London,Lhamul 25 (IANS) : Moldel-turned actress Cameron Diaz, designer clothes mantam tahtah ho kivon ji-a chuleh publicist hodinga mi poimo tah nuhin,acting career kangah phat farm'a natoh-a hinkho manding kanom'e tin aseiyin ahi tin showbiz thulhut chun aseiyin ahi.

'Khununga kabol ding jouse kamu in kakihet tai tinvang ngamphel in kasei ngampoi,ajeh chu ipi ahung soding kahepoi.Ahin kalunga kagel leh boldinga kadeipen vangchu ahileh, munkhat'a kumlhung keiya chen'a hinkho manding hi katha anomíin ahi.Chuleh hiche mun chu farm hileh kadeiyin ahi.Eiman anche louhing ho ikhut tah-a tu a chuleh gancha jong chi lhing kei a vahding katha anom'in ahi.thil hohi abeisa hilouva eiman itahsa tah-a holhi itihah am? Ahilouleh ichan geiya anopna um am? ti hi kahe nom'in ahi' tin Diaz chun aseiye tin telegraph.co.uk thulhut chun aseiyin ahi.

Chuleh actress nuchu asei bena ah, 'mi kimkhat in vang kalung gel hi adatmo uvin ahi.Chuleh kathusei hi kaloi atamjon jong atahsan pouvin ahi.Ahin kagel dan in vang mihem khat hina a leiset bon nangle tui kitiho hi thamjep jepía nisa noidunga na itoh jepjep louleh alhing lou ahilouleh avat khat um'in kagel in ahi.Chuleh kei hicheho langa kalunglut toh lhon in agriculture chungchang lekha bu kaha sim'in ahi.' tin aseiyin ahi.

Min Hyo-rin in Kang Hyung-chul film “Sunny”kiti thodinga sign bol
Min Hyo-rin in a next project, feature film 'Sunny' kiti, hit comedy 'Speed Scandal' director Kang Hyung-chul in abol film chu thoding in sign abol tan ahi.Hiche hi actress nu dinga screen len'a atho a film masapen ding ahin chuleh director pa dinga a film bol hi anivei chan nading ahitan ahi.

Actress Min Hyo-rin hi hiche film ahin former model le '7 Princesses' kiti pop group member khat in apang in ahi.Chuleh athusim chedan lhanglhon chu ahileh,tua kum 40 nailam ahung hiphat uva masang 80s khang laiya school'a aloi anakivop pi hou 7 Princesses group a pangho ahung kihol dohto-u thusim ahin ahi.Chujong leh hiche film hi nujat umtah le thanop umtah film ahi tin akiseiyin ahi. Min Hyo-rin chun, 'Speed Scandal film fan lentah kahitoh lhon in director Kang Hyung-chul toh natoh khom ding hi kagel leh kipana lentah kaneiyin chujong leh thupi kasa in ahi.Chuleh kenjong hiche film a hi kabol thei chan podoh-a hoitah-a bolding in kigon na hatah in kaneiyin ahi' tin aseiyin ahi.

Hiche film production tehin a first script reading uchu nisim 20 nikho chun anabolíun chuleh Lhajing
(Aug) lha akichei langa kap pan ding in tohgon anei uvin ahi.Chukitleh theater dunga hi kumkit bul langleh release bolding in jong lunggel anei uvin ahi.

Chuleh alangkhat ah, Shim Eun-Kung(Bad Guy) jonghi hiche film ahin apang-e tin akiseiyin hoitah-a het chen ahilou vang in hiche film a pang ding in Nam Bo-ra (Deth Bell 2) jong tulai hin athah beh in a lalut uve tin akiseiyin ahi.

Min Hyo-rin hi singer-turned-actress khat ahin chuleh athil bol leh anatoh hohin hatah in impress eibol
lheh in ahi.Amahin singer le model hina background aneiyin,hiche jeh in hiche film role a pangding hin ahina hi perfect fit ahin ahi.Amanu hi 'Triple' kiti drama atho na-a chun kavet nom lheh in ahi. Athusim chu khuti tah in nomhih jong leh chuleh a acting jong hi hoi kasa in kadeilam chitah jong ahi tin director Kang Hyung-chul chun aeiyin ahi.

