Islamabad airport a achuh kigot leh mei akai jeh a mol ata khah hitei din ginchat aum'e. Pakistan gam'a huikong tosetna a gim neipen hidin akiseiye. Islamabad police a deputy inspector-general Bin Yamun in thuso miho kom'a aseina a athi ho chu koi ahi akihe doh hih laiye ajeh chu go aha juh jeh in natoh achelha theipoi ati. Amun jong mol chung ahin hijehchun kilahna ahahsa lheh e ati. Hitobanga go ajeh jing jeh in helicopter jong alengthei pon chuleh huhdoh natoh jong amachal theipoi. Tua hi go phat kingah ahitai tin Yameen in aseiye.
Investigators hon ipi jeh a pohkeh ham akhol uve tin senior Civil Aviation Administration officer Ayaz
Jadooninaseiye. Amanaseibe na a huikong a "black box" data recorder jong akimudoh hihlaiyeati. Investigationteam lamkai Khawaja Abdul Majeed in aseina a phat tanpi akinei tapoi chuleh go twi in hettheina tampi alhoh mang ding ahitai ati.
Joint S Korea-US naval exercise chu N Korea dinga gin umpen khat ahi
Seoul, Lhamul 29 : Ni 4 sung South Korea leh US military in Sea of Japan a joint naval drills anei lhon chu North Korea dinga gin umpen khat ahi tin US Command chun aseiye. Kiven ding dan leh twipi chunga gal bol ding kichuhna hi North Korea in buluna anei jing angahna dinga thupeh sangpen khat ahi tin 28, 500 US sepia Commander General Walter Sharp chun aseiyin ahi. Hiche naval exercise ahi aircraft carrier USS George Washington, gam teni a destroyers tampi chuleh huikong 200 val in pan alah ahi.
Hiche naval exercise hi "Invincible Spirit" tin akiminvo in sepia 8, 000 val in kichuhna ananei ahi. Hiche drills hi achesa pathenni achu kipan'a janhi a chu ana kichai ahi. South Korea in Lhakao lha a
Worship "Cheonan" buluna jeh a mi 46 ana thi chu Stalinist north Korea angoh in ahi. Alangkhatna tunia Pyongyang leh US makaina a UN Command military kihouna umding chu aphat akivo chon tai tin Seoul a um defence ministry official khat in aseiye. Colonel-level a kihouna um dinga kisei chu "Cheonan" kibulu thu seikhom dingkigon ahi. Kal masa a chug am teni hin avel'a kilou ding ana nom lhon ahin, hinla aphat anasei lou u ahi.
ISI leh Taliban akitho khom’e kiti jeh a Pak policy avel vet diuvin Afghan in Lhumlam gam ho ngehna nei
Kabul, Lhamul : Janhi chun Afghanistan national security adviser in lhumlam gam ho akimupi in Pakistan policy anei hou nung vetna anei diuvin ngehna aneiyin ahi. Hiche hi Pentagon documents in Pakistan Intelligence agency ISI leh Taliban ho akitho khom'e tia ana phondoh jeh a Lhumlam gamhon Pakistan policy achepi hou avel vet diuva ngehna ananei ahi. Masang peh apat Afghanistan in ISI leh Taliban galguh bol ho akitho khomíe tia Pakistan themmo anachan jing ahin hinla Pakistan jou thu ahibouve tia anasei ahi. ISI leh Taliban ho pan khomna hi Wikileaks website a phatah a kihe chen ahitai. President Hamid Karzai national security advisor Rangeen Dadfar Spanta chun athu hi US aid toh anasei khom ahi. Hiche US aid noiya Pakistan in USD 7.5 billion non-military kithopina anamu a 11 billion kipe a security forces semphat a aum nunga hiche sepai hn galguh bol ho akithopi ding kiti chu adih mong mong poi ati. Aman US leh NATO sepai hon galguh bol ho chunga pan alah uva chuleh hiche galguh bolho chu Pakistan a anung jamlut masanguva tha ding ahi tin aseiye.
Australia gam’a India mikhat ahouset jeh-a themmo kichan
Melbourne, Lhamul 28 : Victoria munía Indian simlai khat jat le nam thua houset na leh bol gentheina ana um jeh in mi 3 hochu themmo akichan un ahi. Police hon amaho chu jat le nam vetda nale noise na anei uve tin case abol khum un ahi. Hiche thilsoh hi achesa Bulte nisim 6 nia chu Indian simlai pa hi bus a port sea apat Mornington peninsula chan atouna a househ leh bolgim na hi ana to ahi.
Tun mi 2 chunga hitobang dan dihlou tah a kibol na chunga hehna aum in amani chu ahung lhung ding
Lhalam nisim 1 teng Franston Magistrates Court kai lhon din thupeh aum tai. Athum napa jong hiche nikho teng chuleh court kai ding ahi. Police in aseina a hitobang thilsoh aum kit louna dinga amaho hi gotna kipe diu ahi tin Victoria police in aseiye. Hitobang thilsoh court a kipo doh masapen ahi nalaiye akiti.
Akicheng ding teni meithal toh lim’a lah ding agot jeh-a kikap lih
London, Lhamul 28 : Italy gam'a kichenna a lim la khat mou leh moulang meithal toh alah khom nom jeh in khut-soi jeh in amapa chu akikap lih in ahi. Hiche photographer pa chuamin Calogero Scimea, 45 ahin meichang in aluchangtah akhah peh ahi. Alangkhatna akicheng ding teni chu Valentina Anitra, 22, leh akingaipi Ignazio Licodia, 25, ahilhoninahi. Hitobangthilsoh um chu akicheng ding teni insung miho atija beh set un kichenna jong chu avo hai tauve tin Daily Express thuso chunaseiyinahi. Hiche thilsoh hi kichenna aum ding kon moulehmoulanginhou-inajot kigt pet lhon a anaum ahi.
Thilso na hi Sicily gam Palermo komía Altofonte munahi. Koimachainatahsan lou ding ahi. Chuleh mijouse chun kidang asa thei lheh jengun, vangsetumtahthilsoh ahi. Hijeh chun mou leh moulang jong akipana lhon abei hel e tin town deputy mayor, Angela Busellini in aseiye. Palermo police spokesman colonel Teo Luzi in aseina a hiche photographer pa chun akicheng ding teni insung miho komía meithal athum in amapa chun mou le moulang chu meithal toh alah khom nom ahi ati. Hetman louvin meithal ahung gingin ahileh photographer pa luchang akap kha in apet tah in athi-e tin Luzi in aseiye. Hiche jeh chun kichenna kin jong voh hai ahitai ati.
