NSCN-K in India sorkar toh ceasefire chunga kinop tona soi akaichun India danpi hi kijuiding ahi ti anom uvin mipi te joulhepna dinga thu sangtah tah a aseijeh uhin mipi gelkhohna a galsat ahipouve, NSCN-IM in agalsat amachal danhi India Parliament jonghin NSCN hi dandung juija kiloi khomna ahin adang hovang galguhbol ahibouve tin ahe e atiuve.
Naga political settlement chung thu ahin lamkaihon mun tampi in asei taovin NSCN-IM hin thukhum khana sem angaiteng mipiho adohding ahi, tin NSCN-IM hin aseibei.
Jatlhom ho akhohsah ding deisahjing
Shillong, Lhamul 28 (NNN) : National Commission for Minorities a Vice Chairman, Dr. H. T. Sangliana in tunin Shillong khopi a funds ho achena ding bangtah a ache nadin aseiyin ahi. H.T Sangliana in hiche chung ahin Government of Meghalaya a senior officials W. M. S. Pariat, Chief Secretary, Barkos Warjri, Additional Chief Secretary, S. B. Kakati, Director General of Police leh department chom chom'a official hotoh Shillong khopi ah meeting aneikhom uvin ahi.
Meeting achun Dr. H. T Sangliana in State a ding'a schemes hung hohi mipi hon aphatchompi nadiuva bol dingíin tepna anei in ahi. Aman aseibe na ah minorities (jat lhom) ho hahsat naleh ngaichat naho ah National Commission for Minorities leh State Commission hon pan alahkhom nadiuvin tepna anei kit in ahi. Aman State Government kom ah jatlhom (minority) ho dinga awareness programmes abol din angeh in ahi.
Meeting achun simlai ho scholarships peh ding jat, All India Civil Service Examinations bol ho ding'a incentive package, adang dang'a talent neiho ding jong aseikhom uvin ahi. Aman aseikit na ah State sunga Electric Crematorium (kolphemeivah a kihal na) 2 aum nachung'a akipa nathu aseiyin chuleh Meghalaya in hitobang anei hi north east gamkaiya anei masapen jong ahi ati.
