Santosh kiti pa hin Petrol aguh a ajoh namun'a kon'a chu mei hung kapan ahi tin amun'a umhon aseijun ahi. In ahungkah chu ajah phat un Kangpokpi Meiphel garin ahindel lut in hinlah aman apoh twi achun ima aphat chomna aum tapon hijeh chun akom'a vadung twi a kon chun genarator mangchan twi ajop un pan ana lathah un ahi. Hiche jenga jong chun
meikah chu achal tultul jengin abanban in ahin katou peh in anasa cheh cheh jengtan, hijeh chun aban
achalbe lou nading tin, building bana In hochu khosung gollhang hon aphet un ahi.
Aban ahung kahbe ding tijat najeh in hiche jon a um dukan ho jousen jong adukan thil uleh a In thilhou chu polanga asepdoh soh kei jun ahi. Petrol a kon hungka doh ahijeh chun meichu ahat lheh jengin ahi. Chutia phelmit jouhoi ahi tah loujeh in police hon Senapati a meiphel gari agah koube un nidan khat leh keh jou nidan gup leh akeh in ahunglhung nahnah in ahi. Hitah chun pan ahin la thah kit un, vangphat umtah in go hat tah in ahung jun ahileh hiche ho toh kitho chun jan lam nidan 7 velin nahnah in phelmit thei in ahung umin ahi.
Hiche meijin akah dukan neiho khat in asei na ah; Dukan 5 a thil kamang hohi kicheh tah in kihe hih laijong leh dangka lakh 30/40 valman hiding in asei jin ahi. Hiche In neipahi isopi hou Kolho ahin, In asah chai jaouvin aleiset hinkho anabei tan, chujou vin achapa ana thikit in tua hi asopi dolkhat in avet ahi tiní Mrs Kimboi Lhouvum Kpi W/No.8 chun asei jin ahi.
Hiche thu kijih chan hin thil kamang hohi achen achai hetchen ahi hih laijin ijatman mong kamang ham ti jong aki khot thei hih laije. Santosh kiti pahin hiche thilsona a hi Petrol Barrel 10- 15 tobang akoiyin akiseiye. Inka hi cylinder pokeh jehía konía hung kipan ahi danjong thujah akinei kitin ahi.
