ahin tupet a hi Yokosuka, Japan muna um ahi. Hiche galsat twi kong hi lhamul 21 ni teng leh Busan muna um ding ahi tin US military in aseiye. Chuleh destroyer USS Mc Campbell panna a 3 chu hiche nikho ma maleh South Korea lhung diu ahi.
South Korea muna ka um uhi ichan geiya US toh South Korea in kigolchatna anei am ti vetsahna khat ahi tin US Carrier Commanding officer, Captain David Lausman in aseiye. US leh South Korea in avel a boina aum kit lou na dinga tulha teng leh Pyongyang gihna a naval exercise aneikhom lhon ding ahi. Het ding khat chu South Korean Warship Lhakao lha a ana bulu jouva pat Korea teni kikah ahi kihet them louna sangtah umdoh ahi. North Korea ginmo a aum vangin kahe phapoi tin aseiyin ahi. Hinla vannoi in North Korea hi athemmo sah un ahi.
N Korea in gamgi koma Dam akon twi lha ta
Seoul, Lhamul 19 : North Korea in gamgi koma Dam akon in twi alha pan tai. Hiche jeh chu South Korea vadunga twi angai bangin along pan kit tai tin Seoul officials hon asei un ahi. Twi kilha jeh in koima athi-amang aumpoi ajeh chu Pyongyang in amasa in hetsah na ahin neiyin ahi. Ningkum Lhalam chun hetsahna thupeh umlou a dam akon twi ahinlha jeh in Imjin vadunga panga South Korean campers mi 6 anathi in ahi.
Janhia North Korea in second khat a 1,000 tons twi Hwanggang Dam akon ahin lha in ahi tin South Korea ministry thulhut chun aseiyin ahi. Hiche hi North Korea gama go aha juh jeh a Dam a twi kiting atam val phatna ahin lha doh ahi akiti e. Hinla thuso kon khat in hitobang natoh um hi gam teni kikah a kihet themna aum ding deisah jeh hinte atiuve. Water control a ministry official Moon Kwang-Hyuk in aseina a itobangin go ju jong leh Dam kiting chu se jou lou ding ahi hinla South Korea hahsat jeh a bou twi chu kilha doh ahi tin aseiye.
China gama munkai jeh a mi 20 kiholmo
Beijing, Lhamul 19 : China gama go aha juh jeh in twi alen in chuleh munkai aum jeh in mi 20 val akihol mo tai. Hiche thilso na mun hi thinglhang kho khat a ana um ahi. Twi let jeh in mi tampi in huhdoh natoh anei un chuleh tuchana in mi asanga sim ho mun dang aum sah tauvin ahi. Shaanxi province muna mi huhdoh chuleh amang ho holdoh na natoh ache lha jing nalaiye tin Xinhua thuso chun aseiye. Go aha juh jeh leh Muzhu kho leh akom-ael a kho ho chum un in akai in hijeh chun lampi ho ase in huhdoh natoh dei bangin amachal thei poi.
Sichuan province a go aha juh jeh in kal masa chun mi 23 athi in chuleh mi 600,000 tobang mun danga aumsah um ahi. Tuchan a go juh to kisaiya a thi hi mi 146 alhingin adang mi 40 tobang akihol mo in ahi tin Ministry of Civil Affairs chun aseiye. Yangtze vadung a twi ahung letdoh louna dingin natoh ache lha jingin ahi. Hiche twi let hi Three Gorges Dam dinga patepna khat chu ahi. Ajeh chu hiche Dam a twi tam napen chu kal sunga um ahitai tin state broadcaster CCTV chun aseiyin ahi. Hiche thulhut in aseibe na a tuchung twi let dan hi achesa 1998 kuma twisang let toh kibang din aseiyin ahi.
Numei chapang khat kum 7 akihol mo nunga kimudoh
Los Angeles, Lhamul 19 : Police in aseina a Arizona In khat a California chapang khat kum 7 akiholmo nungin akimudoh-e ati. Police hon agahol pet chun hiche chapang nu chu asel un chuleh thudih jong asei pouve tin Los Angeles county Sheriff’s Department Norwalk Station a capt. Patrict Maxwell chun aseiye. Police in amanu birth certificate chuleh akilah nau lekha ho neiet sah un atiu leh amahon hiche lekha ho chu anei pouvin hijeh a chu amaho cha ahilou dan chu ahin seidoh uve tin Maxwell in aseiye.
Hiche chapang nu chu amin Amber Rose Nicklas ahin Ellha 2003 apat a chu ana kiholmo ahitai. Amanu hi Norwalk muna nupa khat in ana kivah lhon ahin ani (aunt) mi 3 in ana kipui mangu ahi. Ani mi 2 chu aman un hinla khat chun Nicklas chu apom a ana jampi ahitai. Maxwell in aseibe na a Amber Rose Nicklas leh hiche nupa teni hi masangin Phoenix, Arizona muna ana cheng uve ati. Hinla iti dan a hiche numei chapang nu hi amanu le pa mong mong akon a midang kom ana umthei ham akikhol jing nalaiye ati. Phoenix police Sgt. Trent Crump in aseina a Amber chu amin leh a pen nikho ho akikhel peh tai ati. Hinla amanu hetdoh na dingin foolprints, photographs leh DNA test abol nauva amatdoh-u ahi.
