Presbytery hon thuso ahin neinauva chun Don Moen concert le workshop umding tohgon hi Indian Embassy hon visa aphalvah loujeh chule tulai gojuh laitah ahito kilhonía ahung lhungding Phallha (November) lha nisim 5 & 6 nikho dingakigong ahitai tin GS Umwi chun ahin phong in ahi. Hiche nikho tengle special workshop a guitarists, keyboardists le drummers hoa dinga kigong ahidan jong aseiyin ahi. Ticket ana kichoh sahochu anop le sum kilepeh kit ding anople ticket thah kipe kit thei ahi tinjong thuphon ahin nei uvin ahi. Ticket thah vang Lhajing (August) tengle kihom panding ahi. Shillong khopi keu hilouvin Don Moen hin Chennai le Mumbai jong avilding chujou tengle Sri Lanka le Dubai jong ajotpa ding ahi.
Thaoman kaljeh’a BJP ho kiphin
Shillong, Lhadou 26(NNN): Meghalaya unit Bharatiya Janata Party (BJP) hon misemni in thao man akal jeh in kiphinna anei uvin ahi. Petrol thao litre khat a Rs.3.50, Diesel Rs 2 per litre, Kerosene Rs. 3 per litre chuleh LPG ahiloule cooking Gas Rs. 35 per cylinder a aman kalbe dinga ginchat ahi. Hiche jeh a hi Bharatiya Janata Party in thaoman kal hin milham ho dinga hahsatna leh genthei chehna alhutding ahin, agan nathei chan a thaoman kal lou nading hin BJP in ngehna anei in ahi.
ULFA C-in-C toh kinai mi 3 kimandoh
Guwahati, Lhadou 26 (PTI) : Tuni chun ULFA ho natoh police le CRPF hon Guwahati muna mi 3 amat doh utoh lhon in ULFA hon aguh a boina asem kigot ho hetdoh ahitai. Mi 3 kiman ho hi Commander-in-Chief PareshBarua kinaipi ngen beh ahiu-vin, amaho hin Guwahati muna boina semdinga Barua in ahin sol hidin tahsan aume tin officials hon aseiye. Achesa ni phabep sunga security forces hon ULFA honatoh venbitna dinga operation abol nauva mi 3 hi kiman doh ahiuve. Amaho akon inapohkeh thei thil phabep, laptop khat, pen-drive khat, mobile handset 5 chuleh SIM card 15 amandoh un ahi. Akiman ho chu Bidyut Deka alias Raj Kamal Tamuli, Naba Kumar Das alias Jayanta Das chuleh Tapan Das alias Pullak ahiuve akiti e.
