Date of Birth:
Phallha (Nov) 25, 1960.
Family and Home:
Amy Grant hi Augusta, Georgia gam'a peng ahin chuleh Nashville, Tennessee gam akon a hung kisei len ahi. Amanu hi lasa lunglut ahijeh in kikhopna hoa jong la asa jing'in hiti chun ahung kimangcha peh in Lhadou 1982 kum chun aji masa, Christian singer leh songwriter Gary Chapman toh ana kicheng lhon in ahi. Ahin amani nupa kikah ah kihet themto louna neocha cha ana umjeh in achesa 1999 kum in ana kikhen lhonin ahi, amani kikhen jeh hin Christian achan khompi mi tamtah alung nopmo lheh in ahi. 2000 kum in Amy Grant in agam'a musician leh singer Vince Gill toh ana kichen lhon in ahi. Tuhin Grant leh Gill cha 5 aneiyin Nashville, Tennessee mun ah acheng tauvin ahi.
Career:
Amy Grant in kum 16 alhin in ama a ding'a amasapen din 'Amy Grant' kiti album chu 1977 kum in recording anabolíin chu apat in a career ahung kipan tai.
Christian music album kailhang dung hoa aminche loi tah khat ahi in ahi. 1982 kum in 'El Shaddai' kiti la leh aji masa Chapman toh kitho khom'a abol 'In A Little While,' la hoa koníin Grant in Grammy Awards 6, Gospel Music Association Dove Awards 25 chuleh Christian album bol ho lah a Platinum mu masapen ahi in ahi. Ama album ho lah a "Heart in Motion' in tamtah ana lha/johdoh in ahi, United States gam sung seh seh in 5 million copies ana johdoh in ahi. Entertainment industry lam'a jong pan hatah a alah jeh in 2005 kum chun Hollywood Walk of Fame jana achang in ahi.
1985 kum chun Amy Grant in Christian music lam'a minche na anei laitah in pop music lam ah jong ana minche lheh in ahi. Hijeh chun 'The Queen of Christian Pop'tin jong akihe in ahi.
Achesa 2009 kum in Grant in ama albums thah 30 million val anajoh doh in ahi. Amy Grant in pop lam'a minche na neijong leh Christian music ahina chu apailha pon hijeh chun 2005 kum'in 'Rock of Ages,' kiti la kilakhom released anabol kit in ahi. Tunaicha chun Amy Grant in America reality TV show 'Three Wishes,' tichu kinepna neitah a munom hon amu ding, taona kisanpeh chuleh mu kidang atah a sohdoh kiti achun ajaovin ahi.
Education:
Amy Grant in Vanderbilt University ah athep napen English anala in, ahin albums phabep recording abol jou apat a college kai anga-in music lam'a akipe tan ahi. Amy Grant in Harpeth Hall School ah graduate anachaiyin ahi.
Albums:
Amy Grant (1977)
My Father's Eyes (1979)
Never Alone (1980)
Amy Grant in Concert (1981)
In Concert Volume Two (1981)
Age to Age (1982)
A Christmas Album (1983)
Straight Ahead (1984)
Unguarded (1985)
The Collection (1986) - 1st greatest hits collection, 1977-1986
Lead Me On (1988)
Heart in Motion (1991)
Home for Christmas (1992)
House of Love (1994)
Behind the Eyes (1997)
A Christmas to Remember (1999)
Legacy...Hymns and Faith (2002)
Simple Things (2003)
Greatest Hits 1986-2004
(2004), 2nd greatest hits
collection, 1986-2004
Rock of Ages...Hymns and Faith (2005).
