ahi tin US Air Force Major Todd Robbins in aseiye. Amapa hi US office a Under Secretary ahi. Robbins in aseina a hitobang manchah Pakistan in anei ding hi sun le jan aphat seh a manchah thei chuleh adoina a chu jeng thei missile ho jong apoh thei ahi ati.
Robbins in aseibe na a hitobang advance jets Pakistan in anei hi galguh bol ho buluna a amanchah ding ahin chuleh hiche fighter jets hin noilam a thil atam suhset jou lou ding hijeh a milham athi jong lhomding ahi ati. Hitobang galsat huikong Pakistan kipe hi mijouse dinga phachom ding ahi ajeh chu galguh bol ho douna a kimangcha ding ahi tin Robbins in aseiye. F-16 fighter jets hi 1.4 billion dollar kinoptona noiya Islamabad leh Washington in kiphatsahna ananei lhon ahi. Hiche chung chonna Pakistan in tua F-16 anei ho semphat na dingin 1.3 billion dollars apeh be ding ahi.
Britain a mihem apun be jing jeh a agama chaulut ho khamgah na nei ding
London, Lhadou 26 : Britain gama mihem apun be jing to lhonna Britain coalition sorkar in agam a chaulut ho khamgah na anei nadia dan thah apoh doh ding ahitai. Mihem tamtah Britain gama achaulut jeh in mihem hi aphat seh in apunbe jingjengin ahi. Office for National Statistics in data aphondoh dung juiyin 2009 kum kim chun UK a mihem 61.8 million aum in ahi. Hiche hin avetsah chu ahileh achesa kum masa sangin mihem 394,000 akibe in ahi. Hiche hi gam danga kon hung chaulut atam jeh ahi akiti e.
Immigration minister Damian Green in population statistics kimu dung juiya sorkar in bol thei chan kibol ding ahi ati. Kal ijat jou hamteng leh immigration law kisem pha ding hichun Brit-ain a mihem apunbe jing hi ichan ham khat avenbit ding ahi tin Green in aseiye. Hiche chung chonna work permits, marriage law chuleh students regulation system ho vel vetna um ding ahi ati. Aman aseibe na a Britain a chaulut ho hi 1990 level a hisah kit ding akinom e ajeh chu mihem pun dan hi 2001 a sangin 2.7 million in atam jo tai ati.
German court in dam jou talou dingho thi thei dia phatsah
Karlsruhe, Lhadou 26 : German civil court sangpen chun janhi in koi hileh tahsa dammo a ahinkho a damjou kit talou dingho anop uleh thithei uv ahi tin phoondohna anei tai. Hiche tobang hi “Mercy Killing” ahilou leh ëassisted suicideí tin jong akiseiye. Hitobang thu hi kum phabep kinelna aum jou nunga Federal Court in aphatsah ahi. Court in aseina a koi hileh hitobanga thi nom jousen life suport in aseina a koi hileh hitobanga thi nom jousen life support ho akilah doh sah thei ahi ati. Hitobang thu hi Wolfgang Putz in nupi khat anu thi na dinga thupeh ana neina case jeh a hung kipodoh ahi.
Judges hon hitobang thu phondoh na anei pet un court sunga mipi ho akipah theilheh jingun ahi. Hitobang thulhut hi doctors ho le legal experts hon melchih thei tah nikho khat ahi tin lemna anei un ahi. Justice minister Sabine Lautheusser Schnarrenberger in aseina a itobang thina chu dan toh kitoh chuleh dan toh kitoh lou ham ti phatah in kibung khenna aum tai ati. Hiche hi mihem ahingmo khat in thina thei right anei chu ahi akiti e. Tehse nupi khat in achanu jah a kadam mo val tah hijeh a kathoh lel beh set in kathi nomtai ati phat in achanu in ahaina tube chu bahche a ache tan peh leh ni 2 jouvin amanu chu athi tai tin thuso mihon aseiye.
North west Mexico muna thal choi khat in mi 11 kaplih
Culiacan, Lhadou 26 : North west Mexico gam Sinaloa State a manchah choi mi khat in mi 5 akaplih in hiche to lhonna kham nathei lou (Drug) toh kimatna thi hi mi 11 alhingtai tin official thulhut chun aseiye. Sinaloa attorney general office a natong khat in aseina a hiche thilsoh hi kitol thana ahin tupet in athu hi akikhol lai tah ahi ati. El Carizzo town a man-chah choi hon ami mat hou chu akhut leh akeng akan peh un chujouvin AK-47 rifles a naicha in akap lih uve ati. Athi mi 5 ho chu koi ahiu akihe hih laiye. Chuleh mithat ho chu koi pen ham ti jong akihe poi. Thil chom beh khat a police hon athisa mi 6 amudoh kit un ahi. Sinaloa state hi Mexico gama dia kham nathei lou a kivei tam napen ahi jeh in aphat seh in kitha-kimat aum jing jenge.
