Hiche US military documents chu Wikileaks website a hung kiso doh ahin phatah a ISI leh Taliban ho kitho khomna atahlang in ahi. Lhakao 2008 intelligence report a chun ISI in Haqqani network ho $ 15,000- 30,000 ape in hichu India miho Zaranj-Delaram road project a natong engineers leh lampi semho thana dinga apeh ahi tin akiseiye. Thulhut in aseibe na a ISI in Serajuddin Haqqani chu thu apen Afghanistan a India mi doctors, officers, engineers leh nikho tha a natong ho apuimang din thupeh ana neiye akiti. Hiche thupeh lha 2 jouvin Border Roads Organisation (BRO) a engineers mi 2 chu bomb a kibulu jeh in athi lhon in chuleh Indian mi 6 jong ana kitong kha un ahi. Kabul a Indian Embassy kibulu ding jong chu Polish intelligence in aseidoh jou kal khat jouva kibulu ahi.
Rajarhat hi Inida dinga zero-energy town masapen hita ding
Kolkata, Lhamul 27 : Rajarhat hi India dinga zero-energy satellite town (ZEST) masapen hiding ahitai. Hiche hi US Department of energy (DOE) leh Brookhaven National Laboratory (BNL) kitho khom na jal'a kisem doh kigo ahi. BNL leh DOE hin Indian leh Chinese khopi ho hi energy-efficient hina dinga tohgon anei ahi. Hiche team hi research engineer leh energy policy analyst Vatsal Bhatt in a lamkai ahin hiche project velha dingin Kolkata mun'a ahung lhungin ahi. Rajarhat munía hi mihem one million tobang cheng dinga kigong ahi. BNL seiding juiyin khopi hohi leiset chung greenhouse gas 75 percent apohdoh ahi tin aseiye. DOE a Katie Bolcar in achesa Lhaphul 31 nichun New Delhi mun'a Union Urban development ministry kikhopna khat a near-zero energy community leh athupi dan ho aseiyin ahi. Hiche kihopna a chun state Urban development department a principal secretary Debashis Sen jong ana pangin ahi. Bolcar in aseina a BNL toh kitho khomía India gam'a zero-energy town semdoh ding kingaito ahin hiche nading chun Rajarhat hi pilot project masapen dia kilheng doh ahi ati.
NRI khat in Madras University vilna nei
Chennai, Lhamul 27 : Non-resident Indian mi khat in University of Madras chu United Arab Emirates akon simlai tampi toh kihui lha na in ahung vil un ahi. Hiche a sum chu hiche university off-campus a Institute of Distance Education a ding course fees ho lakh tampi chu dan dihlou tah-a amanchah ahi tin thulhut akimu in ahi. Hiche NRI pa chu amin Nandan Balakrishnan ahin Kerela state akon ahi. Tu hin University a officials ho leh Dubai mun'a Indian Consulate in amapa chunga legal action lah a sum ho jong nung mu nading angaito un ahi.
Achesa kum 5 sung chun Balakrishna hin Dubai khopi Karama mun'a Campus Educational Institute anabol doh in chuleh Institute of Distance Education in academic programmes tampi ana bol sah ahi. Amapa hin hiche course fees dangka 30 lakh tobang hi anung sah lou ahitai akiti e. Hiche phat chun University in simlai phabep result aphongdoh tapon ahi. University of Madras a Vice- Chancellor G Thiruvasagam in hitobang nehguh um hi simlai numei khat in result kiphon peh lou khat in fees apehna receipt eivetsah akon kihedoh bep ahi ati.
Andhra Pradesh a 12 A/C a by-election um
Hyderabad, Lhamul 27 : Andhra Pradesh state a Telangana gamkai a assembly Constituencies 12 um ho chu tuni chun by-election ana um in ahi. Hiche MLA mi 12 hon Telangana state pilhing ding adel jeh uva acham uva ana hai uva ahi. Vote lhahna chu jingkah lam nidan 7:00 chun ana kipan tai. 1998 jouvin ballot papers avel in ahin kipodoh kit in ahi. Candidates mi 64 aval jeh a Electronic Voting Machine (EVM) ho kimangcha thei lou ahi. Hijeh achu Election commission in constituency 5 a ballot papers aphal ahi. Chuban leh ballot box ho chu Yellareddy, Koratla, Sircilla, Huzurabad leh Wazangal West a akimangin, EVMs chu Sirpur, Chennur (SC), Mancherial, Nizamabad Urban, Dharmapuri (SC), Vemulawada chuleh Siddipet mun hoa akimang in ahi.
