Ngamthang Haokip, Ex- Minister apangin Guest of Honour in Pu. Robert Sheilam Haokip, Ranger Officer, Department of Forest, Govt. of Manipur apangin chule Functional President in Pu. Paotong Doungel, Social Worker Secretary Kuki Inpi Moltam Area apangin ahi. Chief Guest Pu.Ngamthang Haokip in houlim aneina ah, "Tu tua Jangnomphai khomiten Lengthei atu doh uhi aphunga sim dingin 3.5 Lakh tobang ahin inson'a atudoh jat uchu sang 10 aphajou in ahi. Insung khatna sang 10 kitu chu aga ahungso a akijoh teng Dangka cheng 5 le 10 kikah in kikai henlang hileh alhom penna chu sang 50 achohdoh joudiu ahitai.
Alangkhatna insung khat hin anchang Kg 100 lhakhat in nedoh tabangle dangka 2000 asen diu ahin, kum
khat sunga chu dangka 24,000 tobang chu anehdoh diu ahitai ahin tua lengthei ho ahinjoh teng uleh alhom
penna chu dangka 25,000 val akikholdoh nah lai diu ahi. Hiti ahijeh chun thinglhang gamsunga cheng jousen Jangnomphai te bolbang banga hi lengthei tua kivah dinghi thil phatah khat ahi' tin aseiyin ahi. Loulhou a kivah jongchu aphanai hinla gojuh louva tui ahah tengle chang jong apha thei pon ahi, lengthei hivang goju henlang juhih jongle aga asepdoh theiyin hijeh a chu lengthei hi kibol henlang hileh phapen ding ahi tinjong aseiben ahi.
Chukitleh All India Congress Committee (AICC) hetsahna dung juiya Party Election hi Lhamul nisim 5 a kipatsa nisim 25 sunga hi District Congress Committee (DCC) mopohna neiding President a patsa Committee changei hi lhendoh tei dinga tohgon um ahitai tin aseiyin ahi. Alangkhatna hiche Election umsah nom louhon court a case bolía lahle lahlou ding thua thilgon neigo jongleu phachom louding ahi ajeh chu AICC constitution noiya Article 27G a kisei dungjuiya Party Election thua boina hohi Court a koiman case abolthei louding tihi danbu a chun hoitah in aumin ahi' tinjong aseiyin ahi. Chuma bangchun Unit Election hi Lhadou nisim 12 nikho
chun chai ana hitan, Block Election jongchu Lhadou nisim 22 chun ana kichai jin District Election jonghi
Lhadou nisim 30 nikhon aki chaisoh tan tua avat nalaihi MPCC President dingle Vice-President chule Treasurer hicheng 3 ahin hiho chu Lhamul nisim 5-25 kikah sunga jotei dinga AICC a kon hetsahna aumtai tin asei bei.
Social Welfare Member thah kilheng ta
Imphal, Lhadou 30: Sadar Hills District Level National Social Assistance Programme a member dingin Pu. Paosei Kipgen chu Manipur Govt. a Under Secretary (SW) in Manipur Governer min in order No. 1/1/2003-
S(SW) noiyin ngapdetna thupeh chu asodoh tan ahi.
Pu. Paosei Kipgen hi Sadar Hills Moltam Block a Kuki Inpi President jong ahi. Mi kitahtah khat government in nominate ahin bolna ahin agam sunga mipi tehojong akipah thei lheh uve tin akiseiye.
Galguh bol khat kiman
Imphal, Lhadou: Achesa Lhadou nisim 29 nilhahlam nidan 2 vella chun HQ IGAR(S) noiya um 9 Sector, 21 Assam Rifles hon Wangu Tera vella operation abol nauva galguh bol UNLF khat aman uvin ahi. Akimanpa hi ahile SS l/ Cpl, L Budha singh, kum 28 a upa, Ithai Leikhong Makha Leikai muna um L Joychandra Singh chapa ahin, army No. 5096 ahije tin thulhut kimu chun aseijin ahi.
Primary leh Hindi jilkung result chunga ATSUM lung kimlou
Imphal, Lhadou 30: Vahchanni chun All Tribal Studentsí Union, Manipur (ATSUM)'n Primary leh Hindi jilkung ho result kiphonna chung changa thunoh baotam hi akichehna khat aumtokah a Manipur Education
Minister pahi moral ground a ahaina dingin ngehna anei uve.
