ho chu natoh khat cheh kipe ding ahi ati. Hiche toset nahi West Bengal Birbhum district muna soh anahi in ahi.
Hat tah a lhai Sealdah chan lhai ding Uttar Banga Express chun Bhagalpur-Ranchi Vananchal Express chu aphut khum anahi e. Banerjee in amun agavet jouvin aman thisoh ahin ginmo khat aume hiche jeh a chu thu kikhol ahiye ati. Hitobang thilsoh hi dei umlou tah ahi ajeh chu mihem hinkho hi thupi tah ahi. Hijeh chun hitobang thilsoh chunga ngaidam kathume, chuleh avel a hitobang thilsoh aumkit lou nadin pan kila ding ahi tin minister nu in aseiye.
Mumbai airport a natong ATC in aphatsah akeh khat bou um
Mumbai, Lhamul 19 : Directorate Generate of Civil Aviation (DGCA) in huikong toh kimatna toset um jing ho kholchilna anei in hinla airport a angaicha ho imacha khoh sahna aneipoi. Gamsunga airport thupi pen Mumbai leh Delhi a natong mi alhom in chuleh Air Traffic Control (ATC) departments a natongho atamjo aphat val a natong ngen beh ahiuve akiti. Kholchilna aum dung juiya 2009 kum chunj air traffic controllers mi 4,600 angaichat lah-a mi 1,500 bouvin na atong in ahi. Mumbai a 200 chuleh Delhi airport a mi 244 bouvin na atongin ahi. Hinla angaichagt jat chu hiche airport teni ahi mi 400 cheh ahi angaiye akiti-e.
Hiche thu hi Airport Authority of India (AAI) a senior official khat in asei ahi. Aman aseibe na a controller khat in pung kal 1 sunga huikong 10-12 chan avetsui ding ahi hinla tun vang huikong 30-40 sung avesui un ahi ati. Hiche jeh a chu pilot hon jing kah leh nilhah lam teng Mumbai ahilou leh Delhi a mun athum leh boina umji ahi ati. Phat khat sungin huikong 30- 45 chan in signals amu ahin hiche ahi kihet khelna bailam tah umthei ahi tan senior Commander khat in aseiye.
Indian restaurant food van 2 Sydney muna kihal
Melbourne, Lhamul 19 : Tuni chun Indian restaurant food van 2 meiyin akihal lha in ahi. Hiche thilsoh hi masang jep a Indian restaurant khat akengata peh in ahi. Hiche huikong chu IGI airport a kipat doh dinga anung chal jeh a technician pa keng chu ata khah ahi. Amapa chu amin Ram Kishore, 45, ahin Air India a natong khat ahiye. Akitoh khah jouvin amapa chu spinal Injuries Centre south Delhi Vasant Kunj muna apolut un khohse thim tah in akiseiye. Airport thulhut in aseina a kishore Keng chu huikong amalam keng in ata khah ahi ati. Hitobang thilsoh aum jeh in huikong chu phat chomkhat louvin aum in ahi. Chuleh asunga tou passenger mi 53 hoi chu huikong chom khat a atou sah tauve. Hiche huikong IC-602 Delhi-Mumbai flight chu pungkal khat jouvin bou aleng doh bep in ahi. Hitobang toset nahi 21.30 hrs vel a chu ana um ahi. Huikong chu kipat doh thei ahitai tia thupeh aum phat a anung chal a ahileh Kishore chu ata khah ahi tin akiseiye. Hiche thilsoh kholchil dingin Air India in thuphon aneitai tin spokesperson chun aseiye.
Dehi police leh MCD nehguh ahat pen’e : ACB
New Delhi, Lhamul 19 : Delhi a Anti Corruption Branch (ACB) a achesa kum 3 sunga case kibol kholchilna khat a Delhi police hi sorkar department lah a nehguh tam napen ahin chuleh Municipal Corporation of Delhi (MCD) chu ani channa in apangin ahi. Delhi police personnel mi 59 ho chu casse nei ahin chuleh MCD a natong mi 27 ho jong case nei ahiuve. Achesa 2007 apat 2010 chan geiyin Delhi sorkar officials 300 ho case akibol khum in ahi tin ACB in aphong doh in ahi. Hiche hi Ashwini Shrivastava in Right to Information dan noiya thudoh anei na a Konna kihe doh ahi. Delhi a Joint Commissioner (Vigilance) N Dillip Kumar in nehguh
aum louna din aphat seh in kholchilna department sunga aum jinge ati.
