Goa gam’a chapang apengsol ho chunga 3.82 crore akisumang e : Rane
Panaji, Lhamul 30 : Achesa kum 2 sungin directorate of health sercvices in chapang apengsol ho jenna tohgon aneina a state sorkar in dangka 3.82 crore akisumange tin health minister Vishwajit Rane in aseiye. Hiche thu hi assembly toukhomna a Vasudev Goankar in thudoh aneina a aseidoh ahi. Aman aseina a naosen 18, 044 ho vetna aum in hiche lah-a chun chapan 104 ho chu apengsol ahiuive
ati.
Hiche chapang 104 ho laha mi 61 chu fatty acid oxidation disorders ahin, 10 chu organic acid disorders, 7 chu amino acid disorders chuleh 19 ho chu glocose-6- Phosphate dehydrogenaselha sam ahiuve. Hiche programme hi achsa 2008 kum'a chu ana kibol pan ahin kum khat sungin 1.92 crore alut in chuleh akum kit in 1.90 crore alut e tin Rane in aseiye. Chuleh mobile cliic vans 2 dangka 1.92 lakh in akicho in hichu thinglhang gam'a camp bolna in akimange ati.
Mumbai khopi a in khat chim, Chapang 1 thi
Mumbai, Lhamul 30 : Insong dan 4 khat achim jeh in kum 6 pasal chapang khat athi in chuleh adang mi 6 akitongkha uve tin official khat in aseiye. Hiche insong chu north-east Mumbai a Kurla mun'a um Rafique Estate ahin jankim don tah-a achim jeh in asunga cheng ho tampi hung pot thei louvin aum un ahi. Apet pet in huhdoh natoh nei dingin fire engine 9 akisol e tin fire brigade official khat in aseiye. Asunga cheng atamjo chu damsel in ahung pot doh un hinla kum 6 chapang Shahid Khan chu hui aum lou jeh in athi in ahi. Chuleh akitongkha mi 6 ho lah-a numei 3 apangin chuleh fireman Ravindra Popale ho chu LT Sion Hospital mun'a akijen un ahi. Tukum chuhgo ajuh apat Mumbai khopi sunga in chim masapen ahi.
Right to Education toh molso nadia centre in 70% podoh tading
New Delhi, Lhamul 30 : Centre in Right to Education (RTE) Act toh doh na dinga angaicha sum 70 percent chu state sorkar hon apoh doh ding ahitai. Adang 30 percent chu state sorkar hon apohdoh ding ahi. Phat sot tah gel lhahna ana umlou chu tun vang toh doh dinga um ahitai. Hiche hi Finance Ministry a expenditure finance Committee (EFC) in phatsah na hi ana nei ahi. Hiche RTE noiya hi chapang kum 6 apat 14 sung ho man beiya themjiilna anei thei diu ahitai. Tupet ahi Sarva Shiksha Abhiyan noiya hi centre leh state hin 55:45 ratio a kitho khom a pan alah lhon ahi. HRD ministry in aseina a ahung lhung dibng kum 5 sunga hi hiche dan suh bulhit na dinga dangka 2, 31, 233 crore lut ding ahi ati.
Hiche dan suh bullhit na dinga 13th Finance Commission in atum beh a dangka 24, 068 crore hi state ho kihtopina a anei din aphongdoh in ahi. EFC in aphatsah dungjuiya angaicha 65 percent chu centre in apohdoh ding ahi tai ati. Chuti henlang hileh agom'a chu dangka 1, 58, 725 crore hiding ahin hichu 70 percent tobang alhing jouvin ahi. Hiche chung changa Finance minister Pranab Mukherjee in HRD minister Kapil Sibal ana kimupi in adang angaicha ho kithopi din ana tem in ahi. HRD ministry chun 75:25 ratio a bol dinga ana ngeh ahin hinla hichu EFC ana nom lou ahi.
Air Force officer khat kahi tia ajou sei khat kiman
Mumbai, Lhamul 30 : Kum 73 a upa khat masanga Air Force officer kahi tia sei chuleh gam danga
natoh kipe ding ahi tia passport leh visa kingaito in tia Gujarat a um mikhat kom'a ajou asei jeh in amapa chu aman un ahi. Amapa chu amin Akbar Ibrahimkhan ahin chuleh ajou a abol pa chu Kunal Gandhi ahi. Khan hin Gandhi kom'a kajinu chu consulate a natong ahi tin aseiye.
Gandhi chu America a achenom jeh chun Khan thusei chu atahsan in ahi. Police in aseina a Khan in Gandhi komía passport leh visa semna dinga dangka 6, 000 alah jouvin amapa chu akisel den tai. Hijeh a chu Khan chu police hon Khan aman un ahi. Amapa hi aphat she a Uniform a kivon ahin lha khat leh dangka 900 pension kamu e ati.
