Maram bazaar a munchimna a gari chetheina dingin local MLA leh PWD saplenho chief engineer lamkainan munchim laichu agaveuvin excavator ni mangchan chomkhat man dingin lampithah alaijun ahi. Asemchai phatnun garineo hochu achesah un ahinlah garilen hochu achesah hihlai uve. Maram Simlai kiloi khomna president, Pungdi in thuso miho kom'a aseina ah lampi phatlouhi sorkar mitmojeh ahi. Aphatcha lamlen akisem phatloujeh a tu a hi boina itou ahi, chuleh gari tangden hohi simlai kiloi khomna hin aphatseh in kavetup jingun ahi, tin aseije.
38th channa All Manipur Shumang Leela Festival 2010 kipan ta
Imphal, Lhamul 30 : Tunin Iboyaima Shumang Leela Shanglen mun ah 38th channa All Manipur Shumang Leela Festival 2010 chu state Governor, Gurbachan Jagat Jin-gun hinan kin-gon chu hondohna akimang'in ahi. Kin hondohna a Governor Gurbachan Jagat in houlim aneina ah, "Shumang Leela hin kisuh halna ahitoh kilhon in social, political, financial, law and order ho chunga jong awareness khat ahi' ati. Mipi hon jet le veija a-um kimvel uva Shumang Leela thoho avet uhi kilung khat na avetsah in chuleh hiche hi mass education phatah ahi ati.
Aman aseibe na ah Shumang Leela hung kibol lo napen hi masang lengte leh semang pachong hon masangía anabol jiho aphotchen sah ahi ati. Chukit leh Manipur State Kala Akademi hon golnop, exhibitions, seminars, workshops leh instituting awards leh scholarships ho art leh culture lam'a thepna neiho kipa thilpeh abol jing jeh uvin tu tua kibol MSKA makaina a Shumang Leela festival hin ichan gei ham khat na Manipur akhantou sah ding ahi tin jong akipa nathu aseiyin ahi.
Governor pa in 37th Shumang Leela Festival 2009 a prize anamu ho chung ah jong kipathu aphong'in ahi. Tuni kin achun Padmashri A. Shyam Sharma chu president ahin chuleh shumang leela titled 'Lanpham Mayaida' jong tahdoh in aum in ahi.
Karate-Do-Championship um ding hetsah
Imphal, Lhamul 30 : Ahung lhung ding Lhajing 13 le 14 teng 6th Independence Cup National Karate- Do-Championship chu Kurukshetra, Haryana mun'a um ding ahi. Hiche hi Shito Ryu Seiko Karate-Do, India in abol ahi.
Chuban ah Indo-Nepal Karate-Do Championship chu ahung lhung ding Lhalam 15 le 16 teng Dhangadhi, Kailali, Nepal a um ding ahi. Hiche championship hi Nepal Goju Ryu Karate- Do association hon agon-u ahi. Thuchen hetbe nom hon Patsoi Part One a um Sensei Mutum Bankim Singh, Chief Instructor ISKF ( Kanglei Shito Ryu) chu Lhajing nisim 7 masangía doh thei ahi.
Th. Lokesware Singh Manipur Inpi Deputy Speaker hita
Imphal, Lhamul 30: Gansemni chun Manipur Inpi a Deputy Speaker lhenna ding thuhi lhakhat tobang anachelha 9th Manipur Legislative Assembly budget session akichai nikhon akiseijin ahi. Manipur Inpi Speaker pan Deputy Speaker panmun onghi lhendoh angaije tia budget session'a anaphon bangchun Deputy Speaker lhenna dinga angaicha hochu janhi chun anabol taove. Opposition lamkai RB Koijam, MLA in official proposal asemchu Doukhomang Khongsai, MLA in seconded abol jouchun Manipur Inpi chun kithutohtah in Khundrakpam Assembly Constituency a kaidoh Thokchom Lokesware Singh, MLA chu Inpi Deputy Speaker dingin alhengdoh taove. Manipur Inpi hin kilungtohtah a Lokeshwar Singh, MLA hi 9th Legislative Assembly Deputy Speaker dinga alhendohnao vahin ruling leh opposition ho apangkhom sohkei uve.
Deputy Speaker luipa Th. Shyamkumar, MLA jonghin Dr. Ng. Bijoy Singh, MLA in propose abolpa chu seconded anabol ahivangin ahaisanne. Hetding khatchu, Deputy Speaker luipa Th. Shyamkumar, MLA in haina lekha Speaker kom ma aselutchu Speaker pan asanpeh a patnin Deputy Speaker panmunhi phat sotpi aloding umlouva ong-a ahin Manipur Inpi a parliamentary proceeding asunohphah lheh in ahi.
