London, Jul 30 (PTI): Hollywood actress Julia Roberts hi achate 3 ahung khan let ulheh vet nom ahung um jepjep'u toh ki lhon in hatah in akithang at pi lheh in ahi.

"Eat, Pray, Love" star nu Julia Roberts,kum 5 a tah a peng kop Hazel le Phinnaeus chuleh chapa Henry, kum 3 a tah ajipa cameraman Daniel Moder toh neinu hin achate hung khan let hi avet lehahinkho hatah in athanom in aki thang at pilheh in ahi. Actress nuhin hitia insung khat hina a hinkho thanom tahleh kitoh tah-a aman-u hin achate 3 personalities asuhoiye tin atahsan'e chuleh achate hin lekhabu angai na lheh uve tin Contactmusic thulhut chun aseiyin ahi.

'Amaho 3 ding hin totna leh thil dang dang kabol peh pon ahi.ahin aphat tamjon kaki chep pi jing in ahi.Kachate chunga hin hatah in impress kahi lheh in ahi. Ama hohi ngainom umleh lunglut um kasa lheh in ahi.chuleh amaho toh kivop hi nom kasa lheh-e' tin Roberts in aseiyin ahi.

Kum 42 a upa actress nu Roberts hin,achate jingkah ahung kitho uhi kavet nom'e tin aseiyin ahi. 'Jing kah ahung kitho uva aum chan uhi kavet nom lheh in ahi.Amahohi Pathen akon thilpeh thupi pen le hoipen ahi. Chapang lungthen dan hi kavet leh thupi kasan chuleh datmo umjong kasan ahi' tin Roberts chun aseibe in ahi.

Chris Tucker in million lang taxes ba: Thulhut

Los Angeles, Jul 30 (PTI): American actor Chris Tucker hin taxes pehlou USD 11.5 million aneiye tin thulhut khat chun aseiyin ahi. Actor-le-comedian pa, "Rush Hour" film franchise hon a film khat cheh a USD 20 million a peh pauhin 2001, 2002, 2004, 2005 leh 2006 kum hoa hi taxes apeh loujeh in Internal Revenue Service tekom'ah sum tamtah aba doh tai tin TMZ.com thulhut chun aseiyin ahi. Chuleh hiche USD 11.5 million abat na chung chon ahin,kum 37 a tah star pa Tucker hin state of California te kom'a jong USD 3.6 million lang aba in ahi.IRS a um Official hon tuhin Los Angeles County Recorder's Office ah hiche pehlou taxes hohi nung mu kit thei nading in legal documents file abol uvin ahi.

Hollywood A-lister holah-a dingaTucker bou hi tax evasion jeh-a boina nei ahipon ahi. 2007 kum chun, Jennifer Lopez jipa Marc Anthony jong chu USD 2.5 million,2000 apat 2004 chan file return anabol lou jeh in back taxes peding in court in thupeh ananeiyin ahi.Hiche lai hin Marc Anthony hin anatoh na-ah USD 15.5 million val lang ana lodoh in ahi.

Chuleh hiti ma chun, actor Nicolas Cage in jong bat ahoubeh sehjeh in asah nading in aneile gou ijat hamkhat anajohdoh in ahi.Actor pa hin kum masa chun USD 6.3 million tax bill ana ba in ahi.

Polanski achen na gam France a hung kile ta
London, Jul 30 (PTI): Filmmaker Ronan Polanski hi Switzerland a house arrest a aum akon akilha doh jouva pat'in amasapen ding in achen na gam France mun jon'in ahung kile in ahi. 'Rosemary's Baby' kiti filmmaker pa hi, Swiss official hon US prosecutor ho thum na leh ngeh na amachunga child sex charge jeh-a aneiyu chu analah peh lou utoh kilhon in amahi lha masa chun house arrest apat lhadoh in ana um in ahi.

Polanski hi Gstaad mun'a a luxury chalet In mun ahin Lhalam masa a Zurich gam'a film festival a ahung na a amat jou uva kipat hin house arrest in ana um in ahi. Kum 76 a tah director Polish mipa hi achen na gam France mun'a hin ajinu Emmanuelle Seigner toh ahung kile lhon tan ahi. Film director pa Polanski hi Paris lam pam'a chun Pathen ni chun ajinu Seigner le achapa lhon Elvis toh restaurant jon'a ahung patíu thusoh miho chun anatoh uvin ahi. Polanski hin,dan dihlou tah-a 1977 kum'a kum 13 a tah numei chapang khat toh analup khom jeh-a mona achan jou nikho a pet chun America gam anada lha in France gam'ah anakichou lut in ahi.

