sung aum nahlai uleh penalty peh dingin coach Fabio Capello chun lhen dohsa in akoi in ahi. Chuleh, anga na a peh dingin Gareth Barry akoi in ahi.
England team te hi lha masa a Austria mun a preWorld Cup training camp a dinga akisuh to uvakipat hin
spot-kick hi aphat seh leh, nisih in practice anei jing uvin ahi. Chuleh, hiche chung chon chun Barry in a
ahkhomit akisuh khah jeh a full training ahunglut masang hin Lampard, Gerrard, Rooney le Milner hin
achom beh in hatah in extra practice session anei uvin ahi.
Lampard le Gerrard dinga hi kichouna lentah jong hiding ahi. Ajeh chu amani hin kum 4 masanga World Cup quarter-final achun penalty anakhum lhon lou jeh in Portugal tin anajou uvin ahi. Lampard hin FA Cup final le friendly match Japan tetoh anakichep uchun penalty ni ana khumpon ahi. Chuleh, alangkhat ah, Milner in England Under-21 a anakichepna a kum masachun European Championship semi-final Sweden tetoh anakichep nao ah, aman jong penalty khat anakhum pon ahi.
Chuleh, Ashley Cole, John Terry le Jermain Defoe jonghi apeh dingin kigo sadem in aum un ahi. England tehi Germany ten Italia “90 le Euro “96 kum chun penalty in anajou uvin ahi. Ahin Joachim Low team hohi khuti tah in 12 yard apat in boltheina anei beh seh pouvin ahi.
Group D a Germany ten Serbia te ana lel u chun Lukas Podolski penalty peh chu Vladimir Stojkovic in
ana save in ahi. Hiche hi 1974 kum apat Germany ten penalty akhum lou uhi 2 bou ahi nalai in ahi.
‘Hiche hi adih mong ahileh, pressure neitheina lentah ahi’ tin Defoe chun asei in ahi.
‘Ilung thim a hin iteam ho thil khat phat chomna muthei nadinga kithopi hi hatah a poi mo ahi. Chuleh, ibol doh leh inlanga um i-in kote leh I insung miten jong hatah in ei kipapiuve ti hi akihen ahi.
Athengset a seidingin thil jouse hi ilung thim ah aum in ahi. Chuleh confident jonghi angai e. heng nge ken jong kahe them thounai, masang kum chesa a thilsoh ho chu ivet leh kineple kihollel aum lheh in ahi. Ajeh chu mipi hohin England te hi Germany te toh akichep poupou leh penalty in alel ji uve tin agel gamtaovin ahi. Ahin, tuchung kakichep dingu ahi. Khuti taponte ajeh chu tu kum hi phat chom chuleh, game chom ahitan ahi’ tin Defoe chun aseibe in ahi.
Defoe hin, vahchanni a match-winner ahijou uva kipat chun tuchan hin kaboi nalai e onnaman phat kanei
nai poi tin asei in ahi. Chuleh, alangkhat ah, a insung mite leh aloi hi South Africa mun a Pathen nileh akichep uve a cheding in aboi lheh uvin ahi.
Defoe nu Sandra St Helen hin achapa jal a England ten jo na anei thei jeh uvin a insung mite jouse akou khom in golno leh tah abol peh in ahi.
‘Kanuhi game kichai jou chun alung gel ana emotional lhelh in ahi’ tin Defoe chun asei in ahi. Jermain
Defoe hin last season chun akichep na Spurs te club ding hin penalty ijat ham khat a aclub ho ana huh doh in, chuleh, tuchunga England le Germany kichep na dinga jong hi penalty peh nading mun aumjong leh hoitah bol pha dingin kitahsan nale kinepna hatah in anei in ahi.
‘Kanu in hatah in game kakichep masang u chu lhamon na ei nei in ahi. Ajeh chu kahagel beh seh jeh in kakichep masangu jan chun kanalup thei pon ahiî Nahinkho a hiche bol dinga hi hatah nahung kijil a na nahin toh ahin, ibol a nati ja ham nom tah in lunggimlou hel in kichem in iti ham khat a goal khum nathei ding phatgom kom nanei leh kakhum ding ahi tin kitah san na nei in’ tin Kanun isei peh e’ tin Defoe chun asei in ahi.
Ballack ana kichepna lui club Bayern a kichem kit tading
Berlin: Former Germany captain chuleh chelsea midfielder Michael Ballack in ana kichepna club lui Bayer Leverkusen toh kum ni contract ading in 15 million-euro a kihouna chu sign bolding kigel lhahna aneitai, tin gansemni in club chun hetchetna aneitai. Ballack hi free Transfer a season kichai achu Chelsea ten ahin lha ong u ahitan, Germany adinga 98 vei captain anapopa International playmaker hi sign bolding in akichu taovin ahi. Bundesliga club thum- Hamburg, Bayer Leverkusen chuleh Wolfsburg hocheng hin midfielder pahi ki-choh ding adei uvin hichea chun Premier League club Liverpool leh Tottenham teni jong apang in ahinlah Spanish akon in vang ama kichoh nom club tuchan in aum naipoi.
Hamburg leh Wolfsburg hin Ballack chu sum tampeh chom ding ago lhon in, ahivang in amain in ana
kichepna lui club kichep ding joh adei in, hiche chu German press in ìelungdei lam a kiche’ tin asei in ahi. Ballack hi Bayern Munich a ana kichon masang in, Liverkursen a kum 1999 leh 2002 sung in ana kichem in, goal 27 ana khum in ahi. Amahin Real Madrid’s coach thah Jose Mourinho jong ana kihoupi in, ahivang in Spanish giants tehin ama kichohna dinga kigel lhahna oltah anei jeh uvin akihouna lhon chu akeh tai tin thulhut chun aseiye. Ballack hi ainsungmite hotoh tuhin Sardina muna holiday amang uvin, Ahung kile tengle Leverkusen toh contract chu sign abol ding ahitai, tin German sports agency SID chun aseiyin ahi. Ama basic annual pay chu six million tobang ahin ahivang in bonus tampi amu ding, akihou nao kum ni sunga hi 15 million euros aphah jouding in ginchatb aum e, tin thulhut chun aseibe kit e.
