Anina in Churachandpur District Police hon CDSU Lamkai volah apang Sanatomba S/o Bina le Tomba S/o Kholachandra te chungía FIR abol lou jeh un CDSU in Mona sangpen akichan in ahi ati. Athumna a COPTAM in Janhi nikho thilsoh jehchun ahung lhungding Lhajing nisim 2 (August) nikho teng Churachanpur District sung'a Govt Office jouse le Govt Gari jouse kha hiding ahi ati. Alichanna chu CDSU Lamkai ho Phouchekhai mun a kilom lou tah a Kho mipi le Bus Driver/ Handyman hon akhut alhana chunga lungkim lou vetsah najalin Lhajing nisim 3 nikho tengle Mipin lamlen jotna kinei ding ahi tiho chengse chu ahi.
MHJU le COPTAM in demna nasatah pe
Imphal, Lhamul 30 : Manipur Hills Journalist Union hon Vanghomni a Kuki chapa khat Phougakchou kho mite in kams hoilou leh abulu nachung uvah nasatah in demna anei uvin ahi. TC Network leh Gosem thuso lakhom'a pang, Mr. Lalboi hi Phougakchou kho mite leh Churachandpur District Studentsí Union volunter ho kikah a thilsoh umho alahkhom na a ama hi kibulu ahi. Thulhut kimu dung juiyin Phougakchou kho mite hin thinglhang mihon thuso lathei ponte, thinglhang miho that un, thinlhang miho nathi nomlou le.... kiti ho aseiyun chuleh Lalboi camcorder jong hunam in lahpeh ding ago uve akiti.
Hijeh chun union hon hitobang thilsoh aumkit lou nadin emergency meeting akou uvin chuleh resolution 3 apodoh uvin ahi. Hiche hochu amasapen ah demna lekha peh ding, thilsoh chung chang'a government honavetchil diu chuleh hiche toh kisaiya AMWJU statement lahding kiti hohi ahi.
Hiche thilsoh chung injong COPTAM in CDSU lamkaiho Phougakchao mipihon khutlhana ananei jeh in nasatah in demna anei uvin ahi. Amahon asei nauva, Census Overlapping thua lunglhai louna
sorkar ho chunga aki neijeh a bandh kikou ahin hiche thua Phougakchao ho kikum nading ipi umham tin thudoh anei uvin ahi. Hijeh chun student lamkai ho chunga khutlha hon seitohna akinthei penna abol lou uleh khonung thilsoh aumkhah le mo akipoh diu ahi tinjong aseiyun ahi. Chukitleh COPTAM in district gamgi thua PWD hohi ngansena kinei ham tinjong thudoh anei uvin chule thinglhang gam kisuloh louding ahi atiuvin ahi. Bandh kikou nikhoa kithopina peho chungah kipathu jong COPTAM thalheng in Pu Thangkam Lupheng, Secretary in ahin phong e.
ADM CCPur in hetsahna nei
Lamka, Lhamul 30: Thuguh kijah le Police hoa kon a thujah kinei dungjuiya Churachandpur District sunga um Kangvai kho hopsung mun hoa boina umding hetmasat ahitoh lhonin K. Thansang, Addl. District Magistrate, Churachandpur in Order No. DC(CCP)/Jdl/2001-5(Pt) noiyin Section 144 (2) Cr.P.C. 1973 chu aphonkhum tan ahi. Hiche toh kilhon in Churachandpur District sunga Kangvai kho velía mipiho mi 5 val kititna umthei louding chule koima chemchoi, thalchoi jong umlou dingin Pu Thansang in thuphon abolin ahi.
