AFAs hon aban jom a kumli World Cup 2014 changei adinga tohmun eipih u hi ka staff jouse aumdan ding uva ahileh kanop ding ahi tia Maradona in aseijou in, executive committee hon vote alah dungjui a Argentine Football Association aseina achun, ama contract hi renewed kibol louding ahitai ati.
Hiche hi Argentine Football Association president Julio Grondona in asanpih tapon ahi. Amain akitho khompi mitam pi khelna dingin adong in, hiche lah achun Maradona aloi ngeitah Alejandro Mancuso jong apang in ahi.
Maradona's in Argentine football toh kimatna aneihi lunggim umtah khat chu ahi. Amain South Africa muna practice sessions sunga AFA lamkai holeh businessmen hon organization toh sumkolvei nalam a kinoptona anei dingu chu ana phalpon ahivang in thuso miho alhah dingu ana phal in ahi.
Tuchan in, Maradona in hatah a ama tosot jing mitam pi anei nalai in ahi. 'Maradona aumdan ding chu kadei in ahi,' tin Interior Minister Florencio Randazzo in leisem nia Argentine radio interview achun aseiye. 'Ama gel lhahna chu katosot dingu chuleh amain adalhah a ahile, ka lhangei dingu ahi.'
Ama phat sunga, Maradona in players 100 val akou in ahi. Amain World Cup squad adinga mi 23 lhaphul a aphondohna achun, veteran defender Javier Zanetti leh midfielder Esteban Cambiasso, Inter Milan in Champions League alah chunga kichem teni apang lhon pon ahi. Lhaset umtah khat chu, defender Ariel Garce in Argentina ading in Lhaphul in apatna in international a kichepna ana nei jongle squad adingin ana lheng in ahi.
Maradona in boina sangpen ato chu achesa lha ko langa Argentina in Uruguay ana jo chu ahin, achaina in World Cup a qualify hina ding in ana boilheh in ahi. Maradona hi FIFA in lha-ni ban ana bol in ahi.
Murray in a coach Maclagan dalha ta
Murray's management team akon thulhut dungjui in, Scot hin coaching angaichat jeh a kigel lhahna anei ahin chuleh tuhin U.S hardcourt season ading in amain in hoitah in kigotna anei in ahi ati.
'Miles toh achesa kum nile akeh tobang hoitah in kihet themna kahin nei in chuleh amain in ka career sunga thilpha tampi eimusah chunga kakipana chu ama koma kaseidoh nom in ahi,' tin kum 23 a upa Murray in, 23,ama official website (http://www.andymurray.com) achun aseiyn ahi..
'Lolhinna tampi chu kanei lhon in chuleh kanatoh khom lhon chu anom lheh in ahi,' tin aseibe kit e. Murray hi top seed ahina LA Tennis Center muna chu tu kal sunga LA Open kitetna ahin pan alah ahi.
'Andy coach a kapan a amatoh na katoh khom chu keidinga ham phatna khat chu ahin chuleh a carrer sunga phatchompi khat a kapan hi kakipah in ahi. Andy hi kichem themtah chu ahin chuleh athepna leh akiha bolna in lolhinna maban a lolhinna ahinpeh ding tihi kahe in ahi,' tin Maclagan in aseiye.
Dolce leh Gabbana in Chelsea players ho dress design bol lhon ding
Italian designers Domenico Dolce leh Stefano Gabbana in English soccer club Chelsea toh players ho kivonna ding design bolna ding in kum 3 adin kihou lhahna anei lhon tai. Soccer ngailu teni, sharp menís tailoring chuleh southern Italian style a kihe teni in, Premier League champions seasons thum sunga hi official suits leh stadium thah munlah hochu keini in design kabol lhon ding ahitai, tin leisem ni in asei lhon-e. 'Football ngaisang tah chu kahi lhon in, kei ni in kagel khoh pen lhon chu kitetna hoitah a achal lhah ding, lungsung tongkha tah a lunghanna umsah louding chuleh kithu nun na hoitah aum ding chu ahi,' tin Dolce leh Gabbana in thulhut anei lhon in ahi.
Hiche hi designers mini in foreign top soccer club toh kitho khomna dinga kihou lhahna anei lhon chu ahin, amani hin AC Milan players ho kivonna suits chuleh Italy's national team ajong design ana bolsa lhon ahitai. Dolce hi AC Milan fan chu ahin chuleh Milanís San Siro stadium muna agam uva kichepna jouse ana lhaso pon ahi. Akitho khom nading uva sumle pai lam chu kicheh tah
