rail lampi kisemjeh ahin, Tamenglong leh Nungba Sub divisionía phaileija chang leh inho atongkhai.Report kisemna dinghin haptani lutninte. Chujou tengleh District Calamity Relief Fund Committee, Tamenglong hin avetchilía CRF dan dungjuija kithopina angaichatna ho ahin thumding ahi. Athil thum uhi State Level Calamity Relief Fund Committee masanga aphatsah diuva kipelut ding ahi, tin Chief Minister in aseiben ahi. Dr, Ratankumar, MLA thudoh donbutnan Chief Minister in Lhatun nisim 10, 2007 kum'a geil in asuhkhah Komlakhong leh Phoubakchao kho dingin dangka 1,94,875 hi Deput Commissioner pa khutnah geillin atohkhat Phoubakchao, Hangoon leh Mayang Imphalía inson 225 ho hoppeh dingin akipetai.
Bishnupur district a cashier pan lamdih louva na atohjeh a case jousehi akithah kholkitleh aphatcha kithopina hi kipe theilou ahi, tin aseije. RK Anand nin thu adohchu donbutna in O. Ibobi Singh hin geil in Naorya Pakhanglakpa constituency noijah in asuse e tihi thulhut tuchan geijin akimupoi, atin ahi.
Dr. Ng. Bijoy thudoh donbutna in L. Jayentakumar, Education Minister pa hin tuhin Aided School a jilkung retired ho khel dinga jilkung lahbe nading tohgon aumpoi. State Finance department in jilkung lahna dinga ban abolhi alahdoh tengleh Education department hin jilkung lahbe nading tohgon kinei paiding ahi, tin adon butne. Opposition hon athudoh u donbutnan Education Minister pa hin Right
to Education policy hi state sunga kichepi ding ahijeh in department hin school lhenna dingin school mapping leh adang akibole. Tuhin jilkung 1671 lah a hin jilkung 1537 hi Aided School 603 in field natohna anei uve, tin aseibe e.
MD. Allaudin Khan, RD leh PR minister pa hin dangka 2,70,62,912 crore hi Churachandpur block a phase VI, PMGSY noija Sangaikot a pat T. Khuangkhai channa lampi semna dingin akinganse miho khutnah akipetai. Natoh velha dingin committee akiphutdoh in report ahinpeh uhi Lhajing nisim
15 leh muthei hitante, tin aseije.
Offer-form pehdoh loujeh’a 2006-primary jilkung ho boijing
Imphal, Lhamul 29: Achesa Lhatun nisim 22, 2010 nikho'a Dept. of Education(S) noija Jilkung 1400 valjen ho lolhingmong nahi taove tia Govt. in Order No. 1/3/2-4/09-DE (S) chuleh Conveyed Order No. 4/17/2005-SE (S) Pt(A) dungjuiya mipi het theidinga ana sodoh Jilkung ho tunichan'a Dept. in pehding a lom Offer Form apehdoh loujeh hin achesa nikho phabep sungchun kiphinna ana neiyun ahi.
Hiche chungchon chun kihou khomna anei uvin silent rally anabol un Lhamul nisim 21&22 nikhon jong Singjamei Bazar'a toumun kiphin najong anabol uve. Chukitleh Lhamul 23 nikhon Jilkung 500 valjen in Director of Edu.(S) office, Lamphelpat mun agano khum uvin ahinla Offer Form agangthei pen a pehdoh ding atiuchu tunichan geiyin Govt. a kon in ima phahpoh in aumnai pon ahi.
Hiche toh kilhon in Asstt. Gen. Secy. Lalboi Khongsai in nopmo asahna aphong in chule Minister of Education(S) in nikho-15 Enquiry Committee ngansena neidinga aseijong nikho atepbe jouvinjong aphat valta hinla ima seilhap ahilou jeh injong alung lhailouna thu aphongin ahi.