Charity adinga Condoleeza Rice le Arethra Franklin in duet bol
New York, Jul 30 (PTI): Former Secretary of State, Condoleeza Rice in piano akimat "Queen of Soul" Aretha Franklin toh, charity a ding in concert mun khat achun duet abol lhon in ahi. Classically trained pianist nuhin "Respect" hitmaker nu tohchun Philadelphia's Mann Music Centre mun'ah urban children and awareness for music and the arts kiti ding chun fund raise anabol lhoníe tin New York Daily News thulhut chun aseiyin ahi.

Hiche nidan 3 sung tobang kibol concert ah chun mipi 8,000 val lang anaki khom in chuleh Franklin's catalogue hit hole world of opera le classical music apat arias hochun hiche concert chu analo dim in ahi.

Rice,diplomat le national security adviser tia kihe jo pachun, Franklin in a hit 'I Say A Little Prayer' kiti la leh 'My Country' kiti la asah pet chun piano anaki chem in mpi ho chu anasu hal lheh lhon in ahi.

Programme kipat lang chun, Rice in Mozart's Piano Concerto No. 20 chu D Minor in orchestra hotoh naltah leh vetnom umtah in anabol uvin ahi. Hiche piece hi hatah-a kaki jil khat ahi tin amanu hin aseiyin ahi.

Rice min hi Italian opera stage instruction con dolcezza kiti pa akon'a kila doh ahin ahi chuleh 'sweetness' tina ahi.Rice hi elementary school akai laiya patíin piano hi ahung kichem pan in college akai chan gei in jong ahung ki chem toupeh in ahi.Chujong leh quartets in chamber music mundunga jong perform anabol jing in ahi.

Amanu hi cellist min thang tah Yo-Yo Ma kiti nutoh jong anakichem khom lhon in ahi.Chuleh Rice hin tua hiche concert a orchestra hotoh abol khom hi, kum 18 kahi jouva pat kaki chepna amsapen ahi tin aseiyin ahi.


George Clooney dongma nun cocaine jeh-a boina nei

Los Angeles, Jul 29 (PTI): Hollywood superstar George Clooney dongma nu model Elisabetta Canalis hi drugs charge jeh in tulai tah hin kholchil in aum in ahi. Akiman witness khat in nightclub munkhat ah model nuhin cocaine ahip pet kamu-e tin aseiyin ahi. Italian model-actress Elisabetta Canalis hi tulai hin,anatoh khom pi model khat in Milan nightspot The Club kiti mun ah 2007 kum chun 2 vei cocaine a hip pet kamu-e tia asei jouva pat hin boina in abom in ahi tin Radar online thulhut chun aseiyin ahi.

Hiche thuhohi Italian newspaper Corriere della Sera kiti chun ahin phon doh ahi.Chuleh hiche thusoh a kimu dunglui chun model Karima Menad chun legal official hokom ah 'Elisabetta Canalis le mi 2 toh cocaine kahip pet'u kagel doh in ahi.Keiho hiche pet chun mihousa tahle mi minche tah koiham khat party a kapan u ahin, Ollha 2007 kum ahi.Chuleh koiyin drugs chu ahin choi lut ham tivang kahe pon ahin kabon chaovinhiche kham nathei chu kakilah uvin ahi' tin aseiyin ahi.

Hiche legal testimony hi prosecutor hon nightclub neipa matna a jah dinga anathum jou uva pat hungki he doh ahi. Chuleh police hon jong hiche nightclub chu akhah un a club nei mi 5 jong aman uvin under house arrest in akoiyun ahi. Canalis hi tulai tah hin Clooney toh actor pa Italian villa In mun ah holiday amang lhon in,hiti hin achunga boina ijat kisei hen lang um jong leh amani hin kichen ding tohgon anei lhon in ahi.

Jackson doctor ho chunga boina um kila dohta
London, July 29 (IANS): Doctor 7 kum masa a King of Pop Michael Jackson thina chung changa khol chil nale vetchil na noiya ana umho chu mochan sah in aum pouvin ahi. Ahin Jackson's personal doctor Conrad Murray,involuntary manslaughter chunga nop louna ananeipa chu doctor 7 investigator hon thudoh anei na lah uvah chun apang pon ahi.Amahin Jackson anaesthetic damdoi overdose a apeh jeh in mo akichan in ahi.

Los Angeles police hon Californian state investigator hokom ah doctor pa hin iti hiche damdoi hi prescribe abol ham tihi kholchil nale vetlhah na aneiding uvin tem nale ngeh na anei uvin ahi. Lawyer Brian Oxman, hiche civil case chunga Jackson pa Joe panpi pahin hiche case chunga hin kalung alhei poi tin aseiyin ahi. Lawyer Brain Oxman chun,' Michael Jackson in ahinkho ache sa atamjo sunga hiche medication ho anaman khel le anajah khel jeh in athima sang kum khat sung tobang chu ana genthei lheh in chuleh masanga bang in mipin hon jong ana ngai sang tapouvin ahi' ati tin bbc.co.uk thulhut chun aseiyin ahi.