'Hiche hi ginchat umlou tah chu ahi,' tin coach Oscar Tabarez in Uruguayan capital a General Assembly kalbi
achun aseiyin ahi. Hiche stage hi players ho, technical staff ho, federation chuleh government officials ho lemna
dinga kisem chu ahi. 'Keiho South Africa muna World Cup lahkit nading lunggel nei in kache uvin ahi. Ahinla keihon hiche chu kaboldoh jou tahih uvin, ahivang in kahung kile uvin gelsang in loupitah in lemna chu kamu uvin ahi,' tin captain Diego Lugano in lemna nasatah amu chung uva aseiyin ahi.
Adang players ho jong hitobang in chun vailhunna loupitah amu chung uva akipah lheh uvin ahi.
'Gamsunga mipi jouse kipun khomna dinga thil kibol doh hi ginchat umlou tah khat chu ahin chuleh hiche hi geldoh hoi hilou khat chu ahi,' star striker Diego Forlan in aseiye. 'Keihon nasatah in, kuseneo pumle, jana neitah in natohna kanei uvin ahi. Gam neocha ihi vang uvin eihon professional tah in eima kitahsanna enei uvin ahi,' tin aseibe kit e. A heroes ho lemna dingin gamsunga mipi 3.5 million val in dap lheh jongle Montevideo muna chun kikhop khomna anei uvin ahi.
Uruguay tehi South Africa muna ginchat hoi hilou tah techu ahiuvin, hiche achun semifinal a Netherland te khut a alel uvin chuleh Forlan in best player kipaman chu asang kit in ahi.
Argentina leh Brazil toh tekah ding in, hiche gam hin, nivei World Cups kum 1930 leh kum 1950 in ana latao vin ahi. Akichep dan u ahoi jeh in, agam kinaipi mipi ho akon in seiphat nale pachat na tampi jong amukit uvin ahi. Squad ho sempatni nilhah a airport ahung lhun uvin chun Uruguayans President Jose Mujica jaona in mi sangkhat val in lemna anei uvin ahi.
World Cup hi Spain in alah dinga lom ahi: Messi
'Spanish team ho World Championship ahung hinao chunga kalungthim pumpin kakipa pi in chuleh amaho hi hiche chang ding mong chu ahiuve,' tia Messi in asei was Xinhua akon thulhut kimu chu ahi.'Spanish club (FC
Barcelona) a ka team mate ho, adang Spanish team ho chuleh Spaniards mipi jouse kakipa pi in ahi,' tin aseiye.
Second half jou extra time a Iniesta in goal goal khat akhum Holland te 1-0 a ajo jou uvin Spain in pathenni
in World Cup chu ana latai.
Pune racing season lhamul nisim 15 adinga vohchon hita
nisim 15 adinga vohchon hita Turf Club muna Pune Racing season chu leisemnia kipan ding ahi. Hiche nikho
28- season a kipaman dangka 6.92 crore, trophy simlou a hi record aggregate prize money chu hiding ahitai. Grade 1 Nanoli Stud Pune Derby hi seasons highlight chu hiding ahi, tin press release chun aseiye. Hiche hi Nanoli's in race kum 1996 apat sponsored ahin bol akon kum 15 sponsorship lam a lolhinna ahin nei chu ahi. Sum a kipaman hi dangka 75 lakh tobang hiding in ginchat aum in ahi.
The Indian classic leh The Indian St Leger hi Mumbai season run awaigei jeh in kum 1990 in apatna in Pune
a ahung kile in ahi. RWITC in The Indian St Leger chu Pune muna umdan theina dinga akichon thei nading in kum 2011 adin aphal pih tai. Derby "prep" races hin spotlight hi Classic crop a Million races host bol hotoh sumkolveina anei khom dingu ahi. Races koval tobang a hi hiche group hohin 1 million val sum veipungna anei dingu ahi, tin thulhut chun aseiye.
Derby jou a hi The Independence Cup kal kichai kon hi season boipen chu hiding ahi. Tukum a, traditional Independence Cup hin dangka 1 million amu ding, gamsung handicap race a sum tam lodoh pen chu hiding ahitai. International Sponsors Irish Thoroughbred Marketing group tia kihe hin races thum support abol ding,chuleh hiche a chun dangka 2 Millions akithopi nao jong apang in ahi. Amaho associate Goffs hin gamsung anaipen a hung lhung ding million race hi kum ni adinga Ellha tengle sponsor bolna aneipan dingu ahitai.
Pune Racing Season hi kum ejat hamkhat Poonawalla Million leh the Pune Derby bouhin sponsored ana bol ji
ahin, ahinla tukum a hiche hin sponsor bol minchetah tah sponsor list a aneitauvin ahi. Adang thanop umtah hiche season adinga kibe khat chu aneiho leh trainers ho ding in web portal khat akihong tan ahi. Hiche Portal horsein. com hin RWITC website kimatna anei in ahi. 'Aneiho chuleh trainers hohin chim umtah kilah ton ale thu kipieh tona hi anei jing dingu ahi. Hijeh a chu, keihon hiche system hi user-friendly atambe nadinga gellhahna kanei u ahi,' tin Jain in aseiye. Tuhin trainers mi 20 in registered ahin kibol tan, aban a jong ahung umbe ding hi tahsan aum in ahi.
Adang features thah achun Villoo Poonawalla Gold Cup, SA Poonawalla Million Race Late Villoo Poonawalla geldohna um chu leh fashion show apang in ahi.
