of Manipur, Special Home Secretary A.K Singha chu state government thakhelíin apang lhoníin chuleh KCP-MC (Lanlumba) lam ah amaho chairman leh home secretary teni apang lhoníin First Manipur Rifles complex, Imphal mun ah hiche kinoptona chu ananei uvin ahi.
Thulhut in aseina achun Manipur chief secretary DS Poonia, Manipur DGP Y Joykumar, Inspector General of Assam Rifles (south) C.A Khrishna leh Ministry of Home Affairs (MHA) ho jong hiche kin kiman na achun apang uve akiti.