Atet umlouva akilhendohna chunga akipapi naban ah opposition MLA O. Joy'n Deputy Speaker athahpa hin umchan hoi apohdoh a sihnei langneina umlou hella thu atan na Inpi loupinahi atahlangna dingin tepna aneije. I. Hemochandra leh RB Koijam jonghin MLA hohin mipi dinga hoitah a na atohtheina diuva Deputy Speaker thahpa hin amopohna akihetna khonungleh Inpi a langneina umlou hella thu atanna dingin tepna anei lhon-e.
Chief Minister O. Ibobi Singh hin Parliament kivaipohna a Speaker leh Deputy Speaker panmun athupi danhi aseijin ahi. Akilhendoh jouhin Chief Minister pa hin Th. Lokeshwar chu ajana vetsahnan Deputy Speaker tounamun geijin akilhonpin ahi. Th. Lokeshwar hin apa athijouva Khundrakpam
Assembly Constituency a bye election'a MLA kaidoh ahi.
AMRPSWA in free zone leh essential service umding deisah
Imphal,Lhamul 30: All Manipur Recognized Private Schools' Welfare Association (AMRPSWA) in themjilna munho jouse hi free zone leh essential services noiya dingin sorkar komah ngehna ana neiyin ahi. Hiche kilol lhahna hi gam khantou nading chuleh khanglai hon themjilna lam'a amasot theina dinga kibol ahi tin AMRPSWA lubuh hon thusomite heng ah hedsahna ana boluvin ahi.
Manipur gamboi jeh a themjilna hi koimachan anasah tahlou jeh in sorkarin ipi hamkhat abolding apoimotai. Gansemni nisim 30 nichun hiche ngehna thudolía houlim khomna AMRPSWA member hon Standard Robarth Higher secondary School, Canchipur muna ananei uvin ahi. Hiche kinahin Landhoni, Principal Standard Robarth Higher Secondary School, Pu Chongtham Rashbihari, advisor AMRPSWA, leh Pu Gojendro Thouroijam, Vice-President AMRPSWA, hochu Chief Guest, President chuleh Guest of Honour chanvou alo uvin ahi. Hivachun themjil namun hohi sorkarin essential services noiya akoi ding ngehna nasatahin ana boluvin ahi.
Private school hohin, gamsung chapang khoukhahna dia school kisem ahin mi tamtah in private school hohi sumkol veina ahi tia angoh uhi adihpoi ana tiuvin ahi. Chapangho themjil nahi boina chom chom- bandh, curfew, blockade, ho jeh'a amachal ding dolía machal lou ahi danjongf atah lang uvin hi.
Police hon tha dingin eina go-e : Salem
Mumbai, Lhamul 30 : Janhi chun miphalou Abu Salem in aseina a police officer khat in tha ding eina go-e tin aseidoh in ahi. Salem lawyer Teg Bahadur in aseina a hiche thilsoh chu Taloja jail akon'a JJ Hospital a medical check-up bol dinga Salem akipui pet a umdoh ahi tin aseiye. Police officer khat in akhut chu hand cuff abu peh got in hinla Salem chu ana nom lou ahi. Thakur in aseibe na a nangma itobangin milen hijong le chun bol thu kikap tona a katha ding nahi tin salem komía gihna aneiyeati.
Hiche phat chun Salem chu medical check-up akibol tapon chuleh apet pet in Taloja jail a akikoi kit tai. Hiche songkul ahi Dawood kiloipi Mustafa Dossa abulu jeh a Arthur Road songkul ahi ana um ahi. Hiche thu hi TADA Court a achungthu akisei teng leh kipo doh ding ahi tin Thakur in aseiye.
Dosa leh aloi Abdul Qayyum in Arthur Road songkul sunga Salem anabulu lhon in hijeh achu Dosa chu mithat kipo case kibol khum'a crime branch in athu hi akhol ahitai.
Income Tax akon hetsah
Imphal, Lhamul 30 : Addl Commissioner of Income Tax akon'a mipi ho hengía hetsah khatchu Lhamul 31 teng Addl.Commissioner of Income Tax office, Imphal Range, Manipur, Central Jail
Road, Old Lambulane, Imphal mun a receipt counter leh facilitation centre chu nilhah lam nidan 7:00
chan kihong ding ahi tin hetsahna ahin nei uvin ahi.