ATSUM jonghin state sorkar hin Lhadou nisim 30 a kipat haptakhat sunga hi adinmun akicheh sahna dingin angeh un ahi. Hapta khat kipe sungahi thunoh hohi asuhlhap louleh ATSUM hin mipi kiphinna abolding ahi tin gihna aneijin ahi. ATSUM hin, Manipur Education department noija ana kiphong Primary leh Hindi jilkung ho result chunga thunoh baotam aumhi vangset umtah ahi ati e.
Education minister pa haiding adeinajeh uchu ahileh amahi office a aumlaise a high level'a hichi thuhi kikhol theilou ding ahi. Democratic Students' Alliance of Manipur (DESAM) hon aseibangu va Assembly in alhendoh
Committee hin thunoh naho akhol dinghi phapen ninte tin tribal simlai ho kiloi khomna hon atosot nathujong aphong uvin ahi.
AR hon Medical Camp nei u
Imphal, Lhadou 30: HQ IGAR (South) noiya um 22 GRENADIERS, 26 Sector hon achesa Lhadou nisim 28 chun Chandel district a um Tuileng khoa Medical Camp anabol nauva New Bangmol Tampak, Tuileng, Bokkan leh Indo-Myanmar gamgi vella khomi ho jaonan mi 325 anapange tin official thulhut chun aseijin ahi. Hiche camp a jaoho chu natna khol dohna keo hilouvin lou le ai jong manbeiyin ape uvin chule camp a lecture kibolna achun gojuhlai (monsoon) a kiven ding dan le HIV/AIDS lam a jong kivending dan houlim na khomite din Regimental Medical Officer pachun aneijin ahi. Chule HQ IGAR(South) noija um 9 Sector, 12 MARATHA LI honjong achesa Lhadou nisim 30 achun Samurau khomuna AIDS awareness camp anabol nauva milun phabep ho Director Regional Resources Training Centre North East Region, Padmashree Dr. Jayanta leh Mr Abhiram Mongjam, Joint Director TI, Manipur State Society leh Mr Arun, UNICEF consultant, Manipur chengse jong anapang uve tin thulhut kimu chun aseijin ahi. Hiche AIDS awareness camp
kimanna achun sorkar akonna thumop kimu chu ahile HIV/AIDS natna vei ho dingin tohgon chom chom
phatah aume ti ahi.
International School of Western Music kiti kilhandoh
Lamka, Lhadou 30: State Bank of India, Churachandpur branch mai a Synod Super Market kiti namuna insong akhatna achun "International School of Western Music" kiti chu hondohna kin aumin ahi. Hivachun Pu.
Hranglienthang Pulamte in hondohna aneiyin chule Rev L. Roding Pulamte in lhandohna aneiyin ahi. Hiche music school ah director mopohna nei Mr. James chun thusei aneina ah, "hiche kithepchuhna inhi Lamka khopi sunga music education lam a khantona ding deisah najal a kibol ahin hivahin course 3 umding ahin Short course (Basic) lha 6 sung, Intermediate course - kum khat sung leh Trinity (London school of Music) kiti changei um ding ahií tin aseiyin ahi.
Hiche International School of Western Music a Director Pu. James hi 2000 kuma patsa chu Gurgaon, Delhi
muna music director leh instructor in ana pangin music toh kisaiya National award jong jat chom chom 3
jen pachanna ana neisa ahi.
Hmar Inpi in NREGS vesui ding
Lamka, Lhadou 30: NREGS toh kisaiya Deputy Commissioner , Churachandpur Ms Jacintha Lazarus IAS panlah nanoiyin kihoukhomna BRGF Resource Centre munah aumin ahi. Hivachun Vangai leh Tipaimukh BDO, SO, Concern AE banah Hmar Inpi hojong ahung lha uvin ahi.
Hiche kihou khomna a thulhuh aneinau vachun Vangai le Tipaimukh hopsunga NREGS natohna toh kilhonna tohgon jouse chu Hmar Inpi teho vetsuina leh mopohna apeuvin ahi.
ZEO makaina a jilkung ho kikhol
Lamka, Lhadou 30: Tuchung BSEM noiya thepvetna kinei na a Class X result pass percentage ahoilou jehchun Ms Jacintha Lazarus, IAS Deputy Commissioner, Churachandpur in headmaster/ headmistress
ho henga thudoh aneichun atamjo in Jilkung ho lhomjeh a asei jeh uva konna ZEO leh atoh khompi hon ZEO
Churachandpur noiya High School leh Jr. High School a Jilkung umjat list a lakhaom uvin ahi.
