jongchu alung lhailou atamme, ajehchu MBBS leh MS chaiho mi tampichu internship certificate ajaopoi chuleh ajeh adang dangapansan analheng pouve. MPSC hoitah a akivet tuplouhi commission dinga mipin akineppi banga na atohjoulou ahijeh hin jachat umtah ahi. State sunga na tongnom khangdong doctor ho dingin lunglhah umtah ahi. Alang khatnah Meghalaya sorkar hin doctor alhomjeh in state danga konnin doctor alheng kigon alang khatkitnin state mi thepna sangtah neiho chu neochakhat jeh in alheng kit pouvin ahi.
Himchal a go hajuh, in bang chim jeh a mi 8 thi
Shimla, Lhadou 25 : Tuni chun Himachal Pradesh Sir maur district a go hat tah ajuhjeh in natong ho umna banga chim in ahileh asunga um mi 8 athi in ahi. Hiche natong ho-chu atamjo Uttar Pradesh state akon ahiuve. Insunga a ihmut pet tah u jingkah 3 am vel a thilsoh hi ana um ahi. Hiche thilso na mun hi Shimla akon 250 km a gamla Sataum kho ahi tin Deputy Commissioner Padam Chauhan in thuso miho koma aseiye. In chim lah a kon in athi ho chu akila doh tai tin Chauhan in aseiye. Sataun muna limestone mining natoh na a nikhoa natong ahiuve. Sorkar in magisterial inquiry um dingin aphongdoh in chuleh athi ho insung mite chu dangka 100, 000 cheh peh din aphongdoh uve
Bangladesh kholchena a Purno Sangma’n toset toh
Shillong, Lhadou 25(NNN): Nationalist Congress Party (NCP) lamkai le Lok Sabha Speaker ana hi,
Milun.P.A. Sangma, janhi chun Bangladesh ajin na ah accident ana toh in ahi. Ama vang akisu kha pon hinla ajinu, Nulun Soradini K.Sangma ana kiha suhkhah e ti thu ana kijan ahi. Thu kimu dan in janhi nidan 6.30 velchun, Munshinagar kiti mun Moulvibazar mun a ama touna gari leh akilhon pi gari lamkai kitattuo ana hi. Ama hi Dhaka muna ajinu chuleh Milun B.B. Dutta, Rajya Sabha MP lui toh seminar a gajau u ahi. Bangladesh apat a India ahung kinung le nau va hiche toset ana to'u ahi. Milun Datta chu Nazareth hospital a ana kijen ahi. Milun Sangma hi Dhaka a ni 5 sung seminar 'war crimes trial' kiti thupia kineina a chu ga jau ahin, Bangladesh Prime Minister Sheikh Hasina jong aki mu pi in ahi.
