district a um SBI Chakpikarong Branch chu security vat jeh a kikhah ahiatin ahi. Aman aseibe na a thingnoi hon Branch Manager pa gihna anei jeh uva Chakpikarong sub-division, Chandel district a SBI branch chu ana kikhah ahi ati. State government in SBI koma agan nathei chan’a achung’a kisei SBI branch hi ahon uva chuleh munchom’a kichon kit talou ding ahi tinjong aseiye. Thudoh jatchom chom a kon’a chief minister in adonbut chun sepai kivat jeh in SBI branch, Chakpikarong mun’a aphat chan state government in ana kisol joupon hinlah state forces ho ahung tam totoh in state government in SBI official ho thum nachu kiphal peh ding ahitai ati. Hiche keu hilou in state khantou nadia bolthei chan kibol ding ahi ati.
Hetsah le Kouna
Imphal, Lhamul 19 : Ahung lhung ding Lhamul nisim 31, 2010 (Misemni) nidan 11:00 am teng leh KUKI
INN Imphal muna Kuki Senior Citizens Welfare Forum (KSCWF), Manipur mina Sadiya, Assam a kholjin ho vailhun leh video DVD thensona neikhom dingin aki gongin ahi. Hiche nikhoa Jin-Gun a Pu Thangkholun Haokip, MLA Chandel A/C chuleh Jin-Jaum a Pu Ngulkholun Lhungdim, IRS (Retd) hi lhon ding ahi. Hiche kin ahi KSCWF member jouse kim keija hung pang cheh din Pu Pahend Hangshing, General Secretary KSCWF in hetsahna le temna ahin neiyin ahi.
2006 Primary Teachers hon toumun kiphin nei ding
Imphal, Lhamul 19 : Achesa Lhatun nisim 22, 2010 nikhoa Department of Education (S) Government of Manipur noiya lolhing ahitai tia order anakiso na a pachanna nei jilkung 1,400 val tuchanna sorkar in offer form apeh doh lou jeh a lunglhai lou vetsahna a toumun kiphin umding ahi. Imphal East leh Thoubal kigom a nikho 21, 2010 nidan 9.00 am-4.pm chan um ding chuleh Thinglhang districts jouse dinga nikho 23,2010 teng Khuman Lampak Minuthong Bridge koma 9.00am - 4.00pm sunga umding ahi.
Hiche toumun kiphin na ahi lolhinna nei candidate jouse thonlouva nahung pan cheh ding ahi. Ijem tia candidate ahung pang lou aum leh Association in achunga action kila ding ahi. Hiche nikho teng leh General Body kilolna banga pehding/toding lom ho hin kichoi cheh din jong avel in Lalboi Khongsai, Association General Secretary in hetsahna ahin neiyin ahi.
LNC hon Turibari muna thilsoh demna nei u
Imphal, Lhamul 19 : Liangmai Naga Council, Manipur hon achesa Lhamul 16 nikhoa NH 39, Kangpokpi akon 3 kms a gamlha Turibari muna nilhah lam nidan 5:30 vel’a KNF kahi tia mi 5 hon Ng Elezah atha kigot nachung uva hatah in demna anei uvin ahi.
Council akon thulhut kimudung juiyin miphalou hohin Elezah hi athi tobang ahing tobang’a adalhah u chuleh asopi pa Khangbu leh ajinu jong hiche nikhoma chun avo uvin ahi.
Hitobang chaval nachung ahin avel’a cheng mipi ho lung asukha lheh in Hijeh chun phung kikah a jong boina hung soh thei ahi akiti. Chukit leh mivo ho chu dan dung juiya achung thu seiding chuleh mivo party ho chun khonung teng hitobang chaloh naho hi abol kit loudin temna anei uvin ahi. Amahon aseibe na ah mivo ho chu achung thu akisei lhah lou leh ijem tia khonung teng boina aum leh council hon mo kipo ponte atiuvin ahi.
Muivah le NSCN-IM chunga case 324 um
Imphal, Lhamul 19 (NNN): Sempatni chun O. Ibobi Singh, Manipur chief minister pa in Th. Muivah leh
NSCN-IM hon Manipur sunga thildihlou abolnaotoh kisaijin case 324 hi Manipur’n register akibolle
tin Assembly in phondohna aneije. 324 case hohi Lhajing nisim 1 1997 a pat Lhadou nisim 30, 2010 channa register kibolla ahi. Hichilah a hin case 3 hi charge-sheets a pehlut ahin, case 179 hi Final Report
(FR) a returned kibol ahin chuleh case 142 hi pending ahi nalaije tin, aseije. India sorkar leh NSCN-IM kikah a ceasefire hi Lhajing nisim 1, 1997 a kipan ahitai.
