The Editor, Gosem
Thupi:Thucheng kimangkhel, suhdih louva khoh.
Pu, Tulaikhang hin kichenna kin hoa akicheteng akichengte ni gopna kinía kimang louvin, a numei nu le pa kigopna kin joh asoh gamtai. Ajehchu, MOUNU le MOUPA agom jiuve. Mounu le moupa chu jineinu nu le pa tina ahi.
MOU kiti chu jinei dinga numei/nungah kipui chu ahin chule akichenpi ding pasal chu MOULANG akiti e. Mou le Moulang kigopna ahin Mounu le pa gopna ahi poi. Vetsahnan, Nehpu le Vahbem chanu LHINGBOI chu Sehlun le Lalneng chapa HENBOI toh akicheng e. MOU chu LHINGBOI chu ahin chule MOULANG chu HENBOI ahi. MOUNU le MOUPA chu VAHBEM le NEHPU ahi lhon e.
Suhdih louva khohtah khat kit chu tunaicha kisothah lekhabu amin KUKI CHRISTIANTE THEMPU TENGGOL(Khutchoibu) kiti KCC Churachandpur Gambih in atadoh a jong chun Mou le Moulang tina dingin Mounu le Moupa amangin, phamo ka sa lheh e. Hijong hi suhdih louva khohtah ahi.
Tulai khangthah tampin hitobang thucheng poimo tah ahetkhel uhi suhdih lou khohtah ahijeha Gosem a na hinso dinga ka hin peh ahi..
Haujakam Chongloi
Vengthah, Kangpokpi