Hiche list chu lahjou in umhih jongle tuchanna aga chotphah nachan uva konna Jilkung lhomdan kichen tah
in aga kholdoh uvin ahi. List lahjou ahi phatle Education office, Imphal muna thuchen athotdoh diuvin akiseiyin
ahi.
Overlapping census vekol dinga Committee kilhengdoh
Lamka, Lhadou 30: Achesa Lhadou nisim 28 nikho a YPA hall, Hiangtam Lamka a Census 2011 toh
kisaiya Churachandpur District Students Union makaina noiya kihoukhomna umbang chun Hill District 3
a overlapping census operation vekol dingin steering committee kilhenna aum in ahi.
Hiche dungjuiya chun convenor dingin T. Letpu Haokip phatsah ahin co-convenor ding chun Pu. PK Munga phatsah ahi. Secretary dingin Mangkholien Vaiphei, Secretary Information & Publicity dingchun Seiboi Haokip, Asst Secy. Info & Publicity din Ramthanglien le member dingin S Thatkhogin, Seitol area chief
association leh Lura Hmar, adviser HSA phatsah ahiuve.
Amaho cheng tosot ding in Hmar Inpui, Kuki Innpi, Ccpur, Zomi Council leh Mizo People Convention a
chairman/secretary jouse gon ahiuve.
Regional
Centre sorkar leh ANVC in SoO lhathum jopbe
Shillong, Lhadou 30: New Delhi in Meghalaya state na galguhbol Achik National Volunteers' Council (ANVC) toh Suspension of Operation (SoO) anakai honchu Lhadou nisim 30 nia chu akichai phatnin, lhathum dingin asusaobe hone. Lhamul nisim 24, 2004 kumma chu centre sorkar hin ANVC ho chunga thallha angah phathin tripartite kihouna ahung umtheijin ahi.
Hicheva patna chu SoO kinopto nahi aphat dungjuija kijop saobeji a ahi. SoO kijop saobena chunga akipana
vetsahnan, ANVC thuphonga pangpa Torik J Marak chun 'Aphat teplouva ceasefire neiding kadeiju ahin, amavang Ministry of Home Affairs leh Meghalaya Chief Secretary in ngehna anei dungjuijin ANVC hin
lhathum SoO jopsao beding anomtai', tin aseije.
Masanga chu ANVC hin kihou lhahna aum theina dinga aphat dungjuija SoO jopsaobe dinghi adei ahin, tunvang kihouna langa ima machalna aumloujeh hin aphat teplouva ceasefire umdinghi adeitai. Vahchanni achun ANVC hin Meghalaya chief secretary WMS Pariat, Home Secretary, CD Kynjing leh ADC (special branch) SK Jain toh Shillong khopi'h kihou limna aneijun ahi. Lhathum sungahi angeh hou suhbukimpeh a
aumding akinepna bannahMarak hin 'Lhathum sungahi kihou lhahna ima aumlouva ahileh lampi chomjep kihoding ahitai' atin, ANVC hin thil angeh hohi sunemthei ponte.
Sorkar hin kabolpeh diu ahi atin tukah sungahi eibol pehdiu kinemtah a kavetdiu ahi. Ijem tia ANVC deibanga thil ahung umlouleh kimoh umthim taponte ajehchu, gollhang chapang hohin hichi thuhi gelkhohtah a
aneiju ahitai, tin aseije. Chief secretary, WMS Pariat chun thil hohi akichehna khat ahung umtai, state sorkar langa patvang tohlhinglel ima aumpoi, tin aseije.
Meghalaya sorkar saplen khat chun ANVC ho thil ngeh hi akive chillin ahi, tin aseije. Ningkum Lhalam
lha a chu ANVC hin Garo hodia state tumbeh angeh uchu phat chomkhat adia angah u ahi. Hichi khella hi
Garo Hills district thumho - Solam, Lhumlam leh Noilam hoitah a akivaihop theina dinga Garoland Autonomous Council hi ana ngeh u ahi. Centre komma hichi council hohi sumle paija nakithopi diu ahi tin ngehna lekha anapeuve.
ANVC hi Ollha 1995 kumma kiphutdoh ahin, Meghalaya leh Assam mun themkhat sunga Garo Hills munna 'Achik Land' ahilouleh "Garo Land" eipeuvin tia angeh u ahi. Angehnao "Achik Land" hin Meghalaya sunga Garo Hills chuleh Assam state na Kamrup leh Goalpara district sunga gam lenpi ahopme.
