Deputy Commissioner Churachandpur Jingun in apang in chule kinnei Pa in Prof. Dr. Laldena MU Imphal apang in ahi. Hiche kin ahin Rengkai Nungah Pawl Golden Jubilee Song hondoh na aneiyun chuleh Rev.J. Khuma A.G Church in Pathen kom’a lhandoh na anei jin ahi. Jubilee dahpi chup nachu Jingun in apanin RNP sung'a Lamkai jouse in khat vei cheh dahpi chupna anei jun ahi.
Golden Jubilee Souvenir Lekhabu hon doh nachu Prof. Dr. Laldena MU, Imphal in anei jin ahi. Hiche kin'a Ng. Jacintha Lazarus IAS D.C Churachandpur in ahoulim na achun, "Churachandpur sung hi backward ngen ahi nati jiuvin na Society sungu kavet le Backward nading aum pon numei hon na Society sung uva thina man na nanei teng uleh Khangthah hon Pan nala uvin kavet leh kahin kipapi lheh in khangthah hon napan lah nao, natom ngei naho sumang lou a chepi jingun" tin aphong doh in ahi.
Simlai pachanna sangtah neiho kipapi
Lamka, Lhadou 24: Singngat Constituency sung’a Tuchung HSLC themvet na a Pachanna nei Simlai Class-X leh Class-XII ho agamkai MLA Pu.T. Hangkhanpao in Tuni jinglam nidan 10:00 chun achen na Lailam veng mun ah Kipapi nakin Lolhin na nei ho anei pin ahi.
Hiche kipapina kin ahin T.Hangkhanpao in 1st.Division pachanna nei Class X ah Mi-20 ho kipapi nan dangka 1000/- cheh apen Class-XII ah 1st. Division Pachanna nei mi-10 ho dangka 1500/- cheh apen ahi.
SAHILCA in kipathu phonna nei
Imphal, Lhadou : Sadar Hills Chief Association in tuchung MDC-Election kitet nah-a pachanna nei jouse chunga SAHILCA General Secretary Tongkhothang Kipgen in kipapi na thuphon anei in ahi. Aman aseibena ah, Sadar Hills boina hole doile tupchunga amaho makai na a kimachal jing ding ahi tia kinepna anei thu haosa ho jouse thakhela aseina thulhut jong akimu in ahi.
Census official in FIR bol
Imphal, Lhadou 24 : Kum 2011 a dinga district munchom chom a census lahna anei nauva Yairipok hopsung lading a kikoi official hon miphalou hon gihna einei uve tin Yairipok police station a complaint abol uvin ahi.
Thulhut kimu dung juiyin hiche thilsoh hi achesaLhadou nisim 21 nia jingkah lam nidan 8:40 vel ahi akiti. Official phabep ho chun miphalou hon Bongbal Khullen khosunga lut ding anaphal lou u ahin ipi jeh a gihna anei u ham ti akihe naipon Hijeh chun Yairipok police station a FIR akibol e tin thulhut chun aseibei.
MAHUD a Revenue Director kikhel
Imphal, Lhadou 23 : M. Joy, MSC, Additional secretary MAHUD/Revenue, Director in charge post ahina chu N. Gitkumar, chief town planner in thupeh aban aumkah se a dingin akhel tai tin Deputy Director DP, Nitam Arambam in hetsahna ahin nei in ahi.
State News
NH-53 mopohna state PWD kipego lungnom lou
Imphal, Lhadou 24: Vanghomni chun, Zeliangrong Interim Body (ZIB), All Zeliangrong Students Union
(AZSU) leh Zeliangrong Students Union Manipur chun Manipur sorkar hin National Highway 53 chunga mopohna chu BorderRoad Organisation (BRO) a patnin state PWD apedoh goi tin Union minister of
Road Transport and Highways chu aseipeh un ahi. Zelianrong te kiloikhomna thum hohin PWD hin Imphal Municipality kolkah a lamlen jengjong asemphat joulou ahin NH-53 asemphat diuhi amaho dingin hahsa vallinte atiuve.Zeliangrong te ki-loikhomna thum hohin Union minister pa kommah Naga students hon Manipur sung national highway hoa blockade aboljeh uva Manipur sorkar hin NH-53 chunga mopoh na hi alahgot ahibouve. NH-39 sunga Maram a pat Imphal chan chuleh Imphal a pat Moreh chanhi state PWD noija National Highway Division hon avetsuiju ahin, hijongleh lamlen ahoimo behsehjeh hin civil kiloikhomna hohin kiphinna aneijiuvin ahi. Hijehchun, ZIB, AZSU leh ZSUM hin state sorkar tohgonhi donsepeh hih in tin Union minister pachu ajollun ahi.