Akum dung juija Th. Muivah leh NSCN-IM chunga case kibol hochu1997 kumchun case 6 ahin,
1998 kumchun case 27 ahin,
1999 kumchun case 42 ahin,
2000 kumchun case 39 ahin,
2001 kumchun case 25 ahin,
2002 kumchun case 35 ahin,
2003 kumchun case 15 ahin,
2004 kumchun case 27 ahin,
2005 kumchun case 17 ahin,
2006 kumchun case 20 ahin,
2007 kumchun case 20 ahin,
2008 kumchun case 26 ahin,
2009 kumchun case 17 ahin
chuleh tukum hin case 7 ahi,
tin chief minister pan aseije.
MPP a konna RK Anand thudoh donbutna achun Ibobi hin central sorkar hin Th. Muivah in apenna gam
Somdal agavil gothi jahda hih in eitin chuleh central sorkar jonghin NSCN-IM hi dan sukeh kiloikhomna holah in apangpoi tin eiseipeh uve atin ahi. NSCN-IM hi dan sukeh kiloikhomna holah in ajaopoi ti photchetna dingin Union Home Minister, P. Chidambaram hin file tampi eivetsah e atin ahi. Hijongleh, chief minister pahin Union sorkar’n Muivah Manipur lutsah in atihi kanompoi, hichi malah chun Th. Muivah lamkaina noija NSCN-IM hi Manipur dinga dandih louva kiloikhomna ahi tin Union sorkar kaseipeh e tin aseije. Ibobi jonghin Muivah leh NSCN-IM chunga case hohi Manipur sunga dandih louva chonna noija kibol ahi. Th. Muivah hi India sorkar’n kihou champi dinga akou ahijeh in Manipur sorkar hi kikum theiponte. Hijongleh, Th. Muivah hin Manipur gamsung hinchotlutni nileh kiman ngalding ahi tin Assembly a chun anaseije.
Police semhoina dinga kithopina tamtah um
Imphal, Lhamul 19: Sempatni chun chief minister, O. Ibobi Singh in Manipur sunga police
station 89 umlah ahin 41 hi phaitol sungah aummin chuleh 48 hi thinglhang gammah aumme tin
Assembly a ahoulimna in aseije. Police station jouse a hi mi 58 meithal hoitah toh umthading ahi. Manipur Police Training School hi college a akiheidoh to lhonna police te thusimhi jatchom ding ahitai. College lhingsetna heidohna dinghin India sorkar hin dangka croe 81 eipeuve. Police ho thudih louva chon hohi chondih natoh kisaija course ahung kichelhahpi tengleh lhom tante, tin aseije.
Police semhoina tohgon noijahin thinglhang gamma police station ho manchah leh quarter langa
khohsahna kipe masapen ding ahi. Station hoa hi manchah nibeh akingaichan, ahin thinglhangía station hoa hin back up ding umthei louvin manchah khatbou aumme. Manipur sunga jailmun jouse a hi jailut ho pamlang mitoh akihoumat theilouna dinga mobile phone jam manchah hi kikoi ding ahi, tin O. Ibobi chun aseiben ahi. Sempatni a Assembly a chun police semhoina ding pummin dangka 56, 29, 21, 600 hi passed anabollun ahi.
JMG hin SoO noiya umho avelha jingnai: CM Ibobi
Imphal, Lhamul 19: Sempatni chun Manipur chief minister O. Ibobi Singh in Suspension of Operation (SoO) a Joint Monitoring Group (JMG) hohi amoh umthim pouvin SoO groud rules palkeh ho chungah dan khoutah in achelhah piuvin ahi ati. Zomi Revolutionary Army (ZRA) hohin UBI, Churachandpur branch a konna dangka crore 4 lahdohna a ajaojeh un discipline noijah akikoijin, alhaseh a asum mudiu chu Lhatun a patchun akisuhaitai, tin Assembly a ahoulimna inaseije.
