Chandigarh, Lhamul 30: Akhut chong anat jeh a tunaicha a kichai national boxing championship a pang jou talou, Olympic bronze medallist Vijender Singh in NIS Patiala muna kithem chuhna aneipan tan chuleh ahung lhung ding Commonwealth Games a gold medal muna ding in kigonna aneitan ahi. 'Fit kahung hikit tan chuleh NIS Patiala muna phatah in kithem chuhna kanei pan tai.

Commonwealth Games hi event lentah chu ahin chuleh gold muna dinga hoitah a kichepna kanei ding
ahi. Adang Indian boxers hon jong hoitah in kichepna anei uvin chuleh hoitah a pan kalah uva ahile India hin gold medal nga (five) beh amu ding ahi,' tin Vijender in aseiye.

'Epi hita jongle, hiche hi knockout event ahung hi apat in, lalna chu khatvei cha hijongle kinei thei lou ahitan chuleh jona neijing angai in ahi,' Vijender in aseibe kit e. Vijender in aseibe na achun, Commonwealth Games brand ambassador adinga boxer Mary Kom, marksmen Abhinav Bindra leh Samresh Jung, wrestler Sushil Kumar chuleh shuttler Saina Nehwal hocheng kilhen jou in keijong akona in kapang in ahi ati.

'List a kapan hi kaipah lheh in chuleh phatthei kachan dan in kakigel e,' tin kum 24 a upa world number one middleweight boxer pain aseiye.

Ministers hon Games work chunga ema asei lou ding uva Sheila in avella sei kit
A ministers hon phatseh a Commonwealth Games adinga akigotnao chunga demna anei jing jeh uvin Chief Minister Sheila Dikshit alung hang in ahi. Vanghom nia emergency Cabinet meeting achun chief minister nu in a Cabinet minister hokoma kichepna dinga kigotna chunga japi masanga kiniel kal louding in aseiyin ahi. Hetman lou va, hiche meeting hi Finance Minister Dr A K Walia in Yamuna Sports Complex vilna anei a chuleh thuso miho koma training umna ding muna natohna hi kivaigei sah ahi tia asei jou a kikou chu ahi. 'Chief minister nuin ministers hokoma thu amoh seilhah lou ding uvin aseiyin chuleh vetchilna neidinga ache tengule thuso miho akipui lou ding uvin aseikit in ahi. Thuso miho ana umkhah uva ahijongle, avaigei naho ahiloule thilgon chunga boina ho asei louding uvin aseiyin ahi,î tin senior Delhi government official khat in meeting jou minutes 11 achun aseiye.

Thulhut kimu dung jui in, hiche project Walia leh PWD Minister Rajkumar Chauhan akichu lhon chunga chief minister nu alung nom molheh in,' amani in akibah louna lhon chu asuhmang lhon a
chuleh thakhat a adin khom nalhon beh amusah lhon angaiye tia asei,' official pain asebe kit e.

OC in Green Games promotes abol in, Commonwealth Games Organising Committee in "Low Carbon Campaign" chu, United Nations Development Programme (UNDP) chuleh Global Environment Facility (GEF) teni toh kikhut jopna neipum hondohna anei in ahi. Hiche project in atup chu first-ever "Green Games" hin khantou dungjuia campaigns, trainings, plantations, awareness through concerts, low carbon fairs for students, teachers, athletes, citizens, chuleh ahung lhjung ding kum 10 sunga carbon dioxide emission hi 20,496 tonnes a akhinem theina dinga promotes abol ding chu ahi. Sudhir Mital, special director general leh programme vet tupna neipa in aseina achun, 'Echen nao gam a hoitah a echen theina dingu chuleh carbon practices ho anem na dinga driving less, planting more trees, using renewable energy, barring plastic usage, using energy efficient lighting, computers chuleh electric appliances hohi promotes kabol nom uve ati.'