RMSA Office thah kithensota
Imphal, Lhadou 24: Vanghomni chun centre sorkar’n sponsore abol State Implementation Society of the Rastriya Madhyamik Shiksha Abhiyan (RMSA) office inn chu Education Minister L. Jayenta Kumar in Babupara, Imphal munnah anathenso tai. Thensona kin ahin Chief Secretary chuleh RMSA a Chairman, D S Poonia, Education Commissioner P.K. Singh, Director Education (S) chuleh RMSA a project Director, L Harekhrisna chuleh department na officer adangho ajaovun ahi.
Sarva Shiksha Abhiyan (SSA) tobanga RMSA scheme hin simlai chapang adeh a poverty line noija
umho class 9 apat 12 chan ahopding ahi. Secondary chan geija education hoitah aumna thei dinga hichi scheme hi 2009 kumma ana kiphutdoh ahi. Education Minister pa in houlim aneina ah SSA leh RMSA hi Manipur a education hoi umnathei dinga scheme hoipen ahin, education leh society hatah a akikhelna thei dinga hichi scheme hi state sunga hoitah a implement bol angaije. Tua state sunga boina chenghi kum 20, kum 30 masanga education lhahsamjeh ahin, hichi scheme hin education semphatna dinga na lentah ahintohdoh ding ahi chuleh, official hon hichi scheme implement kibolna dingahi kipe ngam tah a na atoh u angaije tin aseije.
Chief Secretary, DS Poonia hin education semphatna dinga anakivat chu RMSA hi ahin, tunvang kiphutdoh ah- itan oltah a education ahungkhan toudinghi muthei hunghi tante, tin aseije. RMSA
office thah hi 2010 kum, Tolbol nisim 23 nia chu ana kisapan ahin, a insah nan dangka 30 lakh alutne.
AR hon Nilakuti kho a medical camp bol
Imphal, Lhadou 24: Imphal East hopsung Nilakuti kho a Lhadou nisim 24 ni chun HQ IGAR (S) noiya 39 Assam Rifles, 9 Sector hon free medical/dental Camp cum educative lecture ana bol uvin ahi. Medical team ho chu Medical Officer 2 leh medical staff 5 ahin amaho chun chapang jaona in mi 92 lou ho manbei in ahop peh uvin ahi. Hiche nikho chun “Care during Motherhood” kiti thupi mangchan doctor hon hilchet na jong ananei uvin ahi.
JAT Master of Science 2010 a KWSD 3 um
New Delhi, Lhadou 24: Kipa umtah in tuchung Joint Admission Test (JAM) Exam 2010 a Kuki Worship Service Delhi (KWSD) akon a gollhang mi ni le nungah khat injong exam lolhinna aneivin ahi. Amaho chu ahileh; Gl. Johnboi Lhungdim, s/o (L) Lemkhomang Lhungdim, Molnom, Churachandpur kho a cheng ahi. Tukum a chu Physics (Hons) Kirori Mal College (KMC), Delhi University a pat achai ahin JAM exam 2010 a lolhinna aneitoh kilhonin IIT, Mumbai muna M.Sc. Applied Geophysics a admission amu in ahi.
Gl. Haolenlal Chongloi, Mr. Seibem Chongloi & Nu. Vahnei chapa ahin Khenjang, Sadar Hills a cheng ahi. Hansraj College, Delhi University a konía B.Sc (Hons) Geology a ahinchai ahi.
Aman jong JAM exam alolhin toh kilhona IIT, Mumbai a M.Sc Geology admission amu in ahi. Ng. Kimgrace Vaiphei, Rev. Prim Vaiphei & Nu. Lhaikhoneng Vaiphei chanu ahin New Lambulane Imphal a cheng ahi in Miranda College, Delhi University a Physics (Hons) chai a tuchung JAM Exam 2010 achu lolhinna aneitoh lhonna IIT, Mumbai, a M.Sc. Physics ah amun ahi.
NDA Training dinga lolhing ta
New Delhi, Lhadou 24: Union Public Service Commission conduct nanoi a National Defence Academy &
Naval Academy Exam (11), 2009 chu employment news 12-18 June issue achun final result akisodoh toh kilhon in Gl. Telsing Haopu Haokip s/o (L) Onkhosei Haokip & Nu. Chinglhing Haokip, Tuiboung, Churachandpur, Manipur a cheng chapa injong All India Rank 31 a ahung pantoh kilhon in tu ahi NDA Pune a training a cheding ahitan ahi. School ahileh Sainik, Imphal a class VII chan anakai in hiche Jou’a Rashtriya Indian Military College, Dehradun, a tukumma chu Class XII ahinchai ahi.
