Hitobang thilsoh hi Israel military spokes woman in adih nai ati. Ginmo um tah mi phabep chu border fencing koma ahung jeh uva akoma um sepai hon thal akap u ahi ati. Spokeswoman in adang imacha vang aseipoi. Hinla Ynet Website thulhut dung juiyin Israel forces ho chun galguh bol ho chu Israel gama ahung lut kigot jeh a thal akap ahi ati. Achesa Ollha 2008 chun Gaza Strip akon aphat seh leh thal leh rocket akikap jidng jeh in buluna ananei un ahi. Hiche ni 22 gal chun Insrael sepai mi 13 athi in chuleh palestine mi 1,400 tobang anathi in ahi. Kum khat tobang athip njungin Gaza a galguh bol hon aphat seh leh rocket akap un tukum sungin rocket leh mortar round 60 tobang Israel lama ahin kap un ahi tin military thulhut chun aseiye.
North Korea in UN Command toh kihouna ding phat tep chon
Seoul, Lhamul 14 : Jing nikho teng leh North Korea military in US makaina United Nations command
toh south korean warship kikapset na thua kihouna anei diu ahitai tin thulhut akimu e. Hiche kihouna ding hi
warship kikapset jouva pat Korean Peninsula muna hi kigin mona sangtah um ahitan chuleh kihouna amasapen
hina lai ding ahi. Amasa a chu leisemnia chu ana um dinga kisei ahin hinla North Korea in aphat anatep chon ahi. Lhakao lha a warship kikapset na achun mi 46 jong ana thi in chuleh South Korea, United States leh gam dang dang hon nasatah in North Korea themmo achan un ahi. Hinla North Korea in hitobang a kingoh nahi adih ahipoi tin gihna anei kit in ahi. Tuchung ahi colonel makaina noiya kihouna umding ahin hichu phat chom khat jou teng general-leel a umding ahi. Hiche kihouna hi border kho pan munjom ahi umding ahi. UN command hin Korea gal a channa anasem ahin tuchunga jong chamna asem kigot ahi.
Peru gama galguh bol 'Shinning path' lamkai ho mandoh aumleh US in $5mn peding
Koi hileh Maoist galguh bol 'Shinning path' lamkai ho matdohna dinga kithopina pethei aum leh United States in dangka $5 million kipaman apeh ding ahi tin US embassy in aphongdoh in ahi. Hiche Shinning path galguh bol hohi kham nathei cocaine a kivei uva ahi. Shining path a loi phabep lamkai chu Florinda Eleutirio Flores ahilou leh Comrade Artemio akiti in amapa hin Coca kitu nag am Alto Huallaga muna pansa ahi Chuban leh Victor Quispe Palomino ahilou leh comrade Jose tia kihe pa hin loitum khat a lamkai a Ene leh Apurimac River Valley gammang lah a pansa ahi. State Department in amani hi Narcotics Rewards programme a gel lhahna anei hi United Nations in Coca phut tampen chu Peru in Colombia akhel tai tia aphondoh jouva kiseidoh ahi. Cocaine semdoh nadinga hi coca h ngaicha pen khat hi ahi. Achesa 1980 kum chun Maoist Shining path ho hin state douna in gal anabol in thisan tampi ana longin ahi. Hinla 1990s kum kipat til lam a aphudoh ho akimat doh nungin mi phabep gammang lah a pansa uva cocaine kiveina ahi lut uva ahitai. Peru President Alan Garcia in Artemio leh Jose chu narco-terrorist ahi lhon e tin matdoh tei agongin ahi. Achesa kum phabep sunga shining path galguh bol hon sepia phabep athat tauvin ahi.
Fidel Castro chu Cuban TV a amaikilah
Havana, Lhamul : Masanga president anahi Fidel Castro chu kum 4 masanga tahsa damlou jeh a mipi lah a pot doh louva aum nungin ama thanop napen television a interview abol un leiset chunga nuclear gal umding thu leh kolphe meivah kitup tah a man a energy moh mansah lou ding thu jong aseiyin ahi. Kum 83 a upa revolutionary lamkai pa hin vang Cuba gama thilsoh ho imacha aseipoi. Cuba sorkar in political prisoners mi 52 ho chu ahung lhung ding lha sunga lha doh ding tohgon aneiho aseidoh poi.
Ipi bol a Castro in kum phabep jouva television a thu asei kit ham ti vang koiman ajeh ahepoi. Chuban
leh ama jengin jong iti dan a kisel guh tah a hinkho aman jeng ham akihe poi. "Mesa Redonda" ahilou leh 'Round Table' tia pung kal 1 leh 15 minutes tobang ahou limna a ajeh khat cha jong aseidoh poi. Hiche 'Round Table' hi Cuban TV show ahin agam sunga thilsoh ho leh leiset chunga thil umdan ho seina phat ahi. Castro chu dark blue track suit in akivoh in aha pao beh set poi akiti e. Castro in aseina a Iran buluna aum leh America dinga hamsetna umding ahi ati. Iraq buluna aum leh America dinga hamsetna umding ahi ati. Iraq sanga Iran in ginchat louva lethuhna anei ding ahi ati.
