chuleh hiche thilsoh chungchang'a chun police hon amachu mo anachan pouvin ahi tin thulhut cun aseibe in ahi. Tulha bul lang World Cup soccer tournament lai chun,South African police hon Hilton hi stadium pamlang'a kanja anachep jeh in anaman un thudohna ananei uvin ahi. Ahin Hilton in tujing khah chun AFR te thulhut donbut na in awebsite a chun, 'kachung'a jouthu thulam leng semho hi kavet le kaloh asoh-e,ipi athanop pinao ham?chuleh tu anukhah pen a hungpot doh thujong hi adih khatcha umpoi,nasim doh jouseu tahsan san hih uvin amaho thusei hi akidoilou lungthim bei mingol thusei ahibouveî tin anasun in ahi.
Leiset chunga Opera lasa luipen kum 98 a thi
HONGKONG:Leiset chunga Opera lasa luipen,Cantonese Opera star Luo Pinchao kiti pachu ana mollem in chuleh amahi athi chun akum 98 ana hi tan ahi. China official Xinhua News Agency ten Gansem(Fri) ni chun,Luo hi sahlam Guangzhou khopi a a In mun'ah Vanghom ni chun aleiset hinkho anada lha-e tin thulhut ananei uvin ahi. Amahi Guinness World Records in Opera lasa luipen tin chanvou anape uvin ahi.Lou hi Lhadou(Jun) 1912 kum' a anapeng ahin chuleh amahin 1930 kum'a pet chun la ahin sapan in ahi.Cantonese Opera hi sahlam ho paova kimangcha traditional Chinese theater khat ahin ahi. Xinhua chun, Lou in ala sah petle anabol jing hetmil theilou khat chu ahileh,amahin la asah petle nidan keh sungkhat tobang akeng anadom jiín ahi tin asei in ahi.
Chuleh amahin classical chinese joh hilouva colloquial a kisun scripts anamang in hiche art hi anakhan tousah lheh in ahi.
Jessica Biel hi dantoh kitoh louva chon mi anahi
London,Lhaphul 18: Actress Jessica Biel hi akhandon jep laichun thungailou leh mikhoh tah khat anahin
ahin anatoh nahin hiche hohi bolnom lheh jong le anabol sah theipon ahi. 'A team' star Jessica Biel,tulai tah a 'Sexy Back' singer Justin Timberlake toh kingai nuhin,kacha panjep laichun kana khoh in thujong atamjo kana ngaipon ahi.Ahin tuhin hitobang chun kaki ngolsah thei tapon ahi.Ajehchu mihet le mi vet juithei khat a ka um phat hin hi tobang thil hi dalhah theilou ahi ta poi tin aseiye tin femalefirst.com.uk thulhut chun asei in ahi.
'Kum 16 apat 22 sung tobang kanahi laichun sinjou le khahjou kana himong mong pon ahi.In a pat guhthim in kanapot doh ji'n boina jong tamtah kanasem doh jing in ahi.US gamía um nuijat umtah khatchu ahileh kum 21 ilhin masang hin ju akidon thei pon ahi.Ahin mijousen alhin masang un adon sohkei uvin ahi' tin Biel chun asei in ahi.
Chuleh aman, 'Mijouse banga kenjong dan chu kanasuh keh ahi.Kei vantil kahipoi chuleh chondih tah thilpha lou bol lou,thilse nelou mi kahipoi ahin hiche ho tobang thil hi nakatoh phatleh kagel pon boljong kabol nompon ahiîtin anaseibe in ahi.
