Consultation a hin Manipur a nam chom chomma konnin thalheng ahung jaove. Consultation kikhopna a lamkai chu All India Christian Council a konna Rev. Paothang Haokip ahi. Panelists hochu K.B. Saxena, Professor, Social Justice and Governance,Council for Social Development, Vidya Bhusan Rawat, Writer, Researcher leh Human Rights Activist chuleh National Integration Council a konna Dr. John Dayal ahi.
Consultation nin adoi le atup penchu Manipur (Hill Area) ADC (3rd Amendment) Bill 2008 hi India danpi to kitohnam chuleh India gam munchom chomma Autonomous Council bill hotoh kitoh a hinam avet childing. Anina a, Manipur state a civil society leh intellectual kiloi khomna hon bill chunga hi aphachom dinga kinelna
leh kidoh tona anei uva amudoh houchu decision ladingho komma apehdiu ahi.
Panelists ho makaina a consultation hin Bill, 1971 leh 3rd Amendment Bill, 2008 alhahsamna themkhat amudoh in, hichi hi nam chom chomho toh sorkar decision lading hohin India danpito kikallou dinga asemtoh diu ngaijinte. Consultation hin anoija kipe hohi amudoh in ahi:Manipur (Hill Area) District Council Bill 1971
hi Manipur statehood akipeh masanga parliament nin pass anabol ahi. India danpi 6th Schedule noija Autonomous District Council hin thinglhang gamho ahilouleh tribal gam hohi India leh Manipur dantoh kitoh
louva achonna theidiuva tha apehdanna gelkhel louding, amavang tribal te, agammu leh achonnao vengbit dinga umjoh ahi tia lahding ahi.
Autonomous District Council Bill ngehna kineihi thildang toh chopol louding ahi. Manipur (Hill Area) Autonomous District Council (3rd Amendment) Bill 2008 hi India danpi noija 6th Schedule toh kibang dannin akilangin ahinlah a provision hohi akibangpon umjong aumpoi.
Aphalang dinga kihouna leh kidoh tona neibe a aphadinga kigel hochu decision semho komma pehlut dingin phante. Consultation hon final report asemmu hi Manipur sorkar komma angaichat phatleh avet thei dinga apehlut ding ahi, tiho chengse chu ahi.
PM in apat airport chan leinoi lampi semding
New Delhi, Lhadou 30 : VIP ho che na a phat sotpi traffic jam umho akon boina umlou hela ache thei
na diuvin prime Minister chenna 7, Race Course apat Safdurjung airport changei leinoi lampi semdoh din
tohgon aume akiti. Tupet ahi Delhi mun dang dang chuleh IGI airport ho chenna dinga hi PM in helicopter amanchah ji ahi. Hiche leinoi lampi hi emergency a potna dinga bou kibol kigo ahin hinla PM in jong amanchah thei din akiseiye.
India ahi Delhi Metro Rail Corporation hi leinoi lampi sem thempen leh alen pen ahi jeh a hiche project bol
dinga hi kinganse maithei ahi. DMRC in IGI airport noiya hi six-lane lampi sem dinga ngehna um ahi. President leh PM chuleh VIP dang ho IGI airport a ahung lhun ahilou leh apot doh ding teng passenger dang hon
boina ato hou jong vet lhahna um ding ahi. Hiche nading chun Cabinet Secretary in aviation authorities ho akimupi in ahi. Chuleh DGCA, Airport Authority of India leh Special Protection Group hon jong kihouna anei dingu ahi.
Tupet ahi VIP huikong aum ding masang minute 3 sunga huikong dang umthei lou ahi.
NRI khat in Punjab a achanu atha ham tia ginmo jeh a kiman
Amritsar, Lhadou 30: Non-resident Indian (NRI) khat dandih lou tah a achanu atha ham tia ginmo jeh in police hon aman un ahi. Amapa hi Mehtab Singh ahin achanu chu Amritpal Kaur, 17 ahin miho het dinga food poisoning a thi ahi tin aseiyin ahi. Mehtab Singh hi Belgium gam Brussels khopi a cheng ahi. Police officials hon aseina a numei chapang nu hi ginmo umtah khat a thi ahi atiuve. Amaho tahsan dungjuiya hi achanu hi apan atha jeh a gangtah a meiya go loiding agon hinte atiuve. Numei chapang nu hi apa-no hin atha hinte tin
athu hi akhol un ahi.
Numei nu hi Lakhwinder Singh toh akingai lhon hi apa-no hin aphatsah lou jeh a atha din asei un ahi. Ajeh chu Lakhwinder Singh hi amanu sanga caste nem jo ahi. Hiche jeh a chu apa-no hin food poisoined aneh sah a
gangtah a meiya ago doh ahi akiti e. Numei nu anu Rajbir Kaur in ajipa Mehtab sopipa athi phatna anaopa Mehtab Singh hi ana kichenpi ahi.
British nurse khat in drainpipe akon Jesu Lim tobang khat mu
London, Lhadou 30 (ANI) : British nurse khat in amanu drainpipe akon a Jesu lim tobang khat amu chu
thanopna neitah in aphongdah in ahi. Alex Cotton, kum 38 a tahnu in amu thaotui a kisem lim chu pathen akon melchihna hiding in atahsan in, Pope Benedict jong Lhalam (september) teng Midland, UK muna kholjinna
ahung neiteng coventry a ainmun ahung vil pa ding chule phatthena aboh pa dingin jong akinem in. Cotton
in aseina achun, Jesu athijouva akitomna pona lim umtobang melput veding chun kaloi ho kakou in ahi ati. 'Kaloi hon amu uchun kidang asauvin chuleh Jesu lim mong ahi. Ajeh chu alim achun linglukhuh le akhamul
agongdan jong aume tin aseijin ahi.
Amanu in aseibe kit na a 'Hiti tobang limgong chu ipidinga ka drainagepipe a umham koiman ahepoi Pathen bou in ahe e' tia aseina chu The sun thulhut in aseina ahi.
