‘High School Musical’ star Hudgens hin,Hollywood a hin numei hoding in hoitah le phatah a ahilouleh aphat dung juiya Pathen tep peh bang’a the ding hi hatah in a hah salheh in ahi tin aseiyin,hijeh chun aphat seh a khangthah tobang’a akimu le akihet theina ding in special lotion akinu jing'e tin contactmusic.com thulhut chun asei in ahi.
‘Tu a pat hin chapang lheh jongleng anti-ageing lotion kajang pantan ahi.Nang jong navai gei masang in tun kipan doh in ajehchu tulai hin product hohi ahoile aphathei lheh in ahi.Wrinkle(vunvoi) nanei nomlouleh najong lotion hi kinupan in,ipilam hijong leh matah a kipat hi kagel leh pha kasan thilpha hiding in jong katah san in ahi chuleh hiche hi hoina ding jong ahiî tin actress nu chun asei in ahi.
Chuleh Hudgens chun,îkagel dan in numei hohi hatah in akivang sejo in ahi. Ajeh chu pasal hohi ahung teh jepjep uva asam- u ahung kan phatleh avet hoi chehcheh uvin chuleh vet nomnom jong aum uvin ahin numei hohi ahung teh jepjep uleh Hollywood mun a athilbol’u akimu dung jui in vun loisal,vun jelut ahilouleh thil dangdang tamtah bol a ngaiyin,hijeh chun kagel leh numei hohi pasal ho sang in akivangse joi tin kasei nom in ahiî tin aseibe in ahi.
