Kum 27 a upa pahi manager Steve Bruce's in tukum nipi sunga sign abol Titus Bramble, Simon Mignolet, Cristian Riveros chuleh Ahmed Al-Muhammadi ho joua anga channa player chu ahi. ìMarcos hi ahat in, defender themtah jong ahikit in chuleh squad hi amain gin aumsah cheh ding ahitai,' tin Bruce in aseiye.
Angeleri hin a career kum 2002 in Estudiantes akon kipatna ahin nei in chuleh kum 2009 Copa Libertadores
champions te ading in 175 vei kichepna ahin neitan ahi. Defender, international captain thumvei hinpo, qualifying match Colombia chuleh Ecuador tetoh akichepna ding uva akisuh khah jeh a ana pangthei lou pahi Diego Maradona's World Cup squad achun apang tapon ahi.
Fish in Atlanta semifinal a Roddick jouta
ATLANTA, Lhamul 25:Mardy Fish in misemni in kovei kijoma jona anei nadingin top seeded Andy Roddick chu 7-6, 6-3 in ajou in, chuleh Atlanta Tennis Championships final alut tai. Fish hin final a second seed John Isner, unseeded South African Kevin Anderson 6- 3, 6-7, 6-3 a joupa hi akichep piding ahitai.
Sixth seeded Fish kichepna achun service a ahah suhkhel lheh in, 40 percent tobang bou a first serves a chun lolhinna anei in, ahivang in break points thum chu ana huhdoh in chuleh Roddick chu phat kilem chang khatvei bou amuna achun ajou in ahi. 'Hiche chu kin kabol nompen chu ahipoi, ahivang in (Roger) Federer Indian Wells a kajona achun 35 percent service kabolna a kana lolhing in ahi,' tin Fish in aseiye.
Isner break points sagi achun ahung galkai in chuleh kumsunga final livei lhunjouna aneina ding in Anderson chu ajoutan ahi. 'Hiche dinmun chu ahahsa lheh in, chuleh jona kaneina ding in phat tampi kasulut in ahi,' tin Isner in aseiye. Isner in second set a kichepna chu jona thei ding in phat kilem chang khat ana mu in chuleh ahivang in court pamlanga ball chu ana jepdoh tan ahi.
Players teni final set achun akihabol cheh lhon in, Anderson in nivei kijom'a asuh khel masang in chun Isner in set a break point chu 5-3 a lead bolna ding in phat kilem chang khat ana mu in chuleh hiche chun jona apetan ahi.
'Set thumna achun hoitah in kichepna kanei in ahivang in average service game a kichepna kanei jeh in amain hiche akon chun phat kilem chang anei in ahi. Kin a servixe bolna achun kihabolna kanei sah in chuma bang in chun amain jong keima achun eiki habol sah in ahivang in amain break points chu a lokhum lou in ahinla kinvang kalo khum jou tapoi.' tin Anderson in aseiye.
England goalkeeper James in Celtic toh kihouna neiding
GLASGOW : England goalkeeper David James hin sempat nileh Celtic toh kihouna anei ding ahin, Portsmout akon Parkhead a aki chon ding hi ginchat aum in ahi, tin Scottish side's coach Neil Lennon in misemni in aseiye.
Last season kichai kon a Pompey toh contract aneina suhmang ahung hi apat in James' khunung dinmun ding chu aboi lheh in ahi. Lennon, tu nipi sunga players nga sign boljou pahin, players adang jong kalahbe ding ahi tin kitepna anei in chuleh kum 39 a upa James chance anei dingin ginchat aum in ahi. 'Sempat nia kihouna dinga hi ama ahung ding katahsan in chuleh amaun kavetsah dingu hiche akon a chu keihon kakilah dingu ahi,' tin Lennon in Sky Sport News achun aseiye.
Hiche masangjep chun, Sunderland manager Steve Bruce in aseina achun, James hi sign bol ding kanagel in
chuleh English Premier League a aumdan ding chu kana dei kit in ahi ati. Bruce hin Scotland international Craig Gordon khel dinga keeper ahol ahin, amahi aban gu aboh jeh a lha thum tobang kichol ngahna anei chu ahikit-e.
Gordon hin tunaicha a training abolnao achu kisuh khahna anei ahin, Bruce in akhel ding holna aneina ding in adalha in chuleh senior reserve stopper Marlon Fulop in jong Stadium of Light adalha nomtan ahi.