Gucha-michom mi phabep kimandoh
Patna, Lhamul 19 : Patna khopi Manikchand Talab muna Gardanibagh police station hopsunga gucha-
michom phabep police hon amandoh un ahi. Hiche mi phalou ho hin Kadamkuan muna sum kolvei mi khat achom got uva kona kiman doh ahiuve. SSP Amit Kumar Jain in aseina a Manikchand Talab muna miphalou mi 8-10 vel in sumkolvei mi khat koma dangka 16 lakh achom kigot u akihet phat a kiman ahiuve ati. Amaho akon in semthu pistol 4 leh aching 10 jong akiman doh-e ati. Amaho chu city SP Manu Maharaj makaina noiya kiman doh uva ahi. SSP in aseibe na a amaho hi masanga pat a jong thil tampi ana gu ahiuve chuleh Gardanibagh, Jakkanpur leh Rupuspur police stations hoa case tampi nei ahiuve ati. Amaho lah a Shanker Kumar chu bank a natong khat aji leh acha 2 that in apangin ahi ati. Hiche thilsoh chu Lhakao 21, 2005 kum anahitai. Hiche tailou in jong case tampi aneijin ahi tin police officer chun aseiye.
Gorkha Janmukti Morcha in New Delhi toh kihou ding som
Kolkata, Lhamul : Darjeeling Hills thua a 5th channa trripartite talks chu ahung lhung ding Lhamul 24
teng New Delhi khopi a um ding ahi tai. Buddhadeb Bhattacharjee sorkar lungkim lou na chung chonna Uion Home Ministry in kihouna hi GJM in bandh abolna ding masang jep in asom’in ahi. Home secretary Samar Ghosh in aseina a ahung lhung ding Lhamul 24 teng tripartite talks um ding ahi. Hiche a pang ding chu Chief Minister in alhen ding ahi. Hinla state sorkar in palai asol le asol lou ding akihe chen hih laiye ati. Gorkha Janmukti Morcha president Bimal Gurung in kihou ding asom hi centre in aphat sahna chu state sorkar a lungkim poi ajeh chu Darjeeling gam sunga achesa lhaphul nisim 21 nia Akhil Bharatiya Gorkha Leaugue president Madan Tamang kitha jeh in agam hi aboina laiye ati. Urban development minister Asok Bhattacharya in aseina a tupet a tripartite talks aum ding hi aphat akilem poi. Home Minister P Chidambaram in GJM ho kiphinna joh suthip masa hen tin aseiyin ahi.
Fateh Singh chu ni 5 sung CBI khut noiya umding
Jaipur, Lhamul 19 : Tuni chun BSNL a deputy general manager (DGM) Fateh Sigh leh aloi mi khat chun contractor khat koma nehguh akilah lhon jeh in CBI in aman un ahi. Fateh Singh umna sorkar natong ho umna Vishwakarma muna akhol nauva thil tampi leh lekha nehguh kibol na tampi amandoh un ahi. Hitobang thu hi akihet doh jouvin jong contractor khat in CBI ho koma achen Fateh Singh in keima sem jong akilah-e tin aphongdoh in ahi.
Fateh Singh le aloipa chu CBI khut a ni 5 sung umdin special court in phondohna ananei tai. Amani hi Lhamul 23 teng court kai lhon ding ahi. CBI officiers hon aseina a Sukhbeer Singh in CBI koma ahungin Fateh Singh in amapa bill semna din sum athum-e tia ahung sei phat a kiman ahi tin amavtaar Soni in aseiye. Sukhbeer Singh hin BSNL adinga leinoi a cable alhun ahin anatoh achai jouva dangka 8 lakh bill sem na dinga Fateh Singh hin sum angeh ahi akiti-e.
