Mark van Bommel vs Xabi Alonso: Bayern munich hardman van Bommel leh
Real Madrid tough guy Alonso hin midfield a koi joh anasat joh lhon kitetna anei lhon ding in ginchat aum in ahi. Kum 33 a upa Dutchman pahin World Cup a hoitoh in kichepna anei in chuleh ama consistent performance hin Dutch te final alutnao a hin nasatah in kithopina ape in ahi.
Van Bommel: Ajinu pa Bert van Marvik in Marco van Basten Euro 2008 joua ahin khel jou in national
side a ahung kile in, Arjen Robben leh Wesley Sneijder in defences ho ahung kaltou uva phat kilemchang chu amu thei lhon nading in midfield a nasatah in na atong in ahi.
Alonso, 28, pahin semifinal a Germany te hoitah a akichep thei lou nading uvin defence lam a hoitah in pan ana la in chuleh Real midfielder pahin Oranje attakers ho hi hoitah a atin kit ding in ginchat aum in ahi.
Sneilder and Robben vs Puyol and Pique: Amaho kah hin, Dutch dynamos in tuchan in goal sagi akhum jou tan chuleh amani kah a koipen hijongle akeng a ball achal teng defenders teni hi a nervous lei lhon in ahi. Ahivang in Spain's centre-back Puyol leh Pique hin Germany attack chu England ahilouleh Argentinate in abol doh ho sanga val in ana sutang lhon in ahi. Anilhon a hi, Barcelona adinga defenders themtah chu ahilhon e.
Villa vs Stekelenburg: Barcelona's a athahbeh a kichepna neipa hin goal nga akhum joutan chuleh hiche
tournament top scorer kipaman golden boot hi Sneijder toh kichu lhon ding ahitan, alangkhat Holland's goalkeeper Stekelenburg hin Uruguay tetoh semifinal a akichepnao chunga goal ni ana khumsah in ahi. Spain's te in hiche tournament ajo ding hi mipi tamtah lungdei chu ahin, chuleh tuchan in amaho hin goal khat val a jona ahin nei nai hih uvin ahivang in goal khum nathei chances tampi akisem doh uvin ahi. Alangkhat a Stekelenburg hin semifinal a Diego Forlan goal khum chunga nasatah in kigel na neijing jongle tuhin angei bang in aumkit tan ahi.
Casillas vs Persie: Arsenal van Persie hin a team-mates hotoh World Cup trophy hi dopsah tei dinga ahin gel jing chu ahin, ahivang in Spain's captain leh goalkeeper pahi Parsie in agel atahbeh a sodoh sah loudinga
suboi ding chu ahi. Season joua akeng natjeh a phallha apat lhatun chan ana kichemlou, van Persie hin Cameroon tetoh akichepnao chunga World Cup adin goal khat bou khumna anei in chuleh hoitah in jong akichem doh joupoi, ahivang in Casillas jong hi world top goalkeepers lah a khat ahi.
Bronckhorst vs Iniesta: Coaching badge adinga lekha simna chuleh national Under-21 side a assistant coach tohmun akilah masanga hi Dutch captain pa adinga professional footballer ahina a akichepna akichaina chu hiding ahitai. Kum 35 a upa pahin, clubs ana kichepna lui lah a hi Barcelona a ahung kichem sotpen in, a carrer hi World Cup trophy lah a kichai sah ding adei in chuleh amahin Iniesta chu hoitah a atin ding jong tahsan aum in ahi. Barcelona's midfielder pahin World Cup a goal khat khum jouna aneitan chuleh Spain's adinga attacking playmaker chu ahikit e.
Kuyt vs Ramos: Ramos hin Germany left wing hochu hoitah in ana ting in chuleh semifinal a chun koima akinolut sah poi. Liverpool's Kuyt hin athilbol doh ho chu asuhkeh piding in ginchat aum kit in ahi. Reds forward pahi Dutch team adinga permanent fixture khat chu ahin chuleh qualifying campaign a nasatah a kichepna hinnei doh chu ahi. Akeng a ball achal poule amahi phatseh a danger tah khat chu ahi. Dutch thil semdoh theina vs Spanish thilbol theina:
Spain te in tuchan in loupina anei hih lai uvin, ahivang in technical impressive display in semifinal a Germany techu ana jou uvin, akichep pi hodinga echengei a ahah dingu chu akimudoh sah uvin ahi.
Fernando Torres leh David Villa lethal goal-scorer ni anei uvin, ahivang in Spain's te alung neng jeh uvin team dang in ajou thei hih uvin ahi. Dutch tehin qualification campaign apat in hoitah in kichepna ahin nei uvin chuleh tuhin15th vei kijoma jona neitei ding tihi adal uvin ahi. Seiding in, Sneijder, Robben chuleh Persie hocheng hi star-studded attack anei uvin ahi. Ahivang in Dutch hohin thilbol theina neitah Spain's defends hi alhem lha jou nading uvem tihi ahi kit e.