Seattle Sounders in Uruguay midfielder Fernandez sign bolta
Seattle Sounders in Uruguayís World Cup midfielder Alvaro Fernandez chu sign kabol taove tin, vanghom ni chun Major League Soccer team hin aseiye.

Kum 24 a upa pahi Seattle's adinga athumna' designated player' chu ahitan, Sweden's Freddie Ljungberg leh Switzerland's Blaise Nkufo team's salary cap sang sangjo lhalo kipe teni lah achun apang tai. Fernandez's hin international transfer certificate amu theina dinga MLS side langa kichon ahin ahivang in midfielder pain aseina achun, kakichon hi nom kasa in ahi ati.

'U.S a kakichep ding hi katha anom in ahi ajeh chu hiche muna hin achesa kum ejat hamkhat achun football kichep nahi ahung machal lheh in chuleh ahung hoicheh cheh in ahi,' tin Fernandez, last season a Uruguayan club Nacional akon a Universidad of Chile a loan a ana kichem pahin aseiye.

Sigi Schmid, Sounders head coach pain aseina achun, 'Alvaro hi ema jouse a manchah thei player chu
ahin, chuleh midfield dinmun tamtah a akichem thei in ahi.

'Kichepna a amain in thahatna ahin polut in chuleh amahin World Cup a hetna jong chu anei in ahi. Goal akhum thei in chuleh midang adding in jong asem pih thei in ahi,' tin aseibe kit e. Fernandez hin New York's French forward Thierry Henry leh Chicago's Mexican striker Nery Castillo teni North American league a World Cup designated players ahina lhon ding sign bolte ni nung ajui in ahi.

CWG a kapan thei lou ding jeh in ngaidam kathum e: Bolt
Jaipur : Usain Bolt in ahung lhung ding Commonwealth Games a pan louna dinga kigel lhahna aneina chunga vanghom ni in Indian mi a fans hokoma ngaidam ahin thum in ahi. TOI hon exclusive interview abolnao achun, worldís best sprinter, pain nikhat leh vang ahung pan jou ding akinepna chu aseiyin ahi.

'Tuchunga kahung pan theilou ding jeh in ngaidam kathum in chuleh khununga ekimuto dingu hi kakinepna chu ahi,' tin Bolt in Indian a fans ading in, TOI mangcha in thulhut ahin nei in ahi.

Bolt, 100m leh 200m a world record semdoh pahi, New Delhi muna Commonwealth Games ellha a umding ahi Jamaican squad a apan ding hi ginchat aum in ahi. Jamaican squad a abul lang in amin chu apang in ahi. Epi hitajongle, a agent pain achesa nikho lang in Bolt in Delhi Games a pan alah lou ding ahi tin suhtheng na ana nei in ahi.

Ngog in Hodgson Liverpool a jona a kipatsa
Vanghom nia Europa League third qualifying round, first-leg match achun David Ngog in goal akhum in, Liverpool manager Roy Hodgson lolhingtah in kipatna anei in chuleh alang hon 2-0 in a successful start as his side won 2-0 at Rabotnicki Skopje muna  chun jona anei uvin ahi. French striker pahin 18th minute achun apatna goal akhum in chuleh pungkal khat lhin nailou in metres 10 akon gamlha in chun goal anina chu ana khum in ahi. Macedonians team hin, Liverpool team a World Cup player  captain Steven Gerrard leh Fernando Torres apan louvang in asuboi jou hih uvin ahi. Stadium's capacity chu fixture kisem masang kal khat lang in ana kijoh doh tan, ahivang in lung nomlou tah a um home fans mi 22,000 val hon final whistle masang in kichepna chu ana dalha tauvin ahi.

Athahbeh a sign abol Milan Jovanovic chu Liverpool's starters lah achun apang chuleh Serbia winger pahin a speed leh close control achun boina anei in ahi.

'Khang dong players atam jo hi hitobang kichepna ahin akipansah poi ahivang in a petformance u chunga kalung alhei sel-e,' tin Hodgson in news conference achun aseiye.