Airport mun ho ‘noise pollution control’ um vah tading
New Delhi, Lhamul : Airport mun ho a jan teng leh huikong gin ho thip dom ding ahi tai. Amasapen a Delhi munía Indira Gandhi International airport a noise pollution control um masapen ding chuban leh gamsunga airport mun danga kikoi ding ahi. Hiche hi Vasant Kunj a cheng hon Delhi High Court a petition abol jeh uva hiche niose pollution control hi umdinga kisei ahi. Hiche muna cheng ho hin niseh leh huikong 200 val gin angai jingu ahi.
Hiche jeh a chu Director General of Civil Aviation (DGCA) leh central pollutioncontrol Board (CPCB) in kitho khom'a India airports ho a noise pollution lhom sah ding tohgon anei u ahi. Hiche chung chon'a Delhi High Court a justice S. Muralidhar in hiche thu hi gangtah a seichai na dinga centre thupeh ananei ahi. CPCB Chairperson SP Gautam in aseina a Lhumlam gam ho bol banga bol ding chu India a thil umdan toh kibang lou maithei ahijeh a India toh kitoh ho chu kibol kigo ahi ati. Hitobang standard hi aum teng leh huikong agin nem hoi bou airport a chu dinga phalna umding ahi tin DGCA official khat in aseiye.
US in Pak kom’a military lama kithopina anei hi India douna a aman maithei ahi : Sorkar
New Delhi, Lhamul : Tu naicha US in Pakistan ahi tia akisei jing tolhon in sorkar in gam venbitna dinga armed forces ho angaichat jouse kipe ding ahi tin aphongdoh in ahi. Defence Minister AK Antony in kal masa a US National Security Advisor James Jones leh Joint Chief of Staff a Chairman Admiral Mike Mullen henga India gel khohna thu kaseiye ati. Aman aseina a Taliban douna dinga Pakistan kithopina anei hi khonung teng India douna a hung kimang ding ahi tin gihna aneiyin ahi.
Antony in kum 11 lhinna Kargil War Pakistan toh akisat geldohna a Amar Jawan Jyoti mun'a sepai thiho jana a pahcha athe na a US gal manchah hohi India douna a jong hung kimang cha maithei ahi, hijeh a chu defence lam hi gelkhoh angaiye ati. Taliban ho douna ding mai maiya kum she leh gal manchah billion dollars tampi pi Pakistan kipe hi India dinga kichat lou thei ahipoi tin Antony in Mullen Kom'a aseiyin ahi. Pakistan gal manchah kipe ho chu aman nading dolt ah a amanchah nadiuva dan sempeh angaiye tin Antony in aseiye.
Kerala gamkai chu Keralam hisah tadiu
Thiruchchirapalli ahitan, Baroda chu Vadodara ahitan, Poona jong Pune ahitan, Benares jong Varanasi ahitan, Cochin jong Kochi hita, Gauhati jong Guwahati hita, Ooty jong Udhagamandalam hita, Bezwada jong Vijayawada kitita, chuleh Alleppey jong Alappuzha kisah anahitai.
Geldoh thei chu ahileh Manipur gamsung jeng'a jong gam ho mindang kisah phabep ana umtan, tunihin koigam leh amindihtah ipi anahi lam hetdoh theilou khop in aumtai. Vetsahnan, Laijang chu tunin Tamenglong asohtan, Chahsat chu Kamjong in alekhutan, Pallen jong Pallel tin akijih tan, hitobangchun minluiho jouse hi mangthah din aum kigotan ahi. Min achenna gam minchu ama pao leh ama hetdan a anung sahthah thah lai'a Manipur adehía thinglhanggam a hitobang a akileh lang tah'a thilsoh hohi vetsui theitah ahi.Thiruchchirapalli ahitan, Baroda chu Vadodara ahitan, Poona jong Pune ahitan, Benares jong Varanasi ahitan, Cochin jong Kochi hita, Gauhati jong Guwahati hita, Ooty jong Udhagamandalam hita, Bezwada jong Vijayawada kitita, chuleh Alleppey jong Alappuzha kisah anahitai.
Geldoh thei chu ahileh Manipur gamsung jeng'a jong gam ho mindang kisah phabep ana umtan, tunihin koigam leh amindihtah ipi anahi lam hetdoh theilou khop in aumtai. Vetsahnan, Laijang chu tunin Tamenglong asohtan, Chahsat chu Kamjong in alekhutan, Pallen jong Pallel tin akijih tan, hitobangchun minluiho jouse hi mangthah din aum kigotan ahi. Min achenna gam minchu ama pao leh ama hetdan a anung sahthah thah lai'a Manipur adehía thinglhanggam a hitobang a akileh lang tah'a thilsoh hohi vetsui theitah ahi.
