Lhajing nisim 14 ni a patna NSCN-IM hon in ahal uva police station abulu uvapat thu sang pan'a ahitai. Ahinlah Arunachal Pradesh Home minister Taka Dabi hin thilsona mun ahin Naga sepaiho aumpouve atin ahi. 'Thilsona mun ahin Naga galguh bolho aum pouve. Army leh Assam Rifles ho komía Naga galguh bolho hol un kati ahin hinlah tuchan geijin koima amupouve,' tin Tako Dabi in aseije.
Guwahati a kon'a thulhut kimu dungjuiyin deilou lam'a thil ahungsoh theihokham dingin sepai akisolbe e atin ahi. Alang khat ah, palai ni All Assam Students' Union (AASU) leh Assam a opposition party Asom Gana Parishad (AGP) a konin thuboina munhi agavillun ahi. Assam Law Minister, Pranab Gogoi leh Arunachal Pradesh Home Minister, Tako Dabi hin Vanghomni chun amunhi agavil lhon in thu suhdaina dingin kihou limna anei honin ahi. Alangto gelhin amunna chengho peace committee phudoh sahding atinahon ban ah thuboina muna hi CRPF koi dingin akinopto lhone.
Assam hin Charaipung hi Arunachal Pradesh leh agamgi a konna km 10 sunga um ahi ati e. Arunachal Pradesh Home Minister, Tako Dabi in NNN ho kom'a Misemnichun Assam in Charaipung hi kagamsung ahi atihi 1951 notification dungjuiya asei ahin ìhijongleh hichihi kumsottah pihi adihpoi tia kanan u ahi,'tin aseije. T ako Dabi hin thuboi nahi Assam police hon outpost asah uva patna hungkipan ahi, tin aseije. 'Assam police hohin hitia gam akehgot uhi angah loudiu ahetjeh hin Arunachal mitehi kichatnan adim taove. 1979 status quo dungjuiyin Assam leh Arunachal Pradesh hin kiboina munho a hi in asah theilou ahi, tin aseiben ahi.
Dimapur kiveimi hon Lampi khamtanho doudal pan tading
Dimapur, Lhajing 21(NNN): Che le va le photlot a khamtan ahijing jeh a crore simsen lou kiveimi hodia manna ahijing toh kilhon in kiveinamun Dimapur a kiveimi hon lung kitoh le hangsan tah a chutobang a lampi khamtanho doudal pantah ding in kigon tupna aneitaove.
Dimapur Chamber of Commerce tia kiloikhom kiveimi hochun tuchan a lampi kikhamtan hi aphaset ahitai
ati toh kilhon a kiveimi ban acivil society le political party hon khamtanna aumteng palkeh joh dingin tepna aneiyun ahi.
Hetding chu Dimapur hi kiveina munpi Nagaland dingseh a hilouvin North East pumpi a dia Guwahati bantah a ahi. Niseh thil ngaichat ho aphatseh a train in apohlut jing munpi khat ahi. Langkhat a Assam a kon Karbi Autonomous state semdoh ding thum in kiphin na in Lhajing nisim 23 jingkah nidan 5:00 a kipan Karbi Anglong pumpi nidan 24 sung khamtangna Karbi mipi kiloikhom hon aphong kit in ahi. Hiche Karbi kiloikhom hochun kathil ngeh u eikigon peh lou uleh kiphinna khohse jo kachelhah pi nahlai diu ahi tin Assam govt gihna anei kit un ahi.
Geldoh thei chu Karbi Anglong gam hopsung a hi Manipur le Nagaland gari ho lampi ahin, kiphinna apat uleh
aboi deh ding chu Manipur le Nagaland mipi hiding ahi.
