Report kimudung juiyin bomb hi reserve forest sunga pohjah ahi. IED (Improvised Explosive Device) hattah hi CRPF mi 40 touna bus chun ahinhonai pettah achu pohjal ahi. Assam'a Inspector General Khagen Sarma seidung juiyin 'galguhbol hohin IED hattah hi lampi a akoi uva remote control a apojah sah u ahi, ULFA a mithum hin apokehsah ahi ti kahetaove' ati. Report chun CRPF mi 4 chu amunna athi dennin mikhat chu hospital ajotna a thipa ahi tin aseije. Athihochu P. Sen, Ranbir Singh, Mongol Nayak, D. Sanjay chuleh Srinivas ahiuve. Akisukha chu mi somthumbeh hinte. Mi 4 mi 5 tobanghi akiha suhkhah un ahi. Amahohi kijen dingin Guwahati ah akipuijin adangse vang Goalpara a sorkar hospital in admit akibol uve.
Hetding khatchu Gansemni a thilsoh hi haptakhat sunga sepoy ho akibulunao anivei channa ahitai. Lhamul nisim 26 nihin NDFB sunga kihou chamding nomlou loichun SSB sepoy mi 4 Assam, Chirang district munna chun anathatnun ahi. Bomb pokehsah hi keiho kahiuve ati bannun ULFA hohin sorkar kommah namopohnao hoitah in tongdoh un tin aseipeh uve.
ULFA thalhenga thuseija pang pachun thuso miho kom'a phone a aseina in 'Phat sottah thipchetna kaum uhi kahatmo naova nagel loudiu ahi. Sorkar hin amopohna hoitah a atohdoh louleh thil hohi hungse cheh-cheh ding ahi', tin aseiye.