Hitobang dinmun seilhaploi ahi nading ahin 2006- Primary Teachers a lolhinna nei jousen ahung lhungding Lhajing (August) nisim 1 Pathen ni nidan 10:00am leh Sangeet Natya Dramatic Hall, Tiddim Road, Kwakeithel Bazar Impahl muna toukhomna kigong ahin hiva hunglha cheh dingin temnajong ahin neipaiyin ahi.
FATYCM in C.M. kom’a lunglhai louna lekha seplut
Imphal, Lhamul 29: Federation of All Tribal Youth Clubs (FATYCM), Manipur hin Chief Minister pa kom ah Lhamul nisim 27 nichun lunglhai louna lekha anasep lutn un ST ho dinga kikoidoh sorkar natoh lahna dinga thil dihlou um hohi avet tup dingin temna aneijun ahi. Lunglhai louna lekha ahin federation hin JNIMS a Lab. Technicians (III) kilahna dinga written test umlouva tohgon chelha jonghi avetlhah dingin tem-na anei uve.
Hitobanga thil dihlou kibol hi aganna thei channa suhdih ngaijinte. JNIMS a thunei hohin state sorkar in reservation policy aneihi faculty staff ho lahna dingin akimangpoi. Tribal te rights hi donlouvin akikoi jitai, atiuve. Amaho jonghin sorkar chunga tahsanna kaneijun C.M. hin achunga kisei state sunga tribal holeh adang minority hon apohnat nahouhi asuhlhap peh dingin temna anei uve.
Maj Gen SS Pawar kichol ta ding
Imphal, Lhamul 29: Maj Gen SS Pawar, VSM Chief of Staff 3 Corps chu ahung lhungding Lhamul 31, 2010 tengle Indian Army a kon haiding ahitai. General Officer pa hin India gamsung leh gampam ah kum 38 sung in army a command, instructor leh staff apoinment hoin pan anala in ahi.
Maj Gen SS Pawar hi achesa Lhakao 1972 kum chun JAT Regiment akon na National Defence Academy leh Indian Military Academy noiya anajao ahi. Mol le lhang, buhbang lah, neldi gam dung hoa ana khosale ahijeh in border hoa jong iti pan lah ding ham ti hetna aneiyin ahi. Jammu &Kashmir gamía OP PARAKRAM umlai chun amapa hin Infantry Brigade ana command in ahi.
Defence Service Staff College a graduate anachaiyin chuleh level chom chom ho ah Staff appointment ajong anapang in ahi. Amahin 'Chief of Staff 3 Corpsî hi achesa 2008 kuma ana mu ahin atohphat man hojeh in tukum (2010) chun president Patel in VISHISHT SEVA MEDAL kipaman anape in ahi.
3 Corps hon Maj Gen leh Mrs SS Pawar farewell abol utoh lhon in maban'a akithokhom jing diuvin tepna jong anei uvin ahi.
MOBC in contract basis a panmun lahna neiding
Imphal, Lhamul 29 : Directorate of Minorities and Other Backward Classes, Manipur in koitobang IT Professional a ding'a lunglutna neihon lha 11 contract basis adin post 8 akou uvin ahi. Amahon atohdiu chu Ministry of Minority Affairs, Government of India noiya Multi Sectoral Development Program a analyzing, monitoring leh evaluation ho abol diu hiche lah achu post 6 chu Manipur district sung'a minority, Administrative department and Directorate of MOBC, Manipur ho ding ahi.
Akihetsah ma bang'a candidates hochu Computer Engineering or Masters degree, computer a B.E. hiding Institute/ College/University in ahetpeh ngai chuleh lha 6 sung project hoa hetna nei hiding ahi. Finance Department, Government of Manipur phatsah dung juiya aloman (salary) kisempeh ding ahi. Application form pehlut phat ageipenía Lhajing 14 chuleh candidate kilhengdoh hochu a join dingni teng contract sign abol pai diu ahi.