Justin Gatlin, kum li doping jeh'a suspend ana kibolna chu misemni in akichaita. Kum 1982, bulte nisim 10 ni in Brooklyn, New York khopia ana peng in ahi.
Jana achan naho (Honours):
* Kum 2003 in US chuleh world indoor 60 metres titles ana la in ahi.
* Kum 2004 Athens Olympics in 100 metres title ana la in chuleh chomkhat jou in 200 a bronze leh 4x100 metres relay a silver ana mukit in ahi.
* Helsinki muna kum 2005 a world championships achun 100 leh 200 titles ana lakit in, compatriot Maurice Greene jou a sprint -double world championship kibanga pasal lah a anichanna a kitetna a pang chu ahita.
* Amahin 100 metres world record chu 9.76 seconds in Doha muna lhaphul kum 2006 in ana sukeh in ahi. Ninga jou in IAAF hon phat chu Jamaica's Asafa Powell in anasemdoh 9.77 chutoh ana kibahsah tauvin ahi, ajeh chu result akisimna a suhkhel ana umjeh ahi. Chomkhat jou in Gatlin's doping suspension a amahi ahin koitauvin ahi.
DOPING :
* Kum 2001 US junior championships achun, aneo a apat lou ahin neh jing dinga kiphal pih Attention Deficit Disorder chunga doping test a amphetamines akimudoh jeh in a pangthei tapon ahi. Amahi aneo apat in International Association of Athletics Federations (IAAF) hon achunga khol chilna nei ding in ana koi uvin, ahivang in akum mama chun suhkhelna anei kit a ahile ahinkho a ban bolding in gihna ana nei uvin ahi.
* Male sex hormone testosterone jeh in kum 2006 lhatun a Kansas Relays adding in test positive ana hikit in ahi.Gatlin in kum 2006 lhamul nisim 29 nikhoa thulhutna aneimsang in chun test akibolna result akicheh chet in ana seidoh hih uvin ahi.
* Kum 2006 a Positive test jeh in US arbitration panel in Ollha kum 2007 in kum 4 ading in ban ana boltauvin
ahi.
* Amain kum 2006 lhamul nisim 25 nikhoa a panlah alahthei louna hochunga lhadou kum 2008 a ngehna ana nei chu Court of Arbitration for Sport (CAS) in ana sanpih tapon ahi. Hiche gellhahna in avetsah chu Gatlin hin kum 2004 Olympic title Beijing Games a analah chu aki venbit joulou ding ahitai tihi ahi.
* Gatlin in US Olympic trials a lhei ding tia ngehna ana nei chu Atlanta muna US federal court in kum 2008 in ana sanpih tapoi.
* Suspend abolnao akichai jou in kum 2010 lhamul apat in boina ema umlou in alhei thei pantan ahi.
Pathen ni final stage a green jersey hohi best sprinter hiding ginchat um
LONGJUMEAU, France: Tour de France winner ding hi hoitah a gellhahna um meithei ahitan, ahivang in Paris muna pathen ni nilhah lam final stages km 102.5 ahi green jersey hohi race best sprinter hiding in ginchat aumtauvin ahi.
Briton Mark Cavendish hin tukum adingin stages li jona aneitan chuleh kum 2009 Champs-Elysees hi jona aneikit a ahile hiche event a thumvei apanna a 15 vei jona aneina chu hiding ahitai.Tour kipat a green jersey ho kisonna chu amahi ahin ahivang in amahin stages kipatlam in chun apoimotah point ni anamansah in, hiche chu seiding in Alessandro Petacchi in nivei ana jona chu ahi.
Petacchi in tuhin16-point amu in Briton sangin advantage anei jotan chuleh Franco Bitossi in kum 1968 a green jersey ho jona ana nei apat Italian te dinga apatna ahitheina dinga hi pathen nia top six sunga apantei angaitan ahi.
Norway Thor Hushovd in aseina achun, kakitetpi teni bangin akichai kona ganna chu kaneipon chuleh amani kikah a anina a kapan jing vang in thangtomna chu kanei thei poi ati.
'Green jersey dinmun chugelkhoh lou in Champs-Elysees hi jona kanei tei nadinga kaki habol ding ahi,' tin Cavendish in aseiye. Spaniards Alberto Contador hin, hiche tour-a a carrer sunga thumvei channa alah theina dinga hi kisuh khahna ahiloule mechanical lam a boina ho anei lou angaitan ahi.