Tina Fey in Brad Pitt anadei cha
Los Angeles,Lhamul 24(PTI) : Actress Tina Fey in Hollywood superstar Brad Pitt hi adei cha in chuleh khatvei beh kimuto lhonding kal hi angahlel lheh in ahi.Kum 40 a tah actress nu hin Pitt toh ahung sohvah tading animate film 'Megamind' kiti hi athokhom lhon vang in tuchan hin akimu topi naipon ahi.Ajeh chu amani hin a line lhon hi phat chomchomía recording abol lhon ahijeh in kimu topi nomlheh jong leh ahithei pon ahi.

Chuleh Fey hin kum 45 a tah actor Pitt aki mutopi nom valjeh in tohgon khat aneiye tin People magazine online thulhut chun aseiyin ahi. ìItih phat hijong leh khatvei vang kaki muto teitei lhon ding ahi ti tahsan na kaneiyin ahi.Chuleh hiche phat ahung lhunding hi kinem tahle kipah tah-a kanga jing ahiî tin actress nuchun aseiyin ahi. Chuleh actress nuhin aseibe na-ah, 'Brad Pitt hi letter 100 lang val,khatvei vang ikimuto teitei lhon ding ahi tia kisun kathot in ahi.Chuleh kasam jangjong 100 lang tobang gift in kathot in ahi.Hiche kisan'a jong hi kaki muto thei lhon louleh khat johjoh hi angol kahi lhoníeî tin aseyin ahi.

Jackie Chan in Jaden Smith kivah nom
London,Lhamul 25 (PTI): Martial arts legend Jackie Chan in Jaden Smith hi angailut le alungset val jeh in hiche talent neitah chapang pa hi aban'a jong kungfu ahil be thei jing nading in akivah nom in ahi.Actor le producer Chan hin Jaden,Hollywood star Will Smith chapa tohin film thah khat 'Karate Kid' kiti hi atho khom lhon in chuleh hiche chapang pa martial arts skill hi hatah in asei pha in chuleh impress ahi lheh in ahi tin Mirror online thulhut chun aseiyin ahi.


'Hiche film akitho jouchun ken anule apa kom'a 'Jaden hi China gam ah alhom pen in lha thum beh um sah lhon in' tin kana seiyin in ahi.Chuleh neitah san lhon in ken achunga imacha sosah pong'e hoitah-a kavet tupding ahi.Amahin lha thumbou hijong leh hoitah a aphat chompi ding katahsan in ahi.Ajeh chu amahi midang toh abang pon ahi.Amahin thepna le bolthei na chom beh khat aneiyin ahi.Kakomía lhathum beh aum leh ama-a dinga hatah a phachom ding chuleh ahetna jong bulhing ding ahi' tin Jackie Chan chun aseiyin ahi.


Actor Jackie Chan chun aseibe na-ah, 'Jaden hin ipi hijong leh kahil jouse hi apet pet in ahepei peiyin chujong leh athem pei peiyin ahi.Chuleh hiche keo hilouvin la jong asa theiyin,alam jong alam theiyin rap jong abol theiyin ahi.Kasei khel louleh apa sangía athem joding-in jong katah san'in ahi.Amahi talent neimi mong mong ahi.Chuleh Will Smith kom'a jong 'nachapa hi kakivah thei ding ham? kadei le kalungse val'e' tin kana seiye tin aseiyin ahi.

Film achun, Jackie Chan in Jaden chu abol genthei hoa pat akiven thei nading in karate anahil'in ahi.Chuleh Jackie in Jaden chu thepna lentah aneiye tin hatah injong anasei pha in ahi.

'Amahi Jackie Chan khangthah ahi' tin kum 56 a upa martial arts legend pachun aseiyin ahi.Will le ajinu actress Jada Pinkett hin hiche project hi Jaden ding mongmonga abol lhon ahin ahi. Jaden hi 'Karate Kid' keo hilouvin film dangdang 'The Pursuit of Happyness' kiti jong apa toh anatho khom lhoníin chuleh Keanu Reeves tojong 'The Day The Earth Stood Still' kiti film jong chu anatho khom lhoníin ahi.