Chuto lhonna House teni a kiphinna jong chelha jing pehding ahi ati. Hitobanga kiphinna nei MLC member mi 14 ho chu chairman TK Jha in ahai sah tai. Bihar gam'a 2002-2003 leh 2007 -08 sunga khantou nading leh welfare schemes a din dangka 11,412 crore nehguh aum'e tia CAG in report apeh jeh a BJP-JD (U) sorkar hai hen tia opposition party hon ngehna anei u ahi.
Sorkar in foreign law firms ho umsah ding ati lawyer ho nomlou
New Delhi, Lhamul 25 : Sorkar in gam sunga foreign law firms ho umsah ding tohgon anei chu Society of Indian Law Firms hon sorkar tohgon demna anei un ahi. Hiche society a president Lalit Bhasin in aseina a athah beh a sorkar in lunggel anei hi British akon ama phatchom nading hol ho akon hidin aseiye. India gama legal service muthei nadin aphat seh in Britain akon palai ahung jing'e tin Bhasin in aseiye. Bhasin in aseina a ahung lhung ding British prime minister India mun ahung kholjin teng hiche chung changthu jong kisei ding ahi tin aseiye. Aman aseibe na a India sorkar in India legal profession natong ho avenbittah sang'in UK sorkar joh akithopi nom in ahi ati. Tu ahi High Court ni le thum a thu kibang chet aum a ahileh Supreme Court a athu chu transfer bol thei ahi tin Bhasin in aseiye.
Nandi bulu ho chu Rajan gang ho ahiuve
Lucknow, Lhamul 25 : Achesa Lhamul 12 nia Allahabad mun'a minister for institutional finance Nand
Gopal Gupta alias Nandi kibulu chu investigators hon akhol nauva Chhota Rajan gang ho jong apang'e atiuve. Hiche chung chonna UP a miphalou holeh Mumbai gang ho akikhut jop na matdoh in aumíin ahi. Hijeh chun Chhota Rajan leh Dawood Ibrahim ho natoh akibahna tampi amudoh unahi.
Rajan hin Hindu hou toh kitoh a gal kabol ahi ati in hijeh chun nam lhachom ho lah a mi lahlutna bailam tah in amuthei inahi. Tu thah a kimudoh khat chu ahileh khopi sunga lekha them ho jong apang tai tin law enforcement agencies ho alung dong lheh jengíun ahi. Nandi bulu lah a kiman Rajesh Yadav hi Chhota Rajan gang lah a hi pang ahi tin hetdoh ahi. Hijeh chun miphalou gang hohi ahung
hatdoh cheh cheh un kichih thei angaitai tin thulhut kimu chun aseiye.
Modi in Shah haina lekha chu governor phatsahna dia thot
Ahmedabad, Lhamul 25 : Gujarat chief minister Narendra Modi chun minister of state for Home, Amit Shah haina lekha chu governor heng'a athot sone tin chief minister office ah official khat in aseiye. Shah hin toltha, guhchat chuleh Soharabuddin Sheikh kithana chunga case anei jeh a tunia chu chief minister hengía haina lekha anapeh lut ahi.
Narendra Modi in ahaina lekha chu aphatsah in hinla governor phalna aum nadin lekha chu ana thot son inahi. Soharabuddin Sheikh chu bol thu kikaptona a athi ahi tia akisei apat Shah hin CBI ho ana kimatsah lou ahi. Hiche case hi CBI hon kholchilna anei-u ahi. Janhi chun CBI in athah beh in ngohna lekha apelut kit uvin ahi.
