Masanga Gujarat minister of state for Home anahi Amit Shah in Sohrabuddin Sheikh that dingin senior IPS officer mi 3 henga thupeh ananeiye tin CBI in Chargesheet filed abolna a aseiye. Special Court a chargesheet filed kibolna a Sohrabuddin kitha hin hiche mun'a sumkolvei ho leh adang dangho lungthim a kichatna aum sah ding deina a kibol ahi. Ajeh chu miphalou ho hin sum dandih lou a adong jing thei na diuva ana kibol ahi tin aseiye.

Rajasthan police hon Sohrabuddin kitha na a apen nau ajeh chu amapa hin marble a sumkolveina state danga jong phatah a gihna aneiye tia ngohna anei uva amapa hi atha u ahi tin CBI in aseiye. Shah in Sohrabuddin that dingin IPS officiers DG Vanzara, Rajkumar pandiyan chuleh Abhay Chudasama (masanga Ahmedabad City Crime Branch a DCP) ho hi thupeh ananei ahi.

Sohrabuddin le ajinu Gujarat police ho khut a aum pet in jong BJP lamkai khat chu Vanzara toh telephone a akihou mat jing lhon'e tin CBI in aseiye. Chuleh masanga Gujarat police officer NK Amin jong chu achung chang thu akhol un ahi.

Midday meal scheme supply bol dinga Latur a society khat kipe MLA ho nomlou
Mumbai, Lhamul 28 : BJP MLA adeh a Vidarbha akon hung kaidoh hon simlai chapang ho ding midday meal scheme supply bol dingin Latur a cooperative society khat contract apeh chu Vidarbha akon MLA hon aphat sah pouvin ahi.

BJP MLAs Sudhir Mungantiwar, Nana Patole, Devendra Fadnavis, Nana Shamkule, Dadarao keche leh adang hon aseina a Women and Child development department in Buldhna, Yavatmal, Washim, Chandrapur, Bhandara, Nagpur, Gadchiroli leh Wardha mun ho a midday meal hom dingin a Udgir a um Maharashtra state cooperative Marketing Federation akipe e tin lungkimlouna aphong doh un ahi.

Hiche contract hi dangka 158.50 crore ahin hiche thulhuhna jeh in Women self help groups 4 lakh ho hinkho ding agelkhoh poi tin aseiyun ahi. MLA hon aseina a Ellha 2009 na order kiso dung juiya numei SHG koi hileh natoh thum jouse kipe ding ahi tin anasei in hinla hiche department a commissioner Rajesh Meena in hiche order chu asukeh tai atiuve. Tua Udgir a society kipe contract 3 chu kinung lah doh hin tin MLA hon ngehna anei un ahi.

Vidarbha akon Women and Child Welfare minister Subhash Zanak in contract chu kum 1 ading bou ahi ati. Chuleh kum kit apat SHGs ho kipe ding ahitai tin aseiye.

Myanmar military vaihom pa president Patil to kimuto

New Delhi, Lhamul 28 : Myanmar military junta a luboh General Than Shwe chu ni 5 sung cham din New Delhi khopi ahung lhung tai. Janhi chun President Pratibha Devisingh Patil toh ana kimuto in ahi. Hiche masang chun Prime Minister Manmohan Singh toh akimuto in kinoptona soi 5 ana kai lhonin ahi. Hiche kinoptona lah-a chun galguh bolho dou khom ding, energy lam panga kitho khom ding chuleh khantouna gelkhoh ding ti ho jong apangin ahi. Dan sukhel ho chunga jong kitho khom din Union Home Minister P Chidambaram leh Myanmar Minister of Foreign Affairs U Nyan Win in soi anabol lhon in ahi. India in Myanmar gama small development projects ho phatah a ache lhah thei nadin External Affairs Minister SM Krishna leh Myanmar Minister for Economic Planning and Development U Soe Tha in MoU soi anabol lhon in ahi. Chuban leh Science and Technology lam'a Department of Science and Technology a Secretary T Ramasami leh Union of Myanmar a Ambassador U Kyi Thein in soi anabol lhon in ahi. Bagan munía Ananda Temple huhbitna leh semphat na ding jong gam teni akinopto lhon in ahi.

Twi thenglou PHED in amu doh lou health dept in mudoh
Jaipur, Lhamul 28 : Alwar-Jaipur district border kho ho a natna alen chu health department in kholchilna aneina a twi thenglou adon jeh u anahi ahedoh un ahi. Hiche test hi PHED in anabol vanga ana mu doh lou ahi. Twi lah a chun Escherichia Coli (E.Coli) bacteria aum'e tin health officials hon samples 40 alah nauva amudoh u ahi.

Alwar leh Jaipur border China kho 60 val mite ho chu ehkho leh lohso ana um ahi. Mi 800 val adam mo phat a health officials hon twi nehna chu akhol uleh amat doh u ahi. Amasa chun PHED in sample 95 ala in hinla ana mudoh lou-u ahi. Natna kibang tamtah aum jeh a chu twin eh thenglou ahi tichu lunggel a um jeng ahi tin health official khat in aseiye.