Ibobi jonghin JMG a hi sorkar saplenho, police, Army, paramilitary leh SoO noija um galguhbol lamkai lenho pang uva ahi. JMG hin SoO noija um galguhbol hohi hoitah in avelhi jinge. Kuki galguhbol SoO noija um 19 lah a hin 11 hi KNO noijah aummin 8 hi UPF noijah aumme. KNO hin sepoy 800 aneijin chuleh UPF hin 1000 aneije. SoO noija um lamkai lenhohi lhaseh a dangka 5000 akipen chuleh sepoy jouse hi dangka 3000 akipe e, tin aseiben ahi.
Thilman kaljeh’a MPP ho kiphin; 5 kiman 2 kitongkha
Imphal, Lhamul 19: Sempatni chun Manipur gamsunga thilman akal valjeh phat hin Manipur Peoples’ Party (MPP) makai nan lungkimlou vetsahnan lamlen jotna thupitah in anabolun ahi. Hiche lamjot nahi daldoh nading tia sorkar in Manipur Assembly leh aveldon lah’a CrPc 144 akoivangin mipi adeh’a MPP party workers mi 1000 tobangin lamjotna kin anabol uve ti thulhut akimun ahi. Lamjot mipi hon, Assembly kom ajot jeh uvin Police hon hiche kin’a MPP lamkai jaonan member mi 5 tobang jong lock-up in ana koiyun ahi. Police ho chaval jehin mi 2 jong nasatah in ana kitong khan ahi. Police honjong lamjot ho tindoh nading in Bir Tikendrajit Flyover Bridge, Imphal koma Mob bomb chuleh Tear Gas phasahbep jong analhauvin ahi. Police hon amat masanguvin MPP President Dr. Nimaichand Luwang in thuso miho jah achun “Manipur sorkar kivaipoh dan hi ivet tengle jachat umtah ahi. Manipur milhamho vetupding koimacha umlou ngap ahita dem aki tinom in ahií tin thusei aneiye. Sorkar hi ipi bol mong mong kisa ahita dem? Manipura Economic Blockade akilah doh jouna hijong lha 2 tobang ahitan, hinlah tuni hin niseh’a milhamte kiman chahna hohi nem malah aniseh in thilman akhang cheh chehin Manipur sorkarin ipi abol ham? Adehin niseh'a kiman chahna thilho petroleum products chuleh fertilizers hohin milhamte hinkho nasatah’a asuhkhah ahi’ tinjong aseiben ahi. Hitia, Congress Party in Manipur mipite kichepna tobanga abol jing jeng hi MPP in akidat thei tahlou jeh’a tunia hi lamjotna kibol ahi tai, hijeh in Manipur miten MPP panlahna hi Manipur adia thilpha ahijehin nasatah’a nei tosot diu ahi tin jong ngehna ana neipai paiyin ahi. MPP lamkai leh lubuh City Police hon anamat houchu ahile MPP President Dr. Nimaichand Luwang, Dr. S. Dhananjoy (MPP Vice President), Maniton ( MPP Youth President), Inaoton (VP MPP Youth Wing) chuleh Natum ( Party working Committee) ahiuve. Police ho chavaljeh’a ana kisukha teni chu ahile M. Jilangamba (35) of Taretkhun leh H. Hemochandra (42) of Seigangang Lamlai. Amani hi tu-le-tu a Shija Hospita a ajen laitah uh ahi.
SDYASO Sadar Hills in Inter School Games tohgon nei
Imphal, Lhamul 19 : Sub-Divisional Youth Affairs & Sports Office, Sadar Hills makaina noiya ahung lhung ding Lhajing (August),2010 kal masa apat kipanding Inter Schools Games um ding ahi
tin thulhut akimui.
Hiche kigotna ding’a golseh jat chom chom ho chu ahile,
1) Football Girls Under 14,17 leh 19 a upa,
2) Aquatics boys & girls under 14 & 17 upa,
3) Water Polo Boys Under 19 a upa,
4) Badminton boys & girls under 14 & 17 a upa
5) Table Tennis boys & girls Under 14 & 17 a upa,
6) Kabaddi boys & girls for Under 17 hi ding ahi.
Hiche achung’a kipe golseh a thanom simlai ho jousen eligibility certificate chu Head of Institution leh
ZEO/DI in sign abol chu YAS Office, Kangpokpi muna Lhamul 29, 2010 masang’a apehlutding ahi. Chule
koitobang achen chai henom jousen YAS Office muna office phat tengle doh chen thei ahi tin Kh. Pramoda Devi, Pramoda Devi, Deputy Director/ YAS, I/c Sub-Divisional YAS Office, Sadar Hills Kangpokpi in thuphonna aneiyin ahi.
