nisim 19 nichun ana seiphong uvin ahi. Assam sorka in MLA ho lhalo(salary) leh perks(adang dang) hi 400 per cent tobang a akhansah jeh in Milham lom chuleh
MLA hojeng injong sorkar ataimo naho chu Guwahati muna thuso miho heng achun ana lhut uvin ahi.
Sempatni a chu Assam sorkar in lhalo chuleh perks & allowances ho khansah nading mong monga Bill 5 phatsahna anabol u ahi. Communist Party of India (CPI) MLA Pu Dhrupad Borgohain in thusei aneina achun thilman akhangpoi akiti poi, hinlah lunggel umlouva MLA te lhalo ho 400 per cent a aki khansah
jeng hi het them hah satah khat ahi ati. Alangkhat a niseh a thinglhang loulhou leh nikhotha kilo a japi
tamtah hokhu ipi tidiu hitam? Amaho hinkho le khankho joh igelkhou diu hi thilphajo ahi tin aseiyin ahi MLA ho natoh ding penchu ahile society khantouna ding gel puma natoh ding ahi. Milham leh migenthei te phatchom nadia kivaipohna dan ho semphat sanga milham te tax hitia imanchatvai diu hi CPI in aki gelthei poi tin Pu Ananta Deka in thusomite hengah ana seiphongin ahi.
Independent MLA Pranab Kalita in hitin Assembly ah thudohna anabolin ahi. “Asssam gamkai sunga
milham mi 5,20,000 tobang niseh a aneh diu kimujong hahsa asah petlaitah uva hitia MLA teho dinga sorkar in Bill aphatsah hi hetthem hah louham?” tin aseiye.
All Assam Students’ Union (AASU) injong hiche thua Assam sorkar ataimo nathu ana phongin ahi.MLA hohi mipi dia natong dinga kilhengdoh ahin mipi paisa nechai dinga joh sorkar kisem dohtoh akilou tai tin
adatmo nathu AASU advisor Pu Samujjal Bhattacharjee in Guwahati a ana seiyin ahi. Hiche Bill thu ahin
Scholars chuleh Intellectuals phasah hon jong adatmahna thu u aphongdoh uve ti thulhut akimun ahi. Hiche Bill dung juiya hi lhalo amu dingdan uchu ahile, Salary (lhalo) in Re.1.Chief Minister 83,000.00
2 . Speaker 76,000.00
3.Cabinet Ministers 75,000.00
4. Deputy Speaker 70,000.00
5 . Parliamentary Secretaries 70,000.00
6. MLA 70,000.00
7. MLA (Pensioner) 20,000.00
HNLC thingnoi 1 kiman
Shillong, Lhamul 19 : Tuniín BSF 1st battalion hon East Khasi Hills, Meghalaya a HNLC thingnoi 1 aman uvin ahi. Thingnoi chaloh ahet uva konchun BSF hohin patrolling abol’u ahin East Khasi Hills district IB akon a 50 meters a gamlha AOR, BOP Tent post, Umsiyam mun gamgi ahinjot na a kon’a amapa hi kiman ahi. Akiman pa hi “self style sergeant major”, Joplin Pohtom Hayoung (32) ahi in ahi. BSF ho seidan in Pohtom Hayoung hi Dawki muna HNLC thingnoi ading’a “area commander” ahi akiti.
Amapa hi HNLC “commander-in-chief” , Bobby Marwein in akineppi tah leh akison pitah chu ahi.
Thulhut kimu dung juiyin amapa hin mi puimang, sum dong chuleh mi that in jong apang’e akiti